Ermənistan Azərbaycana təzyiq imkanı qazanmaq üçün COP29-un Bakıda keçirilməsinə səs verib
Son zamanlar erməni siyasi hakimiyyəti reallıq hissini itirdiyindən, ağlına və ağzına nə gəlirsə, medianın dövriyyəsinə buraxir. Artıq Ermənistan hakimiyyətinin siyasətini əsaslandırmaq üçün əlində arqument qalmadığından cəmiyyətə sərsəm açıqlamalar verir. Bu dəfə yenə parlamentin spikeri Alen Simonyan jurnalistlərə gülünc bir fikir söyləyib.
Ermənistan Bakıda keçiriləcək BMT-nin iqlim dəyişikliyi konfransı olan COP29-da iştirak edib-etməyəcəyi ilə bağlı hələlik qərar verilməyib. Bunu jurnalistlərlə keçirdiyi brifinqdə Ermənistan Milli Assambleyasının sədri Alen Simonyan deyib.
Burası aydındır ki, Ermənistan COP29-da iştirakı ilə Azərbaycana təzyiq edir ki, sülh sazişindəki razılaşdırılmayan maddələrsiz əhəmiyyəti olmayan bir sənəd imzalasın - İrəvan ABŞ və Avropaya bəyan etdin ki, "artıq münaqişə həllini tapıb". Bundan sonrakı mərhələdə isə Ermənistanım Avropa İttifaqına gedən yolunda yaşıl işıq yana bilər. Amma Azərbaycan tərəfi doğrudan münaqişəni birdəfəlik həll edə biləcək bir sülh sazişi imzalamaq fikrindədir. Ona görə də Ermənistanın reallıqları qəbul etməyini gözləyir.
Ardınca Simonyan deyir: "Hələ belə bir qərar yoxdur. Müzakirə etməliyik, başa düşməliyik ki, niyə getməliyik, Ermənistana nə verəcək, bizim maraqlarımız nədən ibarətdir, hansı səviyyədə iştirak edəcəyik. Hər halda, COP29-da iştiraka dəvət Azərbaycanın inhisarı deyil, Azərbaycan tədbiri deyil, BMT-nin tədbiridir. Ermənistan Respublikası Birləşmiş Millətlər Təşkilatının üzvüdür. Yenə deyirəm, hələ qərar qəbul edilməyib, biz bunu müzakirə edib anlayacağıq".
Simonyan anlamır ki, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 Azərbaycanda keçiriləcək və Azərbaycan dövləti bu il COP29-un dönəm sədridir. BMT-nin bu barədə protokoluna əsasən, COP-a ev sahibliyi edən ölkə onun sədri seçilmiş olur və tədbirin rəhbəri və ev sahibi kimi qonaqları həmin ölkə dəvət edir. Bu bir tərəfdən adi protokol qaydasıdir, digər tərəfdən burda bir siyasi məntiq də var. Ölkəyə dəvət edilən hər bir qonağın təhlükəsizliyinin təminatı məsələsi də ev sahibinin öhdəliklərindən biridir. Bu baxımdan ev sahibi olan ölkə dəvət edilməli ölkələr sırasından kimlərisə çıxara da bilər. Məsələn, COP Azərbaycanda bes il əvvəl keçirilsə idi, Azərbaycan hökuməti Ermənistanı bu tədbirə dəvət etmək barədə tərəddüd edə bilərdi. Çünki Azərbaycan ərazilərinin 20 faizini işğal altında saxlayan bir ölkə nümayəndələrinin təhlükəsizliyinin təmin edilməsi o qədər də asan məsələ olmazdı. Təcrübə də bunu sübut edib ki, işğal dönəmində bir çox hallarda erməni nümayəndələrinə qarşı sadə vətəndaşların nifrətini ifadə edən hərəkətlər müşahidə edilib. Bunu Ermənistan tərəfi də çox yaxşi başa düşür və İrəvan 2015-ci il Avropa Oyunlarına dəvət alsa da Ermənistan idmançıları bu tədbirə qatılmadı.
Azərbaycanın COP29-a ev sahibliyinə Ermənistan nümayəndəsi də səs verib, işğal faktı aradan qalxıb, üstəlik, hökumət də təhlükəsizliyə zəmanət verir, yəni arada heç bir sorun yoxdur. Bəs Ermənistanın tərəddüdləri nə ilə bağlıdır? Əgər Ermənistan COP29-un Azərbaycanda keçirilməsini istəmirdisə, nədən bu qərarın lehinə səs verdi?
O vaxt Ermənistanın bu jesti sülhə və dostluğa uzanmış əl kimi dəyərləndirilirdi. Lakin indi Ermənistan hakimiyyətinin hərəkətlərindən bəlli olur ki, İrəvan Bakıya təzyiq imkanı qazanmaq üçün COP29-un Bakıda keçtilməsinin lehinə səs veribmiş. İndi isə rəsmi İravən bu imkandan yetərincə yararlanmağs çalışır. Hətta Amerika və Qərb kimi müttəfiqləri də bu işdə ona yardımçı olur. Bəlkə də Qərb və Amerikanin ən böyük yardımı elə bu təzyiq imkanı layihəsinin Ermənistana ərməğan edilməsi olub.
Simonyanın fikirlərindən belə çıxır ki, GOP29-da iştirak edən hər bir ölkənin özəl marağı olmalıdır. Erməni spiker hələ anlamır ki, bu tədbir bəşəriyyəti ümumi evi olan Yer kürəsini fəlakətlərdən qorumaq üçün keçirilir. Artıq 29-cu ildir ki, COP keçirilir, hələ bunun mahiyyəti erməni spikerə çatmayıb, görün indi erməni cəmiyyəti nə gündədir.
Xatırladaq ki, noyabrın 11-dən 22-dək Bakıda BMT-nin İqlim Dəyişikliyi üzrə COP29 Konfransı keçiriləcək. Bundan əvvəl Azərbaycanın xarici işlər naziri Ceyhun Bayramov Ermənistana COP29-da iştirak etmək üçün dəvət göndərildiyini bildirmişdi. Ermənistanın baş naziri Nikol Paşinyan bu yaxınlarda bəyan edib ki, Ermənistan Bakıda keçiriləcək COP29 konfransında iştirakla bağlı hələ qərar verməyib.
Akif NƏSİRLİ
