05/08/2020 17:53
728 x 90

Prezident Əliyev sərhədlərdəki Azərbaycan və erməni kənd sakinlərinin baş verənlərə reaksiyasını əla müqayisə etdi...

img

Bildiyimiz kimi iyulun 15-də Azərbaycan Prezidenti İlham Əliyevin sədrliyi ilə Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib. Prezident nitqində bir sıra mühüm məsələlərə toxunub, Azərbaycan-Ermənistan dövlət sərhəddinin Tovuz istiqamətində baş verən erməni təxribatı ilə bağlı fikirlərini bildirib. 

Prezident İlham Əliyev cəbhə bölgəsində yaşayan  əhalimizin bir nəfərinin də olsa kənd-kəsəyini tərk etmədiyini, ermənilərin isə bəzi kəndləri, şəhərləri boşaltması faktını xüsusi vurğulayıb:”...Onu da bildirməliyəm ki, baxmayaraq, kəndlərimiz atəşə tutuldu, ağsaqqal həlak oldu, bizim kəndlərimizdə yaşayan insanlardan bir nəfər də yerindən tərpənmədi, bir nəfər də heç yerə getmədi. Amma bizdə olan operativ məlumata görə, Ermənistanda bəzi kəndlər, bəzi şəhərlər boşaldılır. İndi panika yaranıbdır. Bax, fərq budur. Azərbaycan vətəndaşı öz torpağında ləyaqətlə yaşayır. Azərbaycan dövləti və Azərbaycan Ordusu onu qoruyur və qoruyacaqdır”.

  • Vaqif Abışov: “Baxmayraq ki, düşmən tərəfi dinc əhalini hədəfə alıb, ölən və yaralananlar var, amma əhali öz döğma torpaqlarını əsgərlərimizlə birgə, cani-dildən müdafiə etməkdədir”

Azərbaycan Milli Elmlər Akademiyasının (AMEA) A.Bakıxanov adına Tarix İnstitutunun aparıcı elmi işçisi, tarix elmləri doktoru Vaqif Abışov Azərbaycan əhalisinin öz yurdunu tərk etməməsinin səbəbinə belə izah verdi: “... Bununla belə  Ermənistan hökuməti bildirir ki, döyüşün getdiyi bölgədə olan kəndlərin əhalisi köçürülür. Azərbaycan tərəfi isə döyüş bölgəsindəki kəndləri köçürməyir. Bununla bağlı nəyi qeyd etmək olar? Birincisi, görünür Ermənistan dövləti Azərbaycan ərazisinə hücum etməyə qabacadan hazırladığı üçün əhalini köçürürdülər. İkincisi,  Ermənistanın hərbi təcavüzünə sərt və intensiv atəşlə cavab verilib və bu cür hərbi əməliyyat davam etməkdədir. Üçüncüsü, Azərbaycan tərəfi Ermənistanın ərazisinə hücum etməyib və birinci atəş açmayıb. Əksinə Ermənistan tərəfi Azərbaycantorpaqlarını ələ keçirmək üçün birinci olaraq hücum edib və atəş açıb. Ona görə də Ermənistanın “biz döyüş bölgəsindən əhalini köçürürük” deməsi dünyanı yenidən aldatmaqdır. Onlar belə görüntü yaratmaq istəyirlər ki, güya Azərbaycan birinci atəşkəsi pozub. Lakin fakt faktlığında qalır ki, Ermənistan silahlı qüvvələri birinci olaraq bizim torpaqlara hücum edib və məqsədləri də ərazilərimizi işğal etmək olub. Lakin Azərbaycan ordusu düşmənə layiqli cavab verib və verməkdə də davam edir. Azərbaycan əhalisi isə hər an öz əsgərlərinin arxasında möhkəm dayanmaqdadır. Baxmayraq ki, düşmən tərəfi dinc əhalini hədəfə alıb, ölən və yaralananlar var, amma əhali öz döğma torpaqlarını, əsgərlərimizlə birgə, cani-dildən müdafiə etməkdədir. Digər tərəfdən, dövlətimiz əhalinin müdafiəsinin də qayğısına qalmaqdadır”.

  • Bünyamin Qəmbərli: “Bizim ordumuzda döyüşən övladlarımızdır, bizim əhali, bizlər övladlarımıza güvənirik,  erməni ordusunda isə...”

Bütöv Azərbaycan Xalq Cəbhəsi Partiyasının sədr müavini Bünyamin Qəmbərli “Prezidentin qeyd etdiyi faktlarla bağlı bir neçə məqamı qeyd etmək istəyirəm. Birincisi, əhali o torpaqlardan ona görə çıxmır ki, bu torpaqlar bizim ata-baba yurdumuzdur, tarixi torpaqlarımızdır. Biz buranın yerli xalqıyıq. Ermənilərin də yaşadıqları kəndləri, çəhərləri tərk etməsinin səbəblərindən biri onların bu yerlərlə gəlmə olması, bu torpaqları qazanmaması, uğurunda qan tökməməsi, buranı dişləri-dırnaqları ilə Vətənə çevirməməsi ilə bağlıdır. Biz isə həm də ona görə o torpaqlarda duruş gətiririk ki, bizim xalqımızın bir qüdrəti, düşüncəsi ruhu var-torpaq namusdur, torpağı qoyub getməzlər.  Tovuz camaatı əvvəl də torpaqları boşaltmamışdı, indi də öz yerlərində, kəndlərində yaşayırlar. Bizim ordumuzda döyüşən övladlarımızdır, bizim əhali, bizlər övladlarımıza güvənirik. Amma erməni ordusunda isə muzdlu əsgərlər də, Suriyadan gətirib bizə qarşı zorla döyüşdürdüyü qüvvələr də var. Erməni ilə bizim fərqimiz burdadır. İstər Qarabağ, istər Tovuz, Qazax, digər ərazilərimiz yalnız orada yaşayanların deyil, 50 milyonluq Azərbaycan türkünündür. Bu gün minlərlə gənc, kişi, qadın, yaşlı insan Tovuza getmək, döyüşmək ruhundadırsa, oranın sakinlərinin vicdanı torpağı tərk etməyə imkan verməz”- deyə mövzuya belə şərh verdi.

İradə SARIYEVA

Son xəbərlər