ABŞ və Venesuela arasında gərginlik artdığı bir vaxtda Rusiyadan ilə bağlı diqqət çəkən xəbərlər yayılıb. Məlumata görə, prezident Putinin əmrilə Rusiya vətəndaşlarını Venesueladan təxliyə etməyə başlayıb.
Bundan əvvəl iddialara görə, ABŞ Prezidenti Donald Tramp Venesuela lideri Nikolas Maduroya son xəbərdarlıq edərək ölkəni tərk etməsini istəyib. Maduro ilə telefonla danışdığını təsdiqləyən Tramp, danışıqla bağlı təfərrüatları açıqlamayıb. Lakin "Miami Herald" qəzeti mənbələrə istinadən bildirir ki, Trampın tələbi qarşısında Maduro azad seçkilərə icazə verməsi müqabilində Venesuela ordusuna nəzarətin onda qalmasını istəyib.
Maduronun özü və yaxın ətrafı üçün törətdikləri iddia edilən "cinayətlərə" görə "qlobal əfv" istədiyini iddia edən mənbələr bildirib ki, Tramp bu tələbləri rədd edib və Maduroya onun, həyat yoldaşı Siliya Floresin və oğlunun ölkədən təhlükəsiz çıxışını təmin edilə biləcəyini deyib. Məlumata görə, Tramp Maduro və ailəsinin dərhal ölkəni tərk etməsini istəyib.
“Reuters” agentliyinin telefon danışığından xəbərdar olan dörd mənbəyə istinadən verdiyi məlumata görə, Tramp 21 noyabrda baş tutan telefon danışığı zamanı Maduroya "ailəsi ilə birlikdə Venesuelanı tərk edib istədiyi yerə getməsi üçün bir həftəsi var" deyib.
Xəbərdə Trampın son müddətinin 28 noyabrda başa çatdığı bildirilir.
Bundan başqa, Trampın Venesuelaya təzyiq və digər məsələləri müzakirə etmək Ağ Evdə baş məsləhətçiləri və yüksək vəzifəli təhlükəsizlik rəsmiləri ilə gizli toplantı keçirib. İddia edilir ki, ABŞ yaxın vaxtlarda Venesuelada yerüstü əməliyyatlara başlayacaq. Tramp bir müddət əvvəl Venesuelada narkotik kartellərinə qarşı quru əməliyyatının başlamasına işarə edərək, "Yerüstü əməliyyat daha asandır və çox tezliklə başlayacaq" demişdi.
Son məlumatlara görə, Tramp bazar ertəsi (8 dekabr) Venesuela ilə bağlı ABŞ-ın yüksək vəzifəli təhlükəsizlik rəsmiləri ilə görüşəcək.
Bütün bunların fonunda Rusiyanın vətəndaşlarını Venesueladan təxliyə etməyə başladığı xəbərləri yayılır. İddialara görə, Venesuelaya Rusiya vətəndaşları üçün xüsusi uçuşlar təşkil olunur. Rusiya mediasında yayılan və beynəlxalq rezonans doğuran bu xəbər müzakirələrə səbəb olub. Rusiyanın ABŞ-ın qarşısında Venesuelanı tərk etdiyi irəli sürülüb.
Bildirilir ki, xüsusi uçuşlar təkcə turistləri deyil, həmçinin Venesuelanın daha da qarışa biləcəyi ehtimalına qarşı ölkəni tərk etmək istəyən hökumət rəsmiləri, iş adamları və hökumətə yaxın şəxslər üçün nəzərdə tutulub.
Rusiyanın tur şirkətlərindən biri isə Venesuelaya turist səfərlərinin gələn ilin fevralına qədər dayandığını bildirib.
ABŞ prezidenti Donald Tramp Venesuelanın və bölgənin hava məkanının tam bağlanacağı xəbərdarlığının ardında müharibə təhlükəsinin artması fonunda, Çin və Rusiyanın Maduro administrasiyasını daha güclü şəkildə dəstəkləməməsi diqqət çəkir.
Venesuelanın 20 ildən çoxdur ki, Amerika əleyhinə əhval-ruhiyyənin təsiri altında Rusiya, Çin, Kuba və İran kimi ölkələrlə yaxınlaşmasına baxmayaraq, indiki gərgin məqamda dəstək bəyanatlarından başqa heç bir konkret addımlar atılmır.
“Wall Street Journal” yazır ki, bir neçə ay əvvəl İsrail və ABŞ-ın hücumlarının hədəfində olan İran da eyni şəkildə meydanda tək qalmışdı.
TAHİR
