Qarabağ erməniləri bölgəni tərk etməyi seçdilər...

Vüqar Rəhimzadə: “30 illik “Miatsum” mifi 44 gün ərzində tarımar oldu”

img

İkinci Qarabağ müharibəsindən sonra ermənilərin bölgədən köçü sürətlənib. Baxmayaraq ki, bunu önləmək üçün təbliğatdan tutmuş hər cür vasitələr işə salınır, ancaq bunun qarşısını almaq mümkün olmur. Bunu ermənilərlə yanaşı, xarici media orqanları da etiraf edir. Bütün mümkün olan və olmayan vasitələr işə salınsa da, nəticə yoxdur.

Erməni mediası Qərb diplomatlarına istinadən yazır ki, Qarabağ erməniləri müharibəni deyil, regionu tərk etməyi seçir: “Erməni əhalinin bölgəni tərk etməsi haqqında məlumatlar gizlədilir. Rusiya sülhməramlılarının regionda beşillik iştirakının sona yaxınlaşması ilə ermənilərin gələcəyi ilə bağlı qeyri-müəyyənlik artır. 2025-ci ildə Bakı rus qoşunlarının çıxarılmasını tələb edərsə, bu, Qarabağda ermənilərin hakimiyyətinə son qoya bilər. Qərb diplomatlarının məlumatına görə, 2010-cu ildə Qarabağda 70 min erməni yaşayırdısa, 2020-ci ildə onların sayı 55 minə düşüb. Ötənilki 44 günlük müharibə başa çatdıqdan sonra Rusiya sülhməramlı kontingenti ermənilərin Qarabağa qayıtmasını təşkil edib və 14.01.21 tarixinə qədər buraya 49 461 nəfər qayıdıb. Ancaq sonradan ermənilərin Qarabağdan yenidən əks istiqamətdə axını başlayıb. Qarabağ erməniləri Ermənistana köçür, oradan isə bu ölkənin pasportu ilə xaricə gedərək ermənilərin mühacirət statistikasına daxil olur”.

Görünən odur ki, Qarabağ erməniləri müharibəni seçəcəkləri təqdirdə bunun birdəfəlik onların sonunu gətirəcəyini bildiklərindən, miqrasiya etməyi daha məqbul hesab edirlər.

  • “Belə olan halda, əlbəttə ki, erməniləri Qarabağa bağlayan heç bir şey qalmayıb”

Məsələyə münasibət bildirən “İki sahil” qəzetinin baş redaktoru Vüqar Rəhimzadə hesab edir ki, ermənilər növbəti dəfə müharibəni seçsələr, bu onların sonu olacaq: “Çünki İkinci Qarabağ müharibəsində onlar elə dərs aldılar ki, uzun illər özlərinə gələ bilməyəcəklər. Bəli, ermənilər xəbis, riyakar və revanşist millətdir. Ancaq indi onlar belə bir imkana malik olmadıqlarının fərqindədirlər. Belə olmasaydı, o zaman məğlub Nikol Paşinyana stavka etməzdilər. Prezident İlham Əliyev dəfələrlə bəyan edib ki, Qarabağ erməniləri Azərbaycan vətəndaşlarıdır. Kim ölkənin qanunlarını qəbul etsə, qalıb burada yaşaya bilər. Ancaq bunlar ötən 30 il ərzində o qədər xəbis mövqedən çıxış ediblər, bəziləri bir sıra cinayətlər törədib ki, birgə yaşamaqdansa köçməyi üstün tuturlar. Qarabağ erməniləri görür ki, nə Ermənistan, nə də erməni lobbisi onların iqtisadi ehtiyaclarını ödəmək həvəsindədir. Buna Ermənistanın heç imkanı da yoxdur. Ən başlıcası, 30 illik “Miatsum” mifi 44 gün ərzində tarımar oldu. Belə olan halda, əlbəttə ki, erməniləri Qarabağa bağlayan heç bir şey qalmayıb”.

V.Rəhimzadə onu da qeyd etdi ki, Qarabağdan ermənilərin köçü davam edəcək.

Vidadi ORDAHALLI

Son xəbərlər