Azərbaycanı sevməyən alman nazirə dünya üzrə daha böyük vəzifə verildi...
Azər Həsrət: "Düşünürəm ki, Azərbaycan tərəfinin müvafiq qurumları və təmsilçiləri bu məsələdə bir qədər çevik hərəkət etsələr, hər şey yaxşı olar"
Almaniyanın keçmiş xarici işlər naziri Annalena Berbok BMT Baş Assambleyasının yeni prezidenti olub. Berbok yeni vəzifəsindən yeni çətinliklərin öhdəsindən gəlmək üçün tramplin kimi istifadə etmək niyyətindədir.
Annalena Berbok beynəlxalq səhnədən çox qısa müddətə kənarda qaldı. Mayın əvvəlinə qədər - Fridrix Merz yeni kansler seçiləndə 44 yaşlı siyasətçi Almaniyanın xarici işlər nazirinin səlahiyyətlərini icra edirdi. Cəmi üç həftədən sonra, iyunun 2-də o, Nyu-Yorkda Birləşmiş Millətlər Təşkilatının Baş Assambleyasının yeni prezidenti seçildi.
Bəllidir ki, Berbok Azərbaycanı sevmir. Bu adam ermənilərlə əməkdaşlığa daha çox meyllidir.
Berbokun dövründə BMT Baş Məclisi Azərbaycana qarşı hansısa mənfi qərar verə bilərmi?
Baki-xeber.com saytının sualını cavablandıran siyasi şərhçi Azər Həsrət bildirdi ki, istər Berbok olsun, istərsə də başqa şəxs, dəxli yoxdur, Azərbaycan öz diplomatiyasını və siyasətini düzgün və uyğun şəkildə qursa, bizə heç kim heç nə edə bilməyəcək: "Sadəcə olaraq diqqətli olmalıyıq. Əlbəttə, hər şey onun iradəsindən asıli deyil. Nə olsun ki, Berbok BMT Baş Məclisinin rəhbəridir? Yəni qərarlar təkbaşına qəbul edilmir, bütün məsələlər müzakirə edilir, səsə qoyulur və səs çoxluğu ilə qəbul edilir. Orada bütün qərarlar müzakirə olunur, tərəflər dinlənilir və kollegial olaraq qəbul edilir. O cümlədən də Azərbaycan haqqında nəsə müzakirəyə çıxarılacaqsa bizim də rəyimiz öyrəniləcək. Ona görə narahat olmağa dəyməz. Sadəcə olaraq işləmək lazımdır, yəni arxayınlaşa bilmərik.
Hesab edirəm ki, Azərbaycan tərəfi ciddi şəkildə işləsə, burada beç bu istiqamətdə heç bir problem yaranmayacaq.
Annalena Berbokun Azərbaycana münasibəti bəllidir. O, xarici işlər naziri olduğu dövrdə ermənilərə rəğbətini heç gizlətmirdi, anti-Azərbaycan mövqedə idi. Amma o, tam sərt şəkildə erməni həvəşkarı da deyil. Yəni biz onunla danışa, anlaşa və işləyə bilərik. Düşünürəm ki, Azərbaycan tərəfinin müvafiq qurumları və təmsilçiləri bu məsələdə bir qədər çevik hərəkət etsələr, hər şey yaxşı olar. Dünya belədir, işləyirsənsə, adamlara fikrini, məramını izah edə bilirsənsə heç bir problem yaşamırsan".
Dəniz NƏSİRLİ
