Erməni lobbiçiləri Azərbaycanın ziyanına Baydenə təzyiqləri artırır - Baydenə çətin suallar...

Elşad Həsənov: “Onlar bütün vasitələrlə çalışırlar ki, bu sahədə əməkdaşlıq pozulsun”

img

Ermənistanın 13 sentyabrda törətdiyi məlum təxribatdan sonra Bayden Administrasiyası təhlükəsizlik sahəsində Azərbaycanla əməkdaşlığa görə getdikcə artan təzyiqlə üzləşir. Xüsusən Konqresdə anti-Azərbaycan əhvalı güclənməkdədir. Konqresmen Cimmi Qomez “Azərbaycanın Ermənistana son hücumlarını pisləyərək” ABŞ-ın müvafiq addımlar atmalı olduğunu vurğulayıb. Konqresmenin fikrincə, ABŞ Azərbaycana hərbi dəstəyi dayandırmalıdır.

Prezidentliyə keçmiş namizədlər də daxil olmaqla, ABŞ-ın bir neçə senatoru dövlət katibi Entoni Blinkenə və müdafiə naziri Lloyd C.Ostinə məktub göndəriblər. Onlar Ağ Ev Administrasiyanın Bakı ilə təhlükəsizlik sahəsində əməkdaşlığı davam etdirmək niyyətində olub-olmadığı ilə maraqlanırlar. Onlar, həmçinin, ABŞ-ın bu yaxınlarda döyüş əməliyyatlarında iştirak edən bölmələrə təhlükəsizlik sahəsində hər hansı yardım göstərib-göstərmədiyini bilmək istəyirlər. Məktubu senatorlar Edvard C.Marki (Massaçusets), Debbi Stabenou (Miçiqan), Aleks Padilya (Kaliforniya), Ron Uayden (Oreqon), Kris Van Hollen (Merilend), Berni Sanders (Florida), Ceki Rozen (Nevada) və Kori Buker (Nyu Cersi) imzalayıb.

Ermənlərin mövqeyindən çıxış edən senatorlar təhlükəsizlik sahəsində ABŞ-ın Azərbaycanla əməkdaşlığını mütləq dayandırmasını istəyirlər. Bundan əvvəl konqresmenlər Azərbaycan qazının boykotu təşəbbüsü ilə çıxış etdilər. İndi də senatorlar əl-ayağa düşüb Bayden adminstrasiyasına təzyiq edirlər.

O baxımdan bütün bunları ekspertlər necə dəyərləndirir?

  • “Birləşmiş Ştatların strateji maraqları daha prioritetdir, nəinki erməni lobbisinin istəkləri”

Məsələyə münasibət bildirən siyasi ekspert Elşad Həsənovun fikrincə, 13 sentyabr təxribatı zamanı Ermənistan daha çox itki verdiyi üçün ABŞ-da onları himayə edən dairələr bunu həzm etmək istəmir: “O üzdən, erməni lobbisi ilə birlikdə Azərbaycana qarşı kampaniya aparırlar. Guya Azərbaycan təcavüz edən tərəfdir. Əslində isə Azərbaycan təxribatın qarşısını alan tərəfdir. Hansı sərhəd pozuntusundan söhbət gedə bilər ki, Azərbaycan-Ermənistan sərhədləri hələ delimitasiya olunmayıb? Nensi Pelosinin İrəvana səfərindən sonra konqresmenlər və senatorlar bütün vasitələrlə çalışırlar ki, Bayden adminstasiyasının Azərbaycana münasibəti mənfi mənada dəyişsin. Məsələ ondadır ki, ermənipərəst senatorlar ABŞ-ın Azərbaycanla təhlükəsizlik sahəsində əməkdaşlığı davam etdirməsindən narahatdılar. Onlar bütün vasitələrlə çalışırlar ki, bu sahədə əməkdaşlıq pozulsun. Ancaq hesab edirəm ki, ermənipərəst dairələr öz istəklərinə çata bilməyəcəklər. Çünki Birləşmiş Ştatların strateji maraqları daha prioritetdir, nəinki erməni lobbisinin istəkləri. Özləri barədə məzlum rəy yaradan ermənilərin 30 ildə işğal etdikləri Azərbaycan ərazilərində hansı vandallıqlar törətdiklərini hamı yaxşı bilir. Yaşayış məntəqələrini dağıdıb daşı daş üstə qoymayıblar”

Bütün bunlardan çıxış edən siyasi ekspert hesab edir ki, ermənilər öz məqsədlərinə çata bilməyəcəklər.

Vidadi ORDAHALLI

Peşə etikası

Son xəbərlər