Makronun Mişel həmyerlisi, Qərbə 2.6 milyarda satılmış Ermənistan, Putinin başını bələyən Paşinyan…

img

Avropa İttifaqı (Aİ) Şurasının prezidenti Şarl Mişelin Ermənistan səfəri bəzi parametrlər baxımından xüsusi diqqət cəlb etməkdədir. Şarl Mişel artıq Ermənistanın baş naziri vəzifəsini icra edən Nikol Paşinyan prezident Armen Sarkisyanla görüşüb.

Yayılan məlumatlardan belə bəlli olur ki, Avropa Ermənistanla münasibətləri daha da genişləndirmək niyyətindədir. Bu isə bütün parametrlər üzrə Rusiyadan asılı olan Ermənistanın Moskvaya növbəti xəyanəti hesab edilə bilər. Bu gün Ermənistanın qurulmasının və indiki ərazilərdə mövcud olmasının ən böyük səbəbkarlarından biri Rusiyadır. Amma Paşinyan iqtidarı yenə Rusiyaya xəyanət yolu tutur.

Məsələ burasındadır ki, ölkədə hələ də ağalıq edən Soros Fondu və bir sıra digər Qərb fondlarının dəstəyi ilə küçədən hakimiyyətə gələn Nikol Paşinyan istər müxalifətdə olarkən, istərsə də baş nazir kürsüsündə əyləşən kimi Rusiyaya qarşı radikal çıxışları və addımları ilə seçildi. Onu dəstəkləyən Qərb qüvvələrinin məqsədi isə, nəyin bahasına olursa olsun, Rusiyanı Cənubi Qafqazdan çıxarmaq, Ermənistan daxilində rusofob mühit yaratmaq idi. Bu istiqamətdə Moskvanın himayəsində olan rus biznes kampaniyalarına qarşı siyasi təqiblər, Rusiyaya yaxınlığı ilə seçilən ictimai fəallara, siyasi partiyalara və mediaya qarşı ciddi təzyiqlər hələ də səngiməyib. Hakimiyyətə gəldiyi ilk gündən Qərbyönümlü siyasəti ilə diqqət çəkən Paşinyanın heç zaman sözü ilə əməli üst-üstə düşməyib. Qeyri-ciddi çıxışları və obrazı ilə siyasət meydanında biabır olan Paşinyanın Rusiyaya növbəti xəyanəti də haradasa gözlənilən idi. Halbuki, Paşinyan hər dəfə çətinliklə üzləşəndə onu Rusiya, şəxsən prezident Vladimir .Putin xilas edib. Amma Paşinyan yenə Rusiyaya xəyanət yolu tutur. Elə bunun nəticəsidir ki, NATO ilə yanaşı, Ermənistanın Avropanın bir çox ölkələri ilə, eləcə də Almaniya, Polşa, Yunanıstan, Fransa və İtaliya ilə ikitərəfli hərbi əməkdaşlıq əlaqələrinin genişləndirdiyi də müşahidə olunur.

Bununla yanaşı, Ermənistanda son dövrlərdə yenə Soros Fondunun yenidən fəallaşması müşahidə edilir. Xatırladaq ki, hələ 2018-ci ildə Paşinyanın bütün komandası praktik olaraq Qərbin, Soros Fondunun, “Amnesty International”, “Transparency”, “Human Rights Watch”, “Freedom House”un maliyyələşdirdiyi qeyri-hökumət təşkilatlarının nümayəndələrindən ibarət oldu. Parlament seçkilərindən sonra da bu hal davam edir. Xatırladaq ki, hələ o vaxt “Transparency International” təşkilatının seçki proqramlarının keçmiş əlaqələndiricisi Armen Qriqoryan Milli Təhlükəsizlik Şurasının rəhbəri vəzifəsinə təyin edilib. Sorosun adamı olan bu şəxs uzun müddət qeyd edilən vəzifəni icra edib. Parlament seçkilərindən sonra bu günlərdə Nikol Paşinyan Armen Qriqoryanın Təhlükəsizlik Şurasının katibi vəzifəsindən azad edilməsi və xarici işlər nazirinin birinci müavini vəzifəsinə təyin edilməsi haqqında qərar qəbul edib. Onu da unutmaq lazım deyil ki, postsovet məkanında “rəngli inqilablar”ın əsas sponsoru olan Corc Soros və eyni adlı fond çoxdandır Rusiya rəhbərliyini də ciddi narahat edir. Bu fonda Avropa İttifaqı da maliyyə sarıdan Ermənistanı “işğal etməyə” hazırlaşır. Qeyd edək ki, Avropa İttifaqı “Şərq Tərəfdaşlığı” proqramına daxil olan, ancaq assosiasiya sazişi imzalamayan 3 ölkəyə – Azərbaycan, Belarus və Ermənistana “Bərpa, Yenidənqurma və İslahatlar” adlı yardım proqramını açıqlayıb. Bu ölkələr arasında ən az vəsait ayrılan Azərbaycandır – 140 milyon avro. Eyni proqram çərçivəsində Ermənistana 1,6 milyard, Belarusa isə 870 milyon avro vəsait ayrılıb. Amma indi bəlli olur ki, Avropa İttifaqı Ermənistana ayrılan yardımı 1,6 milyarddan 2,6 milyard avroya qədər artıra biləcəyini açıqlayıb. Avropa İttifaqının qonşuluq siyasəti və genişlənmə danışıqları üzrə komissarı Oliver Varhey bu istiqamətdə beş prioritet proqrama diqqət çəkib və bildirib ki, bu proqramlar iqtisadi böyüməni, yeni iş yerlərinin açılmasını, ümumiyyətlə, güclü iqtisadiyyatı təmin etməyi nəzərdə tutur. Varhey qeyd edib ki, vəsaitlər kiçik və orta müəssisələrin dəstəklənməsinə, rabitənin inkişafına, şimal-cənub avtomobil yolunun inşasına, informasiya texnologiyalarına qoyulan investisiyanın artımına, Ermənistanın cənub bölgələrinin gücləndirilməsinə yönəldiləcək. Amma ekspertlər bildirir ki, bununla Avropa İttifaqı iqtisadi cəhətdən Ermənistanı Rusiyadan qoparmağa çalışır. Elə bu səbəbdən Ermənistana belə səxavətlə pul ayrılır. Bu səbəbdən bəllidir ki, Rusiya artıq dəstək verdiyi Ermənstanın xəyanəti ilə bağlı qəti addımlar atmalıdır. Kreml qəbul etməlidir ki, Ermənistan dövlət kimi çox perspektivsizdir, ermənilərin Cənubi Qafqazda kiminsə hesabına yaşamağı hədəfləyən bir xüsusiyyəti var. Rusiya uzun illər bu dövləti yaşatmaq üçün hər şey verdi, Gümrü şəhərində hərbi bazasının olmasından istifadə edən Ermənistan hər zaman Rusiyadan hərbi baxımdan da yararlandı. Amma sonda Ermənistan bütün digər dövlət və toplumlara etdiyi xəyanəti  Rusiyaya da etdi. Ruslar bunu nəzərə almalıdır.

Burada daha bir maraqlı məqam odur ki, Avropa İttifaqı Ermənistana 2.6 milyard avroluq yardım paketi ayırdığı halda, Azərbaycana cüzi köməklik edir. Halbuki, Ermənistan işğalı nəticəsində Azərbaycan əraziləri dağıntıya məruz qalıb. Buranın yardımına kmək etmək, bunun üçün Azərbaycana daha çox pul ayırmaq əvəzinə Avropa İttifaqı yenə Ermənistanı ön planda tutur. Elə bu da Avropa İttifaqının ölkəmizə qarşı yeni ikili standartlarıdır. Hər halda, Bakı səfərində Şarl Mişel buna izah versə yaxşı olar.

Tahir TAĞIYEV

Son xəbərlər