“Ermənistan bölgədə sülhün bərqərar olması üçün Türkiyədən bəzi müsbət siqnallar alıb”.
Bunu Ermənistanın baş naziri Nikol Paşinyan hökumətin iclasında bildirib.
Paşinyan qeyd edib ki, bütün bunları müsbət dəyərləndirəcək: “Türkiyədən bəzi müsbət siqnallar aldığımızı deməliyəm. Biz bu siqnalları dəyərləndirəcəyik, müsbət siqnallara müsbət siqnallarla cavab verəcəyik”.
Onu da qeyd edək ki, 10 noyabr razılaşmasından sonra Türkiyə prezidenti Rəcəb Tayyib Ərdoğanın Ermənistanla bağlı bir sıra müsbət məzmunli açıqlamaları olub. Məsələn, Ərdoğan ilin əvvəlində deyib ki, Ermənistan “altılıq platforması” təşəbbüsünə qatılsa, o zaman əlaqələrdə yeni səhifə açıla bilər. Ərdoğan daha sonra iyunun 16-da Azərbaycan parlamentində çıxışı zamanı “Ermənistan Azərbaycanla problemlərini həll etdikcə, biz də Türkiyə olaraq lazımı addımları atacağıq” ifadəsini işlətdi. Bu günlərdə isə o bəyan edib ki, Qarabağın işğaldan azad edilməsi ilə bölgədə uzunmüddətli sülh üçün şərait yaradılıb. Ermənistan bu şansdan istifadə edərsə, o zaman lazım olan addımları atacağıq. Görünən odur ki, Türkiyə ümumən Ermənistanla münasibətlərin yoluna düşməsində maraqlıdır.
Maraqlıdır, bəs Paşinyan Türkiyədən aldığı hansı müsbət siqnalları nəzərdə tutur?
“O bilməmiş deyil ki, bu formatda əməkdaşlığa qonşu Gurcustan hazir olmadıgını bəyan edib”
Sözügedən məsələyə aydınlıq gətirən politoloq Elşən Manafov bununla bağlı bir sıra məqamlara toxundu. Onun fikrincə, Paşinyan fikirlərində səmimi deyil: Paşinyan bu açıqlaması ilə Ermənistanın Moskva razılaşmasının şərtlərini yerinə yetirməyə hazır olması ilə bagli bölgə dövlətlərinin siyasi elitalarında özunun korporativ maraqlarına cavab verəcək yanlış rəy yaratmaq, Ermənistanın regionda sulhə və əməkdaşlığa hazır olması ilə əlaqədar illüziyalar formalaşdırmağa çalışır. Məlumdur ki, Turkiyə prezidenti Ərdogan bolgədə sulh və əməkdaşlığın, iqtisadi inkişaf və tərəqqinin, butun bolgə dövlətləri arasında yeni geosiyasi reallıqlara cavab verəcək munasibətlərin qurulması, hətta mubahisəli məsələləri bir kənara qoyaraq bolğə ölkələri arasında yeni əməkdaşlıq formatını özundə ehtiva edən təkliflərlə çıxış edib. Söhbət 3+3 formatını nəzərdə tutan layihədən gedir ki, Azərbaycan Prezidenti İlham Əliyev də bu formatda əməkdaşlığa hazır oldugunu bəyan edib. Bu, Cənubi Qafqaz ölkələri, yəni Gurcustan, Ermənistan və Azərbaycan, habelə digər 3 regional dövləti - Turkiyə, Rusiya və İranı əhatə edir. Paşinyan bilməmiş deyil ki, bu formatda əməkdaşlığa qonşu Gurcustan hazir olmadıgını bəyan edib. Paşinyan Rusiya ilə munasibətlərdəki məlum problemlərə görə anlayır ki, Gurcustanın iştirakı olmadan Ərdoganın yeni formatla bağlı təklifləri masa uzərində qalacaq. Ona görə də musbət razılıqlarla baglı mövqe sərgiləyib, Gurcustanın məlum mövqeyi arxasında sigortalanır. Bu isə bölgədə heç də Ermənistanın əməkdaşlıga mane olmayan imicinin formalaşdırılmasına xidmət edir”.
Bu baxımdan politoloq Paşinyanın səsləndirdiyi fikirlərin səmimiliyinə şübhə ilə yanaşır.
Vidadi ORDAHALLI
