ABŞ Ermənistan və Azərbaycanı hərbi əməliyyatları dayandırmağa çağırır. Bu barədə ABŞ Dövlət Departamentinin dövlət katibi Entoni Blinken adından yaydığı bəyanatda deyilir: “ABŞ Ermənistan və Azərbaycan sərhədində baş verən toqquşmalardan dərin narahatdır və buna görə də tərəfləri atəşi dərhal dayandırmağa çağırır”.
Maraqlıdır ki, Blinkenin bu bəyanatı Ermənistan mediasında bir qədər fərqli aspektdən təqdim olunub. Orada qeyd edilir ki, Blinken baş verən toqquşmalarda Ermənistanın daxilindəki mülki obyektlərin hədəf alınmadından narahatlıq ifadə edib. Belə bir yalanı Ermənistan tirajlayır. Hər halda, Bliken səviyyəsində bir adam bəyanat verəndə birtərəfli olaraq Ermənistan mənbələrinin təsiri altına düşüb fikir ifadə etməməliydi. Yaxşı olardı ki, Blinken belə məlumatın doğru olub-olmadığını Azərbaycan tərəfi ilə də dəqiqləşdirərdi.
Xatırladaq ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.
Politoloq Qabil Hüseynli “Bakı-Xəbər”ə açıqlamasında bildirdi ki, əvvəlcə gərginliyin necə baş verdiyini araşdırmaq lazımdı: “Bu hərbi təxribat Ermənistan tərəfindən hazırlanıb, onlar buna kifayət qədər hazırlaşıblar. Brüsel və Moskvada razılaşdırılan məqamların arxasından qaçaraq belə bir təxribatlara əl atıblar. İlk olaraq Ermənistan 2021-ci ilin sentyabr ayında hərbi əməliyyatlara rəvac verən təxribatlar zamanı Azərbaycanın Avropanın enerji təchizatında rol aldığı layihələrin kecdiyi ərazini vurmaqla başlamışdı. Bununla belə təsəvür yaratmağa çalışmışdı ki, güya həmin təxribatların sifarişi Rusiyadan gəlir. Paralel olaraq qeyd edək ki, bu təxribat Ermənistan və qondarma qurum nümayəndələrinin ABŞ Konqresinə səfəri və Vaşinqtonu təmsil edən yüksək nümayəndənin İrəvana səfərindən sonraya təsadüf edir.
Belə çıxır ki, Ermənistan həm də göstərməyə çalışır ki, bu hərbi əməliyyatların sifarişi birmənalı olaraq Amerikadan gəlib. Digər bir məqam isə Ermənistan hiyləgərcəsinə Rusiyanın Ukraynadakı geriləməsindən istifadə etməsi ilə bsğlıdır. Bunun fonunda Ermənistan da öz hərbi nümayəndələrinə Zelenskinin maykasından geyindirib anti-Rusiya koalisiyadının diqüətini çəkməyə çalışır. Qərbin diqqətini Qafqaza çəkərək, demək istəyir ki, guya onlar da prosesləri Ukrayna kimi beynəlxalq hüquq çərçivəsində aparırlar.
Blinkinin açıqlamasına gəldikdə isə belə ermənipərəst bəyənatıarı çox eşidə bilərik. Bunun bir neçə əsası var. Ən birinci əsası ABŞ-da demokratların hakimiyyətdə olmasıdır. Həm də Amerika Birləşmiş Ştatlarının gəlib - getmiş ən ermənipərəst hakimiyəti ilə üz-üzə qalmağımızdır. Məsələ ondadır ki, ortada bir anlaqsız prezident var və o prezidentin ətrafı erməni havadarları ilə əhatə olunub. Onlar Baydenin qərarlarına təsir edə bilirlər. Biz bu təsiri həmişə izləmişik və izləyirik.
Nəhayət ən təsiredici məqam odur ki, Amerika Birləşmiş Ştatlarının Dövlət Departamenti kimi dünya siyasətində təsiri olan bir təsisat erməni yalanlarına alət olub. Nə qədər üzücü olsa da, erməni yalanlarının tirajlanmasına xidmət edir. Nümunə olaraq göstərmək lazımdır ki, 44 günlük müharibə zamanı Makron da öz ermənipərəstliyini nümayiş etdirdi”.
Məhəmmədəli QƏRİBLİ
