Avropa bu şəxsləri Azərbaycana təslim edəcək(?) - beynəlxalq şərait dəyişib...
Uzun müddətdir xaricdə Azərbaycan əleyhinə təbliğat aparan, kəskin tənqidlər və təhqirlər səsləndirən bir neçə bloger təqsirləndirilən şəxs qismində Azərbaycan Respublikasının Baş Prokurorluquna çağırılıb.
Belə ki, təqsirləndiirlən şəxs İlqar Hacıyev aprelin 15-də saat 10:00-da Azərbaycan Respublikası Baş Prokurorluğunun İstintaq idarəsinin inzibati binasına gəlməlidir. İlqar Hacıyev Azərbaycan Respublikası Cinayət Məcəlləsinin 178.3.2-ci maddəsi ilə təqsirləndirilir.
Baş Prokurorluğun İstintaq idarəsi tərəfindən təqsirləndirilən şəxs Məmmədov Qurban Cəlal oğluna Azərbaycan Respublikası Cinayət-Prosessual Məcəlləsinin 467-13.4-cü maddəsinin tələbinə əsasən rəsmi bildiriş göndərilib.
Qurban Məmmədov şəxsiyyətini təsdiq edən sənədlə birlikdə 16 aprel 2025-ci il tarixdə, saat 10:00-da Azərbaycan Respublikası Baş Prokurorluğunun İstintaq idarəsinin inzibati binasına gəlməli idi.
Baş Prokurorluğun İstintaq idarəsi tərəfindən təqsirləndirilən şəxs Sadıqlı Tural Əlövsət oğluna Azərbaycan Respublikası Cinayət-Prosessual Məcəlləsinin 467-13.4-cü maddəsinin tələbinə əsasən rəsmi bildiriş göndərilib.
Tural Sadıqlı şəxsiyyətini təsdiq edən sənədlə birlikdə 15 aprel 2025-ci il tarixdə, saat 14:00-da Bakı şəhəri, Binəqədi rayonu, Dərnəgül yaşayış sahəsi, 21-ci Dağlıq küçəsi, 3105-ci məhəllə ünvanında yerləşən Azərbaycan Respublikası Baş Prokurorluğunun İstintaq idarəsinin inzibati binasına gəlməli idi.
Təqsirləndirilən şəxs Qabil Əmrah oğlu Məmmədov barəsində Azərbaycan Cinayət-Prosessual Məcəlləsinin 467-13.4 maddəsinin tələbinə əsasən rəsmi xəbərdarlıq olunub.
Bildirilib ki, Qabil Məmmədov şəxsiyyət vəsiqəsi ilə birlikdə 17 aprel 2025-ci il tarixində saat 10:00-da Bakı şəhəri, Binəqədi rayonu, Dərnəgül yaşayış sahəsi, 21-ci Dağlı sahəsi, 3105-ci məhəllə ünvanında Baş Prokurorluğun İstintaq İdarəsinin İnzibati binasına gəlməlidir.
Azərbaycan hökuməti indiyə qədər də bu qərarı qəbul edə bilərdi, buna heç bir maneə yox idi. Amma ötən bu müddət ərzində belə bir addım atılmayıb. İndi nə dəyişib ki, belə bir qərar qəbul edilib? Bu şəxslərin Azərbaycana ekstradisiyası hüquqi-siyasi baxımdan nə qədər realdır?
Hikmət Babaoğlu: "Düşünürəm ki, Azərbaycan Respublikasının Baş Prokurorluğu vaxtında və düzgün qərar verib"
Bununla bağlı baki-xeber.com-un suallarını cavablandıran deputat, siyasi şərhçi Hikmət Babaoğlu bildirdi ki, söyüş müxalifəti islamafob və erməripərəst mərkəzlərin Azərbaycana qarşı apardıqları dəyərsizləşdirmə siyasətinin tərkib hissəsi idi: "Onlar Azərbaycan xalqının dəyərlərinə, dövlətimizin başçısına, milli və dövlət dəyərlərimizə hücum edərək onları dəyərdən salaraq, ölkədə bir dəyərsizləşdirmə mühiti yaratmaq istəyirdilər. Liderlərimizə saldırmaqla islamafob mərkəslərin lidersizləşdirmə siyasətini yürüdürdülər.
Artıq informasiya müharibəsində biz yeni bir mərhələyə qədəm qoymaqdayıq. Çünki söyüş müxalifəti necə ifşa edildisə, dünyada ideoloji müstəvidə fəaliyyət göstərən digər cərəyanlar da ifşa edilməlidir. Ona görə də "Azadliq Radiosu", "Amerikanin səsi" və USAID-in ABŞ tərəfindən bağlanması - bütün bunlar baş verirsə, söyüş müxalifətinin xaricdə də fəaliyyət göstərməsi mümkün olmamalıdır.
Düşünürəm ki, Azərbaycan Respublikasının Baş Prokurorluğu vaxtında və düzgün qərar verib.
Azərbaycan dövlətinə, Azərbaycan xalqının milli maraqlarına qarşı ermənipərəst və islamafob mərkəzlərlə əlbir olub fəaliyyət göstərən bu şəxslər mütləq Azərbaycanın hüquq-mühafizə orqanları qarşısında cavab verməlidirlər.
Onların Azərbaycana gətirilməsi məsələsinə gəldikdə, düşünürəm kı, indiki mərhələdə bu da mümkün görünür. Çünki Avropa artıq başa düşür ki, bu siyasət onlara uğurlu nəticələr gətirmədi. Makronun da qarşıdakı mərhələdə hakimiyyətdən gedəcəyini və tamamilə yeni nəsil liderlərin Avropada hakimiyyətə gəlməsini görəcəyik. Necə ki, biz Böyük Britaniya və Almaniyada bunu artıq müşahidə etdik. Hazırda Avropanın daha çox öz problemləri ilə məşğul olmaq zərurəti yaranıb. Beləliklə, onlar başqalarına problem yaratmadan öz problemlərinin həlli ilə məşğul olacaqlar. Şübhəsiz ki, Azərbaycan dövləti də öz nüfuz və gücündən istifadə edib, həmin təqsirləndirilənlərın ölkəmizə gətrilməsinə nail ola bilər. Məncə bu çox ədalətli olardı".
Xəyal Bəşirov: "Onlar bilməlidir ki, Azərbaycanın onların yaşadıqları dövlətlərlə cinayət törətməkdə sübhəli bilinən şəxslərin mübadiləsi ilə bağlı müqavilələri var"
Hüquqşunas Xəyal Bəşirov isə bizimlə söhbətində bildirgi ki, son zamanlar Azərbaycan hökumətinin atdığı bir sıra uğurlu addımlar var: "Uzun müddət davam edən münaqişəyə son qoyuldu, ərazi bütövlüyünə və suverenliyə nail olundu. Ermənistanla sülh sazişinin bağlanması istiqamətində çox ciddi addımlar atmışıq. Lakin Azərbaycana qarşı səfərbərlik elan edən qüvvələrin dəyirmanına su tökən sapı özümüzdən olan baltalar - insanlar var ki, onlarla bağli hökumət gərəkən addımlar atmağa qərar verib. Bu həm Azərbaycan Respublikasının qanunlarına, həm də beynəlxalq hüquqa uyğun bir addımdır. Qeyd edilən şəxslər qanunazidd hərəkətləri ilə paralel şəkildə dünyanı və Azərbaycan cəmiyyətini yanıltmağa çalışırdılar ki, guya onlar siyasi təzyiqə məruz qalıblar və başqa qanunazidd əməlləri yoxdur. Halbuki, bu yaxınlarda həmin təqsirləndirilən şəxslərin törətdikləri cinayət tərkibli əməllər açıqlandı. Həmin şəxslər könüllu olaraq istintaqla əməkdaşlıq edərlərsə, onlara qarşı qanunvericilikdə olan yüngülləşdirici hallar tətbiq edilə bilər. Onlar bilməlidir ki, Azərbaycanın onların yaşadıqları dövlətlərlə cinayət törətməkdə sübhəli bilinən şəxslərin mübadiləsi ilə bağlı müqavilələri var. Biz dəfələrlə Avropanın ayrı-ayrı dövlətlərindən cinayət törətməkdə ittiham edilən şəxslərin ekstradisiyalarının şahidi olmuşuq. Bu şəxslərə münasibətdə də analoji addımlar atıla bilər. Mən düşünürəm ki, ilkin olaraq onlara könüllü gəlmək şansı yaradılacaq. Əgər onlar bu imkandan istifadə etməsələr, dövlət növbəti addımlar atacaq, onların ekstradisiyasını reallaşdıracaq".
Dəniz NƏSİRLİ
%20%20-%20beyn%C9%99lxalq%20%C5%9F%C9%99rait%20d%C9%99yi%C5%9Fib...%5Cn%22%2C%22image%22%3A%22https%3A%2F%2Fwww.baki-xeber.com%2Fmedia%2F2025%2F03%2F17%2Farrest.jpg%3Fv%3D1742231654%22%2C%22iframe_v2%22%3Afalse%2C%22iframe_v3%22%3Afalse%2C%22t%22%3A0%2C%22cg%22%3A%7B%22isPrivate%22%3Atrue%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Fwww.baki-xeber.com%2Fsiyaset%2F178883.html%22%2C%22referrer%22%3A%22%22%2C%22user_id%22%3A%22de277f80-5576-457f-8469-3d49ac48328d%22%2C%22iframe_user_id%22%3Atrue%7D%7D&cb=0.08571026966368311){kind=spacer}