Mirqasımov adına Klinik Xəstəxanada yaşananların kökü rayon xəstəxanalarına bağlıdır - Əmək... Nazirliyindən də asılı səbəb var...

Əmək və Əhalinin Sosial Müdafiəsi Nazirliyi - Fazil Talıbov: “Prosesin şəffaf olması üçün xəstələrin heç bir şəxsi məlumatları...”

img

M.Ə.Mirqasımov adına Respublika Klinik Xəstəxanasının poliklinika şöbəsində yaşanan izdiham sosial şəbəkələrdə müzakirələrə səbəb oldu.

Xəstəxanada izdihamın yaşanmasına səbəb ağır xəstəliklərə görə dövlət tərəfindən yardım alan və rayonlarda qeydiyyatda olan şəxslərin müayinə üçün Bakıdakı xəstəxanalara göndərilməsidir. Nəticədə bu, xəstəxanalarda sıxlığa səbəb olur. Nəzərə almaq lazımdır ki, koronavirus infeksiyasına görə çoxlu sayda insanın bir yerə toplaşması düzgün deyil. Məlumdir ki, insanların kütləvi olaraq bir məkana toplaşması virusa yoluxma risqini artırır.

Poliklinikada çox sayda insanın nə üçün toplaşması, uzun növbə yaratmasının səbəbləri maraqlıdır. Həkimlər bildirirlər ki, xəstələr öz xəstəlik dərəcələrinə görə müəyyən müddət müalicə olunmalı və bir müddət xəstəxanada yatmalıdırlar. Xəstələr isə bildirirlər ki, regionlardakı xəstəxanalarda onlara verilən sənəd qəbul edilmir: “Həmin insanlar öz qeydiyyatda olduqları rayonlardakı xəstəxanaya qəbul edilsələr də, bu qəbul edilmir. Bu səbəbdən də xəstələr Bakıya gəlməli, burada qalmalı olurlar. Bu da pensiya alan xəstələrə həm maddi, həm də digər tərəfdən problem yaradır. Üstəlik də poliklinikada uzun növbələr yaranır ki, pandemiya dövründə bu, narahatlıq yaradır”.

Hazırkı şəraitdə insanların müayinə olunması üçün paytaxt xəstəxanasına göndərilməsi nə dərəcədə düzgündür? Olmazmı ki, rayon  xəstəxanalarında həmin xəstələr müayinə edilsinlər?

  • “Bizə o xəstələrin xəstəlik dərəcələri ilə bağlı məlumatlar elektron formada gəlir”

Məsələ ilə bağlı Əmək və Əhalinin Sosial Müdafiəsi Nazirliyinin mətbuat katibi Fazil Talıbov bildirdi ki, bu prosesdə ən son müraciət onlara gəlir: “Bizə o xəstələrin xəstəlik dərəcələri ilə bağlı məlumatlar elektron formada gəlir və biz də cavabı eyni formada göndəririk. Prosesin şəffaf olması üçün xəstələrin heç bir şəxsi məlumatları daxil edilmir. Biz, sadəcə, sənədlərə baxıb qiymətləndiririk”.

Günel CƏLİLOVA

Son xəbərlər