İlyas Hüseynov: “Məhz elə Putinlə Modi arasında keçirilmiş danışıqlardan sonra tədbirə qatılan Hindistanın baş naziri Azərbaycana qarşı bu qərəzli addımı atıb”
Rusiya prezidenti Vladimir Putin və Hindistanın baş naziri Narendra Modi Şanxay Əməkdaşlıq Təşkilatı (ŞƏT) çərçivəsində apardıqları ikitərəfli danışıqlar zamanı Rusiya istehsalı olan “Aurus”da gəzintiyə çıxıblar.
ŞƏT zirvəsinə gedən Modi və Putin 15 dəqiqə yol gediblər, sonra avtomobildə daha 45 dəqiqə söhbət ediblər. “Bloomberg” mənbələrə istinadən yazır ki, bu gecikmə səbəbindən ŞƏT-in cədvəlində dəyişiklik edilib.
Modi və Putinin “limuzin diplomatiyasında” nələrin müzakirə edildiyi isə açıqlanmır. Bu görüş Trampın Rusiyaya görə Hindistana təzyiqləri artırdığı bir vaxta təsadüf edir.
Onu da vurğulayaq ki, “limuzin diplomatiyasından” sonra ŞƏT zirvəsinə qatılan Modi Azərbaycanın təşkilata üzvlük müraciətini bloklayıb. Pakistan isə Hindistanın Azərbaycanla bağlı bu hərəkətinə cavab olaraq, Ermənistanın ŞƏT-ə üzvlüyünü bloklayıb.
Ola bilər ki, Putin Modini Bakıya qarşı qızışdırsın?
“Bir sıra ekspertlərin fikrincə, prosesin arxasında məhz...”
Politoloq İlyas Hüseynov “Bakı-Xəbər”ə bildirdi ki, Hindistanın ŞƏT-də Azərbaycanın namizədliyini bloklaması Azərbaycanda ciddi müzakirəyə səbəb olub və Hindistanın ölkəmiz əleyhinə düşmən mövqeyini ifadə edir. İ.Hüseynov qeyd etdi ki, bununla yanaşı olaraq qardaş Pakistan da Ermənistanın ŞƏT-ə üzvlüyünü bloklayıb. “Lakin sosial şəbəkələrdə yayılan fotogörüntülər bir sıra fikirlərin genişlənməsinə yol açıb. Çünki Rusiya istehsalı olan “Aurus” limuzinində Rusiya Prezidenti Vladimr Putin və Hindistanın baş naziri Narendra Modi danışıqlar aparıb. 15 dəqiqəlik məsəfə qət olunub və daha sonra 45 dəqiqə danışıqlar keçirilib. Hətta bu avtomovildə olan danışıqlar ŞƏT-in cədvəlində də dəyişikliklərə səbəb olub. Çünki Hindistan və Rusiya liderlərinin avtomobildə danışıqları uzun çəkib. Maraqlı məsələ ondan ibarətdir ki, məhz elə Putinlə Modi arasında keçirilmiş danışıqlardan sonra tədbirə qatılan Hindsitanın baş naziri Azərbaycana qarşı bu qərəzli addımı atıb. Bir sıra ekspertlərin fikrincə, prosesin arxasında məhz Rusiya dayanır. Hətta Prezident İlham Əliyevlə Vladimir Putin arasında paradın keçirildiyi salonda çox soyuq görüşün keçirilməsi də Rusiya ilə Azərbaycan arasındakı vəziyyəti ifadə edir”.
İ.Hüseynov hesab edir ki, Hindistan ölkəmizə qarşı bu cür addımlara son qoymalıdır və Azərbaycanın iqtisadi yüksəlişini, ikitərəfli və çoxtərəfli müstəvidə əməkdaşlıq formatında imkanlarını məhdudlaşdırmağa yönəlmiş bu cür çirkin addımlardan çəkinməlidir. “Təəssüflər olsun ki, rəsmi Yeni Dehli hələ də düşmənçilik ritorikasından çıxış edir və ölkəmiz əleyhinə çirkin təbliğatı genişləndirir”-deyə İ.Hüseynov qeyd edti.
İradə SARIYEVA
