Prezident təqaüdçüsü, 25 il müxtəlif rayonlarda 1-ci katib işləyən, 9 çağırış Ali Sovetin deputatı olmuş Səfiyyə Hacı qızı Dibirovaya ithaf edirəm
Rəhbər çalışdınız Qaxda neçə il, Çox rəğbət bəslədi sizə hər nəsil Ötsə də bahar, qış keçsə də fəsil. Əhsən deyirəm sizə Səfiyyə xanım! Ruhunuz şad olsun, Səfiyyə xanım.
Əməlin xeyirxah, duruşun sadə, Sözü söyləyərdin yavaş, ahəstə. Hörmət qazandınız ancaq beləcə Əhsən deyirəm sizə, Səfiyyə xanım! Ruhunuz şad olsun, Səfiyyə xanım!
Fədakar qızıydın Azərbaycanın, Gözünün nuruydun cümlə-cahanın. Qeyrət məbədiydin hər bir məkanın Əhsən deyirəm sizə, Səfiyyə xanım! Ruhunuz şad olsun, Səfiyyə xanım!
Sizintək insanlar nadir incidir, Hər dövrün, hər nəslin tək sevincidir. İsminiz hər zaman ən birincidir Əhsən deyirəm sizə, Səfiyyə xanım! Ruhunuz şad olsun, Səfiyyə xanım!
Demirəm adına dastan yazacam, Hər an xoş ovqatla xatırlayacam, Sizi hər zamanda öndər sayacam, Əhsən deyirəm sizə, Səfiyyə xanım! Ruhunuz şad olsun, Səfiyyə xanım!
Solmaz ELQIZI AYB-nin üzvü, "Qızıl qələm" və "Cəsarətli qələm" mükafatçısı, 5 kitab müəllifi, şairə-publisist.
Nəsillərə nümunə
Bu yazını onun 31 yanvar 2015-ci il dəfn gününü xatırtlamaqla, düşüncələrimlə, fikirlərimlə baş-başa qalaraq əlimə qələm alıb yazmağa qərar verdim...
18.06.2018 ci il tarixdə "Yada düşdü” jurnalında bibim haqqında xatirələrimi oxucularımla paylaşmışdım. Tarixin yaddaşına mən deyərdim ki, qızıl hərflərlə yazılmış bir insan ömrü, ailə qurmadan ömrünü vətənə, xalqına həsr edən Səfiyyə xanım Dibirovanı bütün Azərbaycan tanıyır.
Gəlin, görkəmli şəxsiyyətlərin onun haqqında dediklərini yada salaq:
O nəinki günəşli Azərbaycanın, həm də avar xalqının fədakar qızıdır".
Rəsul Həmzətov, Dağıstanın xalq şairi.
***
O, saf bir xrustaldır, evi isə canlı ensiklopediyadır.
Qafar Cəbiyev, Oqtay Rza, Yazarlar.
Dünyada beş nəfər saf insan varsa, mən deyərdim biri də Səfiyyə xanım olar, çünki o, suyu da üfürə-üfürə içərdi.
Əhməd Əhmədzadə Su-meliorasiya naziri.
Haşiyə: Aynur Sofiyeva AQUK-nin sədr müavini Səfiyyə xanımın yetirməsidir. 2016-ci ildə komitənin jurnalında onun haqqında məqalə dərc olunub. Onu da deyim ki, Aynur xanım bir bölgənin adamı kimi nəvəm - 15 yaşlı İsanın idmandakı uğurlarına sevinərək məni qəbul etdi, bu şəkli də xatirə olaraq çəkdirdi.
"Taekvando" idman növü üzrə qara kəmər alan, Azərbaycanı Rusiyada təmsil edən İsanı öz jurnallarında qələbə münasibətilə təbrik etmişlər.
Aynur xanım deyir ki, mənim yeddi yaşım vardı. Şahmatda ilk adddımlarımı atırdım. Səfiyyə müəllimə Qax rayonunun birinci katibi idi. Mən cəsarətlə deyə bilərəm ki, 11 il səkkiz ay bizim rayonda nümunəvi işi ilə qaxlıların sevgisini qazanıb o. Respublikada onun səyi nəticəsində ilk şahmat məktəbi bizim rayonda tikilib. Ucqar İlisu kəndinə asfalt yol çəkdirib. Rayonun abadlaşması, ictimai binaların tikilməsi, iri tipli xəstəxana tikilməsi onun əzmkarlığının sübutu deyilmi?
Məhz buna görə də Ulu Öndər Heydər Əliyev ona Xalqlar Dostluğu ordenini Qaxda təqdim etmişdir. Hətta ona Bakıda üç otaqlı mənzil verəndə təvazökarlıq edərək bir otaq bəsimdir demişdir. Bu da onun zəngin mənəviyyatının göstəricisidir.
Bibim haqqında nə qədər yazsam azdır. Allah ona rəhmət eləsin.Yeri cənnətlik olsun.
Zümrüd DİBİROVA AJB-nin üzvü, əmək veteranı
