ABŞ-ın Nümayəndələr Palatasının rəhbəri xanım Nensi Pelosinin Ermənistana səfərində səsləndirdiyi qeyri-obyektiv və qızışdırıcı fikirlərin bölgə üçün törətdiyi neqativ nəticələr ortadadır.
Birləşmiş Ştatlar hər zaman olduğu kimu, büllur dükanına fillə girən silahlı adama bənzədiyini isbat etməkdədir.
Xanım Pelosinin Ermənistandakı bəyanatları, bölgədə aparılan sülhyaratma prosesini açıq şəkildə sabotaj etmək niyyətinin açıq ifadəsir.
Xanım Peloisinin çıxışlarında erməni faşizminə dəstək qabarıq bir şəkildə nümayiş etdirildi, danışıqlar prosesındə indiyə qədər əldə edilmiş konstruksiyanın uçurdulub, bölgəyə başqa bir tərzi-üsulun yamaqlanması üçün yeni oyun qaydaları müəyyənləşdirməyə baş vuruldu.
Xanım Pelosi haqqı tanımadan və gerçəklərdən boyin qaçırmaqla erməni maraqlarının təmsilçisi rolunda çıxış etdi, Azərbaycana qarşı ittihamlar irəli sürdü, erməni cəmiyyətinin işğal niyyətli revanşist hisslərini bütün qabiliyyəti ilə körüklədi.
Azərbaycanın və Türkiyənin sülhə yönəlik bütün çabalarını heçə endirməyə çalışmaq, erməni nasizmini körükləmək və onu silahlandırmaq istəyi ABŞ-ın üçüncü şəxsi olan xanım Pelosinin bölgəyə səfərinin neqativ və aqressiv məqsədlərini çılpaq şəkildə aşkara çıxartdı.
Xanım Pelosinin uydurma "soyqırım" abidəsində tökdüyü göz yaşları isə, "böyük" siyasətçinin maddi maraqlarının və seçkilərdəki erməni səslərinə olan bazarlıq ehtiyacının ödənilməsi məqsədilə səhnələşdirilmiş professional artistliyin nümayişi idi.
Xanım Pelosinin Tayvandan başlayıb İrəvana qədər sürən erməni ödənişli səfəri və
bölgədə təcavüzkar kimi tanınan Ermənistana sərgilənən Pelosi sevgisi və göz yaşları, böyük miqyaslı siyasi və real korrupsiyanın nəticəsidir.
Xanım Pelosinin bütün siyasi potensialının dövlətlər arasında skandal yaratmaqla formalaşdığını göstərən İrəvan səfəri, Tayvandan başlayan yanlış və qaba syasi texnoloji zəncirin davamı sayılmalıdır.
Cənubi Qafqazda 30 ildən artıqdır sülhə çalışan Azərbaycanı, BMT Təhlükəsizlik Şurasının erməni işğalına son qoyulmasını tələb edən 4 Qətnaməsini deyil, işğalçı və terrorçu Ermənistanın uydurma iddialarını dəstəkləmək ABŞ siyasətçisinin bu münaqişənin fəlsəfəsindən nə qədər xəbərsiz olduğunu göstərən amildir.
Xanım Pelosi İrəvanda səsləndirdiyi aqressiv və savaşa dəstək fikirləriylə sülh prosesinə böyük töhfə verməyə çalışan Avropa Birliyinin təşəbbüslərini ayaq altına atmağa cəhd göstərdi.
Xanım Pelosinin antitürkiyə isterikası Qərb siyasətçilərinin işlətdiyi xəstə bir metoddur ki, bu, Qərbin öz maraqlarına daha ağır zərbə vurmaqdadır.
Türkiyə-Azərbaycan birliyi Cənubi Qafqazda gerçək sülhün, dinc-yanaşı yaşamanın, iqtisadi çiçəklənmənin bərqərar olmasına çaba göstərirkən, Sizi bu bölgəni bir əsrdən artıqdır qan gölünə çevirən terrorçu və işğalçı Ermənistanı müdafiə etməyə məcbur edən səbəb nədir, xanım Pelosi?
Şəxsi maraqlarınızmı?
Siz ABŞ-ın milli maraqlarını erməni eynəyindən baxaraqmı "qoruyursunuz"?
Bölgədə baş verən proseslərin fəlsəfəsini, nədən başlayıb, hara gəldiyini, Azərbaycan ərazilərinin 30 il Ermənistan işğalında qaldığını, bir milyon azərbaycanlının doğma yurd-yuvasından didərgin salındığını bilirsinizmi?
Əgər bilirsinizsə, onda niyə saxtakarlığa yol verib, yeni müharibələrə çağıran ermənini silahlandırmaq yolunu arayırsınız?
Yox, bilmirsinizsə, onda öz qaba bəyanatlarınızla erməni faşizminə dəstək verib, bölgəni qana bulamayın.
Xanım Pelosi, Siz erməni faşizminə dəstək verməklə, ABŞ-a dost olan Azərbaycan xalqının ölkənizə olan xoş münasibətinə vurduğunuz zərbənin nə qədər ağır fəsadları olacağını dərk edirsizmi?
Siz erməni revanşizminə və nasizminə dəstək verməklə bölgəyə nəyi gətirmək məqsədi güdürsünüz?
İraq xalqına verdiyiniz "xoşbəxtliyimi"?
Liviya xalqına bəxş etdiyiniz "dincliyimi"?
Suriya cəmiyyətinə gətirdiyiniz "səadətimi"?
Xanım Pelosi!
Bu cəhdləriniz ABŞ-Azərbaycan münasibətlərinə ən ağır zərbə vurmuş siyasətçinin hərəkətləri kimi, öz şəxsi maraqları yolunda erməni faşizmini belə dəstəkləməkdən çəkinməyən "xanım Pelosinin qara İrəvan macərası" kimi tarıxdə və Sizin tərcümeyi-halınızda qara hərflərlə yazılacaq.
Mehman İSMAYILOV politoloq
