Erməni saxtakarlığı bitib-tükənmək bilmir ki, bilmir. Gündə özlərindən bir oyun çıxarmağa adətkar olan ermənilər indi də ortaya “1153-cü illərdə şuşili erməni qız” “foto”sunu çıxarıblar.
Twitter-də paylaşılan bu şəklin altında izləyicilər olduqca maraqlı şərhlər yazıb. Twitter istifadəçiləri ermənilərdən soruşurlar ki, bəyəm 1153-cü illərdə foto var idi, 1153-cü illərdə Şuşa var idi? Şuşanın təməli 1752-ci ildə Pənahəli xan tərəfindən qoyulub. Sonradan şəklin orjinalı da üzə çıxıb, məlum olub ki, şəkil XIX əsrə aiddir və Gürcüstanda yaşayan müsəlman qızınin fotosudur.
“Ermənilərin saxtakarlığı əks etdirən bu paylaşımı da onları biabır etməkdən başqa bir şey deyil”
AMEA Tarix İnstitutunun aparıcı elmi işçisi, ADPU-nun dosenti Mübariz Ağalarlı bizimlə söhbətində bildirdi ki, ümumiyyətlə, bu qeyri-ciddi məsələdir və ermənilərin belə saxtakarlığı özlərini gündəmdə saxlamağa xidmət edir. M.Ağalarlının sözlərinə görə, ermənilər o qədər tarixi saxtalaşdırma ediblər ki, özləri bu qarışıqlığın içində itib-batıblar. Şuşa şəhərinin yaranması tarixinin məlum olduğunu hər kəsin bildiyini deyən M.Ağalarlı dedi ki, gələn il Şuşa şəhərinin 270 illiyi dövlət səviyyəsində qeyd ediləcək.
“Hesab edirəm ki, ermənilərin yaydığı belə qeyri-ciddi məsələlərə heç əhəmiyyət vermək lazım deyil. Hamı bilir ki, 1153-cü ildə heç fotoqrafiya sənəti yox idi. Bizdə XII əsrdə miniatür sənətinin özü belə inkişaf etməmişdi, heç o dövrdə Nizaminin, Məhsətinin miniatürlərdə şəkilləri yoxdur. Miniatür sənəti XIII əsrdən sonra inkişaf etməyə başlayıb və burada əsasən peyzajlar, təbiət təsvirləri əks olunub. İslam dinində insan surətinin yaradılması qadağan idi və insanların rəsmləri çəkilmirdi. Bu, məsələnin bir tərəfi. Digər tərəfdən də, XII əsrə aid heç bir mənbədə ermənilərin adları çəkilmir, heç onlardan danışılmır. Bu dövrdə əsasən xristianların və qeyri-müslümlərin adları qeyd edilir. Sözümün canı odur ki, fotoqrafiya sənətinin yaranma tarixi 1822-ci ilə təsadüf edir. Yəni XII əsrdə nə fotoqrafiya sənəti, nə də tarixi mənbələrdə erməni adlı toplumun adı olub. Ona görə də, ermənilərin saxtakarlığını əks etdirən bu paylaşımı da onları biabır etməkdən başqa bir şey deyil” - deyə M.Ağalarlı qeyd etdi.
İradə SARIYEVA
