Putinin partiyası Köçəryanı Moskvaya niyə çağırıb?..

Elşən Manafov: “Bununla rəsmi Moskva Paşinyana təsir imkanlarına malik oldugunu qabartmaq istəyir”

img

Rusiyanın hakim “Vahid Rusiya” partiyası Robert Köçəryanı siyasi məsləhətləşmələr aparmaq üçün Moskvaya dəvət edib. Köçəryan bu səfər zamanı partiya rəhbərliyi ilə görüşəcək, regionda hadisələrin mümkün inkişafını müzakirə edəcək.

 

İddia olunur ki, Moskvada Ermənistan-Rusiya əlaqələrinin çoxyönlü möhkəmləndirilməsinə, bu münasibətlərə yeni impuls verilməsinə dair prinsipial qərar qəbul edilib. Səbəb isə regionda Türkiyə və Azərbaycanın artan nüfuzudur. Bildirilir ki, Moskva bu iki müttəfiq ölkənin artan təsirlərinə qarşı balans yaratmaq istəyir.

O da məlumdur ki, ki, Ermənistanda növbədənkənar parlament seçkilərində Moskva tərəfindən Köçəryanın blokuna edilən stavka özünü doğrultmadı. Paşinyanın partiyası qalib gəldi, amma Köçəryan əsas parlament müxalifətinin başçısı statusundadır. O baxımdan, Köçəryan Ermənistanda müəyyən təsir imkanlarını saxlamaqdadır.

Maraqlıdır, bəs ekspertlər bu prosesləri necə dəyərləndirir? Moskvanın indiki vaxtda bunu etməkdə məqsədi nədir?

  • “Azərbaycanın Qarabagla bağlı siyasətinə təhdid və təzyiqləri artırmaq ucun bu cur vasitələrə əl atırlar”

Sözügedən məsələni “Bakı-Xəbər”ə şərh edən politoloq Elşən Manafov buna bir neçə aspektdən yanaşdı: “Köçəryanın sonuncu parlament seçkiləri zamanı əldə etdiyi nəticələr onun Paşinyanla müqayisədə ölkədəki ictimai-siyasi proseslərə təsir imkanlarının genş olmadıgını göstərdi. Ümumiyyətlə, erməni müxalifətinin parlamentdəki yerlərin beşdə birinə yiyələnməsi elə də böyük rəqəm deyil. Bu, Ermənistan vətəndaşlarının ölkəni korrupsiya bataqlığına sürükləyən Köçəryan və Sarkisyanlara etimadının yüksək olmamasının göstəricisidir. Baxmayaraq ki, Azərbaycanla 44 günlük savaşda müxalifət məğlubiyyətin əsas səbəbkarı kimi Paşinyan və onun komandasının məsul oldugunu bildirirdi. Bununla belə, ölkə seçicilərinin mütləq əksəriyyəti yenə Paşinyana etimad göstərdi. Belə ki, Paşinyan Ermənistanın perspektiv inkişafını Rusiya ilə deyil, Qərblə münasibətlərin genişlənməsində və inkişafında görur. Bu da Kreml tərəfindən Paşinyana etimadsizligin əsas səbəblərindəndir. Köçəryana dəstək verməklə rəsmi Moskva Paşinyana təsir imkanlarına malik oldugunu qabartmaq istəyir. Digər tərəfdən, Köçəryan Rusiyanın hakim siyasi elitası, hərbi sənaye kompleksi ilə geniş və çeşidli əlaqələrə malikdir. Onun biznesinin əhəmiyyətli hissəsi Rusiyadadir. Nəhayət Köçəryan, Paşinyandan fərqli olaraq, Qarabagdakı separatçı rejimə daha ciddi və geniş təsir imkanlarına malikdir. Bütün bunlar isə Moskvanı Köcəryanla munasibətlərə yenidən baxmaga sövq edir. Azərbaycanda Rusiya sülhməramlılarının qanundankənar hərəkətlərindən olan narazılıq, bununla baglı Müdafiə Nazirliyinin etirazı Moskvadakı bəzi dairələri narahat edir. Nəticə etibarı ilə Azərbaycanın Qarabagla bağlı siyasətinə təhdid və təzyiqləri artırmaq ucun bu cur vasitələrə əl atırlar. Təəssuf ki, Qərb də eynilə Qarabağ müharibəsinin bölgədə yaratdığı yeni geosiyasi reallıqları qəbul edə bilmir. Ona görə də zaman-zaman Qarabağın statusu ilə bağlı məsələləri qabardır, statusla bağlı problemlərin həlli məqsədilə danışıqları bərpa etməyin vacibliyini vurgulayırlar”.

Politoloq onu da qeyd etdi ki, Azərbaycan bütün bu oyunların fərqində olmalıdır.

Vidadi ORDAHALLI

Son xəbərlər