Aynur Əliyeva: “…maddi imkanı da yetmir ki, xaricdən gül idxal etsin”
Son bir neçə gündə Ermənistanın gül bazarında kəskin bahalaşma müşahidə olunur. Bahalaşmanın səbəbini Qarabağ uğrunda gedən döyüşlərdə ölənlərin sayının çox olması ilə əlaqələndirirlər. İşğalçı ölkənin gül bazarında qiymətlərin bahalaşmasını ölkənin İqtisadi rəqabətin müdafiəsi üzrə dövlət komissiyası da təsdiqləyib.
Komissiyanın mətbuat katibi Anya Smbatyan sosial şəbəkə hesabından bildirib ki, yas mərasimlərinin təşkili üçün hazırlanan əklillərin, gül çələnglərinin qiyməti dövlət orqanlarının müdaxiləsi ilə tənzimlənib, qiymətlər bir qədər aşağı salınıb.
Qeyd edək ki, ölənlərin yaxınları və ailələri gül bazarındakı qiymətlərin artması ilə bağlı oktyabrın 14-dən etibarən yerli mətbuatda və sosial şəbəkələrdə tənqidi çıxışlar ediblər. Bildiriblər ki, ölənlərin çox olması səbəbindən güllərə tələbat olduqca çoxalıb. Nəticədə qiymətlərin kəskin artmasına səbəb olub.
Onu da qeyd edək ki, Ermənistan mətbuatı itkilərinin çox olduğunu etiraf etməsə də, əklillərə və mərasim üçün hazırlanan gül çələnglərinə tələbatın artması itkilərin çox olmasının sübutudur.
- “Həlak olanların sayı çox olduğu üçün istixanalarda yetişdirilən güllər kifayət etmir”
Sosioloq Aynur Əliyeva bildirdi ki, hazırda Ermənistan iqtisadiyyatı çöküş vəziyyətindədir: “Ermənistanda sahibkarlıqla məşğul olanlar ölən hərbçilərdən belə qazanc əldə etmək istəyirlər. Məlumat üçün bildirim ki, Ermənistanda minlərlə kiçik istixana təsərrüfatı gülçülüklə məşğuldur. Bazar rəqabətqabiliyyətlidir, dominant təsərrüfat subyektləri yoxdur. Görünür, Ermənistanda yaxında leşlərin üzərinə düzməyə gül belə tapılmayacaq. Azərbaycan əsgərinin döyüş əzmi düşmən ölkədə çələnglərə olan “tələbatı” artıracaq”.
Həmsöhbətimiz onu da əlavə etdi ki, düşmən ölkədə məzara qoyulmaq üçün gül və çələng problemi yaşanır. Həlak olanların sayı çox olduğu üçün istixanalarda yetişdirilən güllər kifayət etmir. Ermənistan iqtisadiyyatının maddi imkanı da yetmir ki, xaricdən gül idxal etsin. Bu kimi hallar İrəvənda etiraza səbəb olur.
Günel CƏLİLOVA
