Trampın "dayandırdım" dediyi 8 müharibədən biri yenidən alovlanıb. Sərhəddə çoxlu sayda əsgərlər öldürülüb. Əvvəlcə dedi ki, bir sözümlə atəşi dayandırdılar. Ardınca bir həftə əvvəl hər iki ölkənin prezidentlərini Asiya turnesində bir araya gətirərək sülh sazişi imzalatdı... Bu gün həmin ölkələrin müharibəsi yenidən qızışdı. Söhbət Tailand və Kambocadan gedir...
Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb.
A.Quliyev daha sonra yazır:
“Əslində təkcə Azərbaycan-Ermənistan münasibətləri istisna olmaqla, yerdə qalan və Trampın "dayandırdım" dediyi bütün 6 müharibə də nə vaxtsa yenidən alovlana bilər, çünki Tramp bu müharibələrin odunu söndürməyib , sadəcə üstünə "yaş ot" döşəyib. Ot quruduqca müharibələr yenidən qızışacaq. Heç kimin şübhəsi olmasın. Qəzza bu gündə, İran bu gündə, Yəmən bu gündə, Konqo və Ruanda bu gündə... Hamısı yarım-yaylaq gündə... Heç birində mükəmməl həll səviyyəsi yoxdur. Yeganə istisnanı Azərbaycan- Ermənistan məsələsi təşkil edir ki, Tramp öz adına çıxsa da, bu müharibəni Azərbaycan Prezidenti xalqın dəstəyi ilə özü həll edib...”
Tahir TAĞIYEV
