Mübariz Göyüşlu: "İlham Əliyevin çıxışları nəinki ölkədaxili, eləcə də dünya üçün gözəl masajlardır"
Bakıda "Dünya düzəninin yenidən düşünülməsi: Çağırışların fürsətə çevrilməsi" mövzusunda XII Qlobal Bakı Forumu keçirilir. Bir sıra əhəmiyyətli mövzulara toxunulan Forumda iştirak edən ölkə başçısı İlham Əliyev çıxış edərək bildirib ki, biz qlobal nizamı olduqca düzgün qiymətləndirirdik. Milli maraqlarımız məsələsində biz heç kəsə və ya heç bir təsisata arxalanmamışıq: “Siz həmişə kiminsə yardımına bel bağlasanız, birincisi, bu sizi zəiflədəcək, ikincisi, bu yardımın daimi olacağına dair heç bir zəmanət yoxdur, üçüncüsü də siz suverenliyinizin bir hissəsini itirmiş olursunuz. Çünki əgər siz həmişə kimdənsə asılısınızsa və həmişə kimdənsə yardım istəyirsinizsə, onda bir gün gələcək həmin şəxs gəlib sizdən hesabat istəyəcək”.
Maraqlıdır, Prezident İlham Əliyevin məlum çıxışı dünyaya nə kimi mesaj verdi?
"Ölkə başçısı İlham Əliyev düz buyurub ki, hər hansı dövlətə, təşkilata bel bağlanılmamalıdır"
Cross Media Təhlil Mərkəzinin analitiki, siyasi şərhçi Mübariz Göyüşlü baki-xeber.com-a şərhində bildirdi ki, ölkə başçısı İlham Əliyev düz buyurub ki, hər hansı dövlətə, təşkilata bel bağlanılmamalıdır: "Ukraynanın timsalında xalqın, dövlətin yaşadığı çətin vəziyyəti görürük. Ukraynaya Qərb və Amerika vədlər versə də, vəziyyət başqa cür yaşandı. İndi Ukrayna xalqının düşdüyü vəziyyət göz önündədir. Düzdür, Avropa Ukraynanı dəstəkləyir, Amerika isə meydanda qoyub qaçmaq mərhələsindədir. Bu səbəbdən də heç kimə arxayın olmamaq lazımdır. Necə ki, Azərbaycan heç kimə arxayın olmadı, birinci Qarabağ müharibəsindən sonra əldə edilən atəşkəsdən sonra özünü gücləndirdi. Biz dəfələrlə beynəlxalq təşkilatlara, dövlətlərə müraciət etmişdik, ancaq heç bir nəticə olmamışdı. Və biz özümüz ədaləti bərpa edib, torpaqlarımızı geri qaytardıq. İndi də heç kimə arxayın olmadan işğaldan azad olunmuş ərazilərdə yenidənqurma işləri həyata keçiririk. İlham Əliyevin çıxışları nəinki ölkədaxili, eləcə də dünya üçün gözəl masajlardır. Azərbaycan Prezidenti artıq dünya lideridir, əzilən xalqlar, çətin durumda olanlar bu fikri əsas götürməlidir".
Günel CƏLİLOVA
