Ermənilər gah Qafqazdan yapışırlar, gah Urartudan, gah Hindistandan, gah da dünyanın başqa bir yerindən. Dünyanın elə bir qədim xalqı, məkanı, yeri yoxdur ki, ermənilər özlərini ora pərçim etmək istəməsinlər. Bu da bir bədbəxtlikdi ki, sənin Vətənin, tarixin olmaya, soy-kökün nəməlum ola və sən də özünə hər yerdə bir dayaq axtarasan.
Dünənə qədər özlərini hindlilərə, farslara qohum sayan, onlarla eyni kökdən olduqlarını iddia edən ermənilər indi də tamamilə başqa bir iddia ortaya çıxarıblar. Erməni mətbuatında gedən yazılardan birində ermənilərin gürcülərlə eyni kökdən olduğuna dair iddiası yaymlanıb. Guya həm genetik, həm mədəniyyət, həm də tarixi ərazilər baxımından ermənilərlə gürcülər eyni regionu “bölüşüblər”. Hətta iddia edirlər ki, guya ermənilərlə gürcülər ta qədim zamanlardan “qonşu” yaşayıblar, bəzən sərhədləri dəyişsə də, yenə də qonşu olublar (?). Bu azmış kimi, erməni alimləri indi də iddia edirlər ki, guya gürcülərlə ermənilərin ulu əcdadları qardaş olub. Guya bunların ortaq əfsanələri var və bu əfsanədə ermənilərin əcdadı Ayos (Hayk) gürcülərin əcdadı Kartlislə qardaş olub. Guya qədim dövrdən bəri gürcülərlə ermənilər Qafqazda birgə yaşayıblar. Buna sübut kimi isə onlar XI əsrdə yaşamış gürcü tarixçisi, yepiskop Leonti Mrovelinin "Kartli çarlarının həyatı" kitabəsini göstərirlər (?). Onu da iddia edirlər ki, "Kartlis Tsxovreba"nın - "Kartli çarlarının həyatı"nın ən qədim əlyazması Ermənistanın Matenadaranında saxlanılır. Hətta yazırlar ki, “Gürcülərin həyatı” kitabəsində, toplusunda da “ermənilərin adı” çəkilir (?).
Qəribədir ki, ermənilər hər şeydən qurtardılar, indi də özlərinin gürcülərlə “qardaş” olduqlarını iddia edirlər. Özlərini Qafqaza yamamaq üçün gürcülərin qədim kitabələrini də saxtalaşdırırlar.
“Ermənilər gürcülərlə eyni kökdən törədiklərini iddia etməklə həm özlərinin burada “qədim” olduqlarını “sübut”etmək, həm də gürcüləri öz tərəflərinə çəkmək istəyirlər”
Azərbaycan Milli Elmlər Akademiyası (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, ermənilər hər cür tarixi saxtalaşdırmalar edirlər və onlara tutarlıi cavab verilmədiyi üçün saxtakarlıqlarının miqyasını daha da genişləndirirlər. “Elə bir sahə yoxdur, tarixin elə bir dövrü tapılmaz ki, ermənilər özlərini ora yamaq etmək istəməsinlər. Ermənilərin guya Qafqazda qədimdən yaşadıqları iddiası mifdən, uydurmadan başqa bir şey deyil. Biz Leonti Mrovelinin yazdıqlarını, əsərlərini dönə-dönə oxumuşuq, öyənmişik, araşdırmışıq, onun yazılarında, kitabələrində Cənibi Qafqaz xalqları və dövlətləri haqqında məlumatlar var. Əvvəlcədən deyim ki, Mrovelinin əsərlərində o əfsanələr, onun düşüncələri əsasında tayfalar və xalqlar haqqında fikirlər söylənilir. Burada ermənilərdən hər hansı bir söhbət getmir. Ermənilər Mrovelinin əsərlərində hansısa bir “tayfaya aid” olduqlarını uyduraraq özlərini gürcülərə “qardaş” hesab edirlər. Amma faktiki olaraq ermənilər qədim dövrlərdə gürcülər və azərbaycanlılar yaşayan ərazilərdə olmayıblar. Onlar XIX əsrdə bu bölgəyə köçürülüblər. Məsələn, İberiya çarlığı, Kartli çarlığı olan dövrdə heç o ərazlərdə ermənilərin izi-tozu da yox idi. Əgər ermənilər bu gün özlərini gürcülərə “qardaş” hesab edirlərsə, onlara xatırlatmaq lazımdır ki, necə qardaşsınız ki, Gürcüstanın Samsxeti-Cavaxeti bölgəsinə iddia edirsiniz? İlya Çavçavadzenin “Ağlayan daşlar” əsəri necə olsun? Ermənilər gürcülərlə qarşadırsa, onda niyə Gürcüstanın 60 kilsəsinə iddia edib “bu Qriqorian kilsəsidir” deyirlər? Ermənilər həmişə gürcülərə də, azərbaycanlılara da xəyanət ediblər. Ermənilər gürcülərlə eyni kökdən törədiklərini iddia etməklə həm özlərinin burada “qədim” olduqlarını “sübut”etmək, həm də gürcüləri öz tərəflərinə çəkmək istəyirlər. Amma bu mümkün deyil. Ermənilər gürcülərə çox böyük zərbələr vurub, genefondlarını dağıdıb”.
Q.Hacıyev deyir ki, ermənilər Leonti Mrovelinin əsərlərinin Matenadarandakı nüsxələrinə “istinad edirlər”, bu isə onların Mrovelinin əsərlərini də saxtalaşdırdıqlarından xəbər verir: “Birmənalı olaraq deyirəm ki, erməni tarixçiləri Mrovelinin Matenadaranda saxlanılan əlyazmasını da saxtalaşdırıblar. Çünki gürcü mənbələrində bunlar heç biri yoxdur. Elə bir tarixi mənbə yoxdur ki, ermənilər ora müdaxilə etməsin, SSRİ arxivlərində saxtalaşdırmadıqları sənəd qalmayıb. Xüsusən də, Matenadaranda olan bütün mənbələri ermənilər saxtalaşdırıblar. Ermənilər dünənə kimi hindliləri “qardaş” sayırdılar, biləndə ki, erməni toplumu hindlilərin qaraçılarıdır, onlardan imtina etdilər. Sonra yəhudilərlə özlərini “qohum” çıxardılar, “bir kökdən” elan etdilər, özlərini Baqratunilərə calaq etmək istədilər, alınmadı. Yəhudilərə də özlərini cakaq edə bilmədilər, iç üzləri açıdıldı...”
İradə SARIYEVA
