“İstər Aprel döyüşlərində, istər Vətən müharibəsi zamanı, istərsə də "Qisas" və "Qətiyyətli cavab" əməliyyatları zamanı canlarını Vətən uğrunda fəda edən oğullarımız ilk növbədə Azərbaycan vətəndaşlarıdırlar və onların hər biri bizilərin bir parçasıdır, qanıdır canıdır. Və ən əsası, onlar dövlətimizin, xalqımızın maraqları uğrunda şəhidlik şərbətini içdilər, heç də özlərini “müxalifət liderləri” adlandıran ayrı-ayrı ünsürlər üçün deyil!. Ümumiyyətlə, qaragüruh ünsürlər müqəddəs şəhidlik adı üzərindən kirli oyunbazlıqlar sərgiləyirlər”.
Bu sözləri ölkə parlamentinin deputatı Aydın Hüseynov qəhrəman ordumuzun Vətən uğrunda şəhidlər verdiyi bir vaxtda Əli Kərimli, Arif Hacılı, Gültəkin Hacıbəyli, Qənimət Zahid, Altay Göyüşov, Tural Sadıqlı, Qubad İbadoğlu kimi ünsürlərin açıq-aşkar Azərbaycan dövlətinin və xalqının maraqlarına qarşı çıxaraq düşmən maraqlarını müdafiə etmələrinə münasibətini açıqlayarkən deyib.
Millət vəkilinin sözlərinə görə, bu ünsürlər üçün heç bir milli və dövlətçilik mənafesi mövcud olmayıb, bu gün də eyni hal davam edir və bizlər artıq olub-bitənləri açıq gözlə görür, kimlərin-kim olduğunu da müşahidə edirik: “Əgər bu gün Altay Göyüşov adlı nadürüst və zatı bilinməyən gəda “Tüpürüm Qarabağa”, “Tüpürüm Zəngəzura” deyirsə, əgər hər şeyini pula satmağa hazır olan Gültəkin Hacıbəyli Yuxarı Qarabağda yaşayan ermənilər, yəni separatçı quldur rejiminin nümayəndləri “Azərbaycanın ən demokratik ərazisidir” tipli idbar fikirlər səsləndirirsə, əgər xaricdə oturub dövlətin apardığı qalib siyasət tandemini düşmənə satan xainlər bu gün də həmin iyrənc düşüncələrini ictimailəşdirməyə davam edirlərsə - məncə bu, qırmızı xətti keçməkdir və dərhalhəmin ünsürlərin hüquqi, həmçinin qanunun tələb etdiyi cavabları verilməlidir!”
“Bu həm də bir rəzillikdir ki, onlar Azərbaycan xalqının müqəddəs şəhidləri ilə bağlı həssas məqamlardan istifadə etməklə öz kirli düşüncələrini ictimailəşdirirlər”, deyən Aydın Hüseynova görə, nəyə görəsə onların heç birinin övladları Azərbaycanda belə yoxdurlar: “Azərbaycamn xalqına və onun şəhidlərinə qarşı aşkar hörmətsizlik göstərən həmin yığnaqların övladları nəyə görə ölkədə deyillər? AXCP sədri Əli Kərimli oğlunu gah Britaniyada, gah da ABŞ-da gizlədir, Milli Şuranın təmsilçisi Gültəkin Hacıbəyli oğlunu Niderlanda qaçırır, Arif Hacılının isə cüt-cüt oğlanları İsveçdə və Norveçdə eyş-işrət məclislərində ermənilərlə qaşıq-qaşığa, badə-badəyə toqquşdururlar. Üstəlik, Qənimət Zahid kimi siyasi dələduz və möhtəkir Fransada gizlənməklə guya şəhid ailəsinin halına yanır!” “Beləliklə, görünən budur ki, Azərbaycanın sözdə “müxalifəti” əməldə isə erməni havadarları olan bu kəslər əslində Azərbaycan dövlətinin düşmənləri olduğunu etiraf edirlər. Yağı düşmənlə isə davranmağın bir yolu var və həmin yol da məlumdur... Görünən budur ki, şəhid anaları və xalqın heysiyyatı üzərindən özlərinə siyasi mənfəət əldə etmək istəyən həmin möhtəkirlər öz bəd və iyrənc əməllərindən əl çəkməyəcəklərini bu gün də nümayiş etdirirlər. Lakin xalq, sağlam düşüncəli ictimai rəy belələrinin hay-həşirlərinə əsla etina göstərmir, bundan sonra da göstərməyəcək. Azərbaycan xalqı öz şəhidlərinin adlarını fəxrlə. Qürurla anır və oğullarımız, qızlarımız dövlət uğrunda, Vətən uğrunda canlarından keçməyə hər an hazır olduqlarını bildirirlər. Məhz bu danılmaz amil, bu danılmaz faktor xainlərin və satqınların qarşısını alır, bundan sonra da alacaq. Buna kimsənin şübhəsi olmamalıdır!”.
