İtaliya prezidentinin yanlışı - "ən qədim erməni sivilizasiyası" deyilən bir şey yoxdur...

Qabil Əliyev: “Görünür ki, İtaliya prezidentini də erməni yalanlarına inandırmağı bacarıblar”

img

İtaliya prezidenti Ermənistanın müstəqillik günü münasibətilə bu ölkənin prezidenti Armen Sarkisyana göndərdiyi təbrik məktubunda ciddi tarixi səhvə yol verib: “İrəvan və Romanı minillik və məhsuldar münasibətlər ənənələrinə söykənən səmimi dostluq birləşdirir. Qədim sivilizasiyalardan gələn irs və xalqlarımız arasında mövcud olan təbii rəğbət əsasında münasibətlər formalaşıb”. 

İtaliya prezidentinin “ən qədim sivilizasiyaların irsləri”ndən danarkən erməniləri də “qədim sivilizasiya”ya aid etməsi sözün həqiqi mənasında gülməli görünür. Romanın qədim sivilzasiyaya aid olduğunu və böyük tarixi irsə sahib olduğunu bilirik.

Ən qədim erməni sivilizasiyası hardadır? İtaliya prezidenti niyə belə səhvə yol verir?

  • “Tarixdə real “qədim erməni sivilizasiyası” olmayıb, bu “sivilizasiya”nı ermənilər özləri uydurub və dünyaya yayıblar”

Professor Qabil Əliyev bizimlə söhbətində hələ də dünyada erməni yalanlarına uyanların olduğundan təəssüfləndiyini bildirdi. “Çox təəssüflər olsun ki, ermənilər xaricdəki erməni lobbisinin vasitəsilə uzun illərdir uydurduqları yalanlara, miflərə xarici siyasətçiləri, bəzi dövlətlərin liderlərini də inandıra biliblər. Görünür ki, İtaliya prezidentini də erməni yalanlarına inandırmağı bacarıblar. Dünyada erməni yalanlarının toruna düşən siyasətçilər adətən belə  həqiqətə uyğun olmayan ifadələr işlədirlər. Tarixdə real “qədim erməni sivilizasiyası” olmayıb, bu “sivilizasiya”nı ermənilər özləri uydurub və dünyaya yayıblar. Ermənilərin nə əlifbası, nə mədəniyyəti olub. Onların özlərinin əlifbası yoxdur, təqdim etdikləri əlifba isə qədim Efiopiya əlifbasıdır. Suriyalı missioner olan Mesrop Maştosun da onlara heç bir aidiyyəti olmayıb (bəzi tarixçilər hesab edir ki, ümumiyyətlə tarixdə Mesrop Maştos real şəxs olmayıb, bu, ermənilərin uydurduğu obrazdır-İ.S)”.

Q.Əliyevin sözlərinə görə, ermənilər Qafqaz coğrafiyasına tamamilə yad bir toplumdur, onlar tarixən indiki Ermənistan ərazisində yaşamayıblar, bura XIX əsrdə köçürülüblər, bu baxımdan İrəvanla Roma arasındakı “qədim bağlardan” danışmaq olmaz. Q.Əliyev qeyd edir ki, ermənilərin özlərinə çıxdığı II Tiqran b.e.ə Roma sərkərdəsi Pompeylə bizim coğrafiyadan çox-çox uzaqlarda görüşüb və II Romadan asılılığı qəbul edərək bütün qarət etdiyi var-dövləti Pompeyə, Romaya verib.

Q.Əliyev bildirdi ki, erməni yalanları bütün dünyanı bürüyüb və dünyanı aldatmaqda davam edir.

İradə SARIYEVA

Son xəbərlər