Ermənistanın gah nala, gah mıxa vurduğu məlumdur. Bilmir ki, Sovet marşalı Hovannes Bayqamyandan yapışsın, yoxsa Hitler əlaltısı, nasist Qaregin Njdedən. Faşist tör-töküntüləri ilə Sovet marşalının arasında qalan Ermənistan çaş-baş vəziyyətə düşüb. Njdelərə İrəvanda heykəllər, abidələr ucaldan Ermənistan Baqramyandan da əl çəkmir. Erməni mediasının yazdığına görə, sentyabrın 21-də Moskvada Ermənistanın dövlət müstəqilliyinin 30 illiyi münasibətilə
“İki xalqın marşalı İ.X. Baqramyan” adlı marşal İvan (Hovannes) Baqramyanın arxitektur-abidə kompozisiyasının açılışı olub.
Ermənistanın dövlət müstəqilliyi gününə Baqramyanın nə dəxli var ki, həmin gün onunla bağlı belə bir açılış olub? Ermənistanın qəhrəmanı kimdi - Baqramyan, yoxsa Njde?
“Ermənistanın, ermənilərin ikisifətliliyinə baxın ki, gah Baqramyandan, gah da Njdedən yapışır, ikisini də “öz qəhrəmanı” elan edir və bununla da nə bütöv dövlət, nə də bütöv xalq olmadıqlarını sübut edirlər”
Azərbaycan Milli Elmlər Akademiyası (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, dərindən yanaşılsa Njde də, Baqramyan da daşnakdır, hər ikisinin mahiyyəti eynidir. “Erməni kimliyi barədə, onların sahib olduqları xarakter haqqında indi daha çox danışılır, daha çox yazılır. Köhnə zamanlarda da eyforiyalı erməni xarakterindən danışılıb, onlar eyforiyaya uyan toplumdur. Ermənilər öz milli kimlikləri haqqında o qədər miflər uydurublar ki, indi onların boş və mənasız olduğu üzə çıxır. Ermənilərin iç üzü get-gedə açılır və onların çox gizlin cəhətləri üzə çıxır. Biz bunu İkinci Qarabağ müharibəsi zamanı bir daha gördük, satqınlıqları da, qorxaqlıqları da, fəralilikləri də bir daha təsdiqləndi.
Baqramyan məsələsinə gəlincə, tarixi gerçəklik onu göstərir ki, ermənilər öz xeyirlərinə hər cür yola, hiyləgərliyə, məkrli siyasətə əl atır. Bir tərəfdə faşist Almaniyasına, Hitlerə əlaltılıq, qulluqçuluq etmiş nasist Njdenin heykəlini həm Ermənistanda, həm Rusiyada, həm də Qarabağda qoyurlar, o biri tərəfdən, Moskvada ermənilərin özlərinin dediyi kimi desək, “faşist Almaniyasına qarşı böyük qəhrəmanlıq göstərmiş” Baqramyanın abidəsini açırlar. Ermənistanın, ermənilərin ikisifətliliyinə baxın ki, gah Baqramyandan, gah da Njdedən yapışır, ikisini də “öz qəhrəmanı” elan edir və bununla da nə bütöv dövlət, nə də bütöv xalq olmadıqlarını sübut edirlər. Çünki ermənilərin bir hissəsi hind qaraçılarından, bir hissəsi isə farslardan törəyib. Əksəriyyəti də Egey dənizi sahillərindən gəlmiş Balkan yarımadasının sakinləridir. Erməninin xarakteri burada açılır”.
Q.Hacıyev deyir ki, ermənilər faşizmə xidmət edən Njde ilə “faşizmə qarşı vuruşan” Baqramyan arasında qalıblar, sonda öz xislətlərinə sadiq qalaraq ikisini də “qəhrəman” olaraq qəbul ediblər: “Njdenin əməlləri ilə bağlı bütün gizlinlər açıldı, elə satqın Baqramyanın da mahiyyəti hər kəsə məlumdur. Ermənistan höküməti “iki xalqın marşalı Baqramyan” söhbətini ortaya atmaqla əslində siyasi maraq güdür, İrəvanda Rusiya əleyhinə olan çıxışların üstünü ört-basdır etmək istəyirlər, özlərini yenidən Rusiyaya yaxın göstərmək istəyirlər.
Baqramyana Moskvada abidə qoyulmasını, abidənin “iki xalqın marşalı” adlandırılmasını və açılışın məhz 21 sentyabra salınmasını ermənilər xüsusi hiyləgərliklə düşünüblər. Baqramyanı “iki xalqın marşalı” adlandıranlara xatırlatmaq yerinə düşərdi ki, arxivləri araşdırsınlar, Baqramyanın, Mikoyanın cəbhədə etdikləri bütün cinayətlər üzə çıxacaq. Baqramyanın müharibdə Azərbaycan türklərinə qarşı hansı xəyanətlər etdiyi də gizlin deyil, bizim də bu barədə az-çox məlumatımız var. Vaxt gələcək, bu barədə də elə Rusiyanın özündə geniş yazılacaq, amma indi çox təəssüf ki, o qədər açıb-ağartmırlar. Əslinə qalanda, Baqramyanla Njdenin mahiyyəti eynidir, ikisi də daşnakdır, ikisi də xəyanətkardır”.
Q.Hacıyev bir daha vurğuladı ki, İrəvan küçələrində Rusiyanın, rəsmi Moskvanın əleyhinə keçirilən etiraz mitinqlərini unutdurmaq üçün Ermənistan Baqramyan məsələsini ortaya atır: “Düzgün qeyd edirsiz ki, Baqramyanın Ermənistanın müstəqilliyinə heç bir aidiyyəti yoxdur, o Sovet marşalıdır, marşal rütbəsini də hansı yollarla alıb, məlumdur. Amma indiki zamanda Baqramyan Ermənistana öz məqsədləri üçün lazımdı. Ermənistan Baqramyanı ortaya atmaqla, onun “xidmətlər”ini yada salmaqla Rusiyaya ona “sadiq olduğunu”nu sübut etmək istəyir. Ermənistan, ermənilər isə sədaqətin nə olduğunu bilmir”.
İradə SARIYEVA
