Azər Həsrət: "Rusiya dövləti dünyanın bütün millətlərinə nifrət edir, o cümlədən də bizə, özbəklərə, qazaxlara, qırğızlara, türkmənlərə, hətta öz ərazisində yaşayan digər türk xalqlarına..."
Rusiyada əsrlər boyu azərbaycanlılara, özbəklərə, türkmənlərə və digər türk xalqlarına qarşı amansız diskriminasiya, islamafob və sövunist siyasət bu gün dövlət başçısı səviyyəsində dəstəklənir.
Rusiya dini bir, dili bir qardaşı olan ukraynalılara qarşı misli görünməmiş soyqırımı törədirsə, onun digər millətlərə qarşı daha qəddar və qaniçən davranışı artıq təəccüb doğurmur.
Xalqlar həbsxanası olan sovet imperiyası dağıldıqdan sonra rusların Almatıda, Tiflisdə və Bakıda törətdiyi qırğınlar hələ də xalqların yaddaşında sızıldayır. 20 Yanvar faciəsi rusların əlinin xalqımızın qanına bulaşmasının ən kiçik miqyasli nümunəsidir.
Rusiyanın hüquq-mühafizə orqanlarının yeni kəşf etdiyi "etnocinayətkarlıq" termini praktikada hansı dəhşətli nəticələrə gətirib çıxarır?
Bu termin Rusiyada digər millətlərdən olanların hamısının "cinayətkar" sayılmasına presedent yaratmırmı?
Məsələ ilə bağlı bakı-xeber.com-a açıqlama verən siyasi şərhçi Azər Həsrət bildirdi ki, aqressiv Rusiya dövləti getdikcə daha da azğınlaşır, ayrı-ayrı xalqlara qarşı onları etnik mənsubiyyətinə əsaslanan ağır cəzalar tətbiq edir. Bu cəzalar qanun çərçivəspində olsaydı, əlbəttə, anlayışla qarşılayardıq. Çünki hər bir dövlətin qanunları çərçivəsində hüquqi zəmin yaranarkən vətəndaşlarını cəzalandırmaq hüququ var. Buna qarşı heç kimin deyəcəyi bir söz də yoxdur. Amma Rusiyanın etdiklərinin heç birinin qanuna heç bir dəxli yoxdur. Sadəcə olaraq, azğınlaşmış bir imperiyanın nifrət üzərində köklənmiş siyasətinin başqa millətdən olanlara tətbiqidir. Yəni Rusiya dövləti dünyanın bütün millətlərinə nifrət edir. O cümlədən də Rusiya bizə, özbəklərə, qazaxlara, qırğızlara, türkmənlərə, hətta öz ərazisində yaşayan digər türk xalqlarına nifrət edir. Ona görə də azəbaycanlılara qarşı belə insanlığa sığmayan əməliyyat gerçəkləşdiriblər.
Əslində Rusiyanın belə davraması bizi heç cür və heç vaxt təəccübləndirməməlidir. Amma hamımız qəzəbliyik, Rusiyadan və beynəlxalq təşkilatlardan ədalətin bərpa edilməsini tələb edirik. Azərbaycan ərazicə kiçik dövlət ola bilər, amma heç kim və heç bir dövlət bunu əlində rəhbər tutaraq üstümüzə gələ bilməz. Bizim soydaşlarınıza qarşı edilən vəhşiliyin düyməsinə ən yüksək səviyyədə, Vladimir Putin tərəfindən basıldığına artıq şübhələr qalmır. Çünki dövlət orqanları tərəfindən bu qədər azğınlıq nümunəsi sayılacaq əməliyyatın keçirilməsi üçün ən yüksək səviyyədə əmr alınmalıdır. Yəni bunu kimsə vilayət çərçıvəsində, özbaşına etməyib.
Belə bir şəraitdə Rusiya Federasiyasının azğınlaşması bizi düşünməyə vadar edir. Azərbaycan dövləti ilə bərabər Türk Dövlətləri Təşkilatının üzvü olan digər müstəqil dövlətlər də bir araya gələrək bu məsələ ilə bağlı ortaq mövqedən çıxış etməlidirlər. Necə deyərlər, birimizə hücum, hamımıza hücumdur. Bu səbəbdən də birimizə hücum edilibsə, ona hamılıqla cavab verməliyik".
Dəniz NƏSİRLİ
