05/08/2020 17:01
728 x 90

Prezidentin “Azərbaycan-Ermənistan sərhədində heç bir hərbi planımız yoxdur” bəyanatının beynəlxalq strateji gücü...

Akif Nağı: “Bu o deməkdir ki, Azərbaycan heç bir dövlətə, hətta düşmən Ermənistana qarşı belə sərhəd boyunca hərbi planlar qurmur, dünyanın qəbul etdiyi normalara, BMT-nin nizamnaməsinin tələblərinə riayət edir və özünün həqiqətən də sülhpərvər bir dövlət olduğunu sübut edir”

img

“Bizim Ermənistanla Azərbaycanın dövlət sərhədində hər hansı bir hərbi məqsədimiz yoxdur. Bildiyiniz kimi, bir neçə il bundan əvvəl mənim tapşırığımla sərhədin bir hissəsinin qorunması Sərhəd Qoşunlarına həvalə olunubdur. Bu da onu göstərir ki, bizim bu istiqamətdə hər hansı bir hərbi planımız yoxdur və prinsip etibarilə hərbi məqsədlər nöqteyi-nəzərdən bunun heç bir əhəmiyyəti yoxdur...”. Bu fikirləri İyulun 15-də Prezident İlham Əliyevin sədrliyi ilə Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda ölkə başçısı bildirib.

Azərbaycan-Ermənistan dövlət sərhəddinin Tovuz istiqamətində Müdafiə Nazirliyinin hərbi qüvvələrinin deyil, sərhəd xidmətinin yerləşdirilməsi Azərbaycana hansı beynəlxalq strateji dvidentlər qazandırır?

  • “Hesab edirik ki, beynəlxalq təşkilatlar da Azərbaycanın bu mövqeyinə dəyər verməlidir”

Qarabağ Azadlıq Təşkilatının (QAT) sədri Akif Nağı “Bakı-Xəbər”ə bildirdi ki, Azərbaycanın Azərbaycan -Ermənistan sərhəddindən milli ordu qüvvələrini çəkib onun yerinə sərhəd xidmətinin yerləşdirməsinin səbəblərinin gündəmə gətirilməsi və Prezidentin bu məsələ ilə bağlı fikirləri çox vacib məqamlara aydınlıq gətirib. “Ermənistanla müharibə vəziyyətində olduğumuz və hər an düşmən təxribatı ilə üzləşdiyimiz bir vaxtda milli ordunun sərhəd xidməti ilə əvəzlənməsi bir sıra suallar doğururdu və cəmiyyət tərəfindən də birmənalı qarşılanmırdı. Amma cənab Prezident növbəti dəfə öz addımını həm beynəlxalq hüquqa söykənərək, həm də məntiqlə izah etdi. Bu addımı ilə Azərbaycan dövləti bir daha beynəlxalq təşkilatların qarşısında özünün humanistliyini və beynəlxalq hüquq normalarına əməl etdiyini göstərdi. Bu çox vacib bir məsələdir. Yəni bu o deməkdir ki, Azərbaycan heç bir dövlətə, hətta düşmən Ermənistana qarşı belə sərhədd boyunca hərbi planlar qurmur, düyanın qəbul etdiyi normalara, BMT-nin nizamnaməsinin tələblərinə riayət edir və özünün həqiqətən də sülhpərvər bir dövlət olduğunu sübut edir. Beynəlxalq təşkilatların da, bəzi dövlətlərin rəhbərləri də pafosla danışırlar, amma əslində, bu digər mənada özlərinin təcavüzkar, irticaçı  xarakterlərini göstərirlər. Düşmən Ermənistanın siyasi-hərbi rəhbərliyi də guya özlərini sülhpərvər kimi göstərməyə çalışırlar, amma məqam düşən kimi Azərbaycana qarşı yeni bir təcavüz aktı həyata keçirməkdən çəkinmirlər. Müqayisə üçün deyək ki, Ermənistanın Azərbaycanla sərhəddlərində sərhəd xidməti yox, ordu yerləşdirilib. Cəbhənin Tovuz istiqamətində ermənilərin yenidən təxribat törədərək Azərbaycanın ərazibütövlüyünə qəst etməsi cəhdləri bir daha onların işğalçı və təcavüzkar xarakterini göstərir. Bütün bunların fonunda bir daha Azərbaycan özünün həqiqi mahiyyətini nümayiş etdirdi. Hesab edirik ki, beynəlxalq təşkilatlar da Azərbaycanın bu mövqeyinə dəyər verməlidir, bunu qiymətləndirməlidir. Azərbaycan mövqeyində sabitdir.  Eyni zamanda Azərbaycan Sərhəd Qoşunlarını və əlavə qüvvələri  ora yerləşdirməklə sübut etdi ki, istənilən ölkə ilə dövlət sərhəddi boyunca öz torpaqlarını müdafiə etməyə, ərazibütövlüyünü qorumağa, özünün başqasının torpağında gözü yoxdur, amma istınilən təxribatçını, təcavüzkar hərıkətin qarşısını almağa qadirdir. Düşünürəm ki, dövlətimiz çox ağıllı və düzgün mövqe nümayiş etdirdi, Azərbaycan dövlət olaraq xarakterini göstərdi. İndi beynəlxalq təşkilatlar buna qiymət verəcəklər, verməyəcəklər, öz işləridir. Amma Azərbaycan davamlı şəkildə həm öz mahiyyətini nümayiş etdirir, həm də düzgün müəyyənləşdirdiyi siyasəti həyata keçirir. Dövlətimizin bu mövqeyi də qiymətləndirilməlidir” – deyə A.Nağı qeyd etdi. 

İradə SARIYEVA

Son xəbərlər