Sərhəddə baş vermiş atışma nəticəsində Ermənistan ordusu ağır itkilər verib. Qarşı tərəfin 450-ə yaxın hərbçisinin döyüşlərdə məhv edildiyi bildirilir. Bundan əlavə, erməni hərbçiləri arasında xeyli sayda yaralılar da var. Sosial şəbəkələrdə Azərbaycan hərbçilərinin yaralı erməni əsgərə ilkin tibbi yardım göstərməsinin görüntüləri yayımlanıb. Kadrlardan göründüyü kimi, hərbi qulluqçularımız yaralı erməni əsgərə yardım edərək, onun həyatını xilas ediblər.
Ancaq ermənilər isə yaralı Azərbaycan əsgərinə nəinki yardım edər, ona yaralı halda işgəncə verib. Bu fakt birinci və ikinci Qarabağ müharibəsində baş verib. Ermənilərin azərbaycanlılara qarşı etdiyi amansızlıqlara, vəhşiliklərə baxmayaraq Azərbaycan əsgəri yaralı erməniyə rəhmli davranıb, onun yarasını sarıb, ağrıkəsici iynə vurub.
“Bu kimi faktlar Azərbaycan xalqının humanist, sülhsevər, yardımsevər bir millət olduğunu bütün dünyaya nümayiş etdirdi”
Sosioloq Elçin Bayramlı qeyd etdi ki, bu kimi faktlar Azərbaycan xalqının humanist, sülhsevər, yardımsevər bir millət olduğunu bütün dünyaya nümayiş etdirdi: “Danılmaz faktdır ki, tarixən ermənilər azərbaycanlılara aqresiv şəkildə davranıblar. Ermənilər bizə qarşı soyqırımdan tutmuş, mülki şəxslərə qarşı vəhşicəsinə işgəncə törətmiş bir xalqdır. Buna baxmayaraq, Azərbaycan hərbçiləri döyüş zamanı ermənilərə heç bir zorakılıq etməyib, üstəlik onlara qarşı döyüşən hərbçilər yaralı halda əsir düşən zaman onun həyatını xilas etmək üçün hər bir tibbi yardım göstəriblər. Bu bütün dünyaya Azərbaycan xalqının kim olduğunu göstərən bir faktdır. Dünyada belə hadisələr demək olar ki, az sayda rast gəlinər”.
Həmsöhbətimiz onu da əlavə etdi ki, yaralı erməni hərbçiyə Azərbaycan əsgərinin rəhm etməsi, onun yarasını sarması o deməkdir ki, Azərbaycan geni humanistlik, insanpərvərlik xüsusiyyətlərinin əyani nümayişidir: “Dünya ermənilərlə bizim fərqimizin nə olduğunu görür və görməlidir. Beynəlxalq ictimaiyyəti anlamalıdır ki, bizim davamız erməni xalqı ilə deyil, məqsədimiz işğal altında ərazilərimizi geri almaqdır. Erməni hərbi silahlı qüvvələrini öz ərazilərimizdən çıxardıb, təhlükəsizliyimizi təmin etməkdir”.
Sosioloq təəssüf hissilə bildirdi ki, beynəlxalq ictimaiyyət ermənilərin törətdikləri vəhşiliklərə göz yumur, özümüzü müdafiə etmək cəhdlərimizi isə vəhşilik adlandırır. Bu artıq dünyanın, xüsusəndə qərbin riyakarlığının, insani münasibətlərə göstərdiyi dəyərin əyani nümayişidir: “İstənilən halda biz öz milli kimliyimizi itirməməliyik. Həmişə olduğumuz kimi qalmalıyıq. Çünki haqq bizim tərəfimizdədir, kimliyindən asılı olmayaraq insanları öldürmək, onlara işgəncə vermək bizə xas xüsusiyyət deyil. Onu da deyim ki, Azərbaycan Ordusu tərəfindən əsir götürülən işğalçı ordunun əsgərlərinə dövlətimizin münasibəti bu gün də göz qabağındadır. Bütün əsirlərlə beynəlxalq tələblər səviyyəsində, humanistcəsinə davranılıb, yaralı erməni hərbçiləri ölkəmizin müasir xəstəxanalarında müalicə edilib, onlara insanlıq qayğısı göstərilib. Azərbaycanda saxlanılan bütün erməni hərbi əsirlər və mülki şəxslərlə 1949-cu il Cenevrə konvensiyalarının tələblərinə uyğun olaraq rəftar edilib. Ermənilərdən fərqli olaraq, azərbaycanlılar sülhsevər, humanist, bəşəri dəyərlərə önəm verən xalqdır. Vətən müharibəsi zamanı Azərbaycan tərəfi hərbi əsrlərə qarşı da humanist və qaydalara uyğun davranıb. Təkcə Xocalıda əsir götürdükləri minlərlə azərbaycanlının başına gətirdikləri tükürpədici işgəncələri xatırlamaq onların əsirlərlə insanlıqdan uzaq rəftarını göz önünə gətirməyə yetir. Yaxın keçmişdə baş verən bu vandallıqlarla bağlı saysız-hesabsız faktlar, eləcə də erməni vəhşiliklərinə məruz qalan minlərlə canlı şahid var”.
Günel CƏLİLOVA
