Qərb sanksiyalarla Putinin Ukrayna siyasətini dəyişə biləcəkmi?

Tarix: 10.09.2014 / 11:50
Bölmə: İqtisadiyyat

Artıq Rusiyanın ona qarşı tətbiq edilən sanksiyaların cəngində çabaladığı nəzərə çarpır. Bunu Rusiyanın ən yüksək çinli məmurlarının, tanınmış ictimai-siyasi xadimlərinin dili ilə edilən etiraflarda da eşitmək mümkündür. "Rusiyaya nə indi, nə də keçmişdə, heç vaxt Ukrayna ilə konflikt lazım olmayıb".
Bu sözləri tanınmış şərqşünas, Rusiyanın keçmiş Xarici Kəşfiyyat Xidmətinin rəhbəri və sabiq xarici işlər naziri Yevgeni Primakov RTR-in efirində deyib.
Primakov Rusiyanın Qərblə münasibətlərinin qırılmasında maraqlı olmadığını xüsusi vurğulayıb: "Rusiya barışığa getməyə məcburdur, əks halda, bizi Qərblə münasibətlərin tam pozulması gözləyir, biz isə buna hazır deyilik. Başlıca səbəb - texnoloji geriliyimizdir, hansını ki, yalnız Qərbin köməyi ilə aradan qaldıra bilərik".
Eks XİN başçısına görə, Rusiya suveren dövlətin ərazisinə qoşun yeritməyin bütün nəticələrini gözəl başa düşür - Rusiyanın Avropa ilə yaxınlaşmasına ümidlərin puç olması, təzə-təzə ABŞ-ın protektoratından çıxmaqda olan Almaniya ilə əlaqələrin itməsi, Qərb ölkələrinin işğalçı olmaq istəməyən Rusiya qarşısında birləşməsi...
"İndi biz sanki qıraqda qalmaqla və Ukraynanın suverenliyinə hörmət eləməklə münaqişənin bütün tərəfləri ilə anlaşma əldə eləməliyik", - deyə Primakov qeyd edib. O, Rusiya KİV-ini də sərt tənqid edib: "KİV-lər hadisələri elə işıqlandırdılar ki, sanki ölkə müharibəyə hazırlaşır".
Primakov Rusiyanın dərin dövlətində təmsil olunan bir şəxs kimi tanınır. Bəllidir ki, Rusiya dövlətinin siyasi kursunun müəyyənləşməsində onun dəyərli məsləhətlərindən istifadə edilir. Təbii ki, bu ranqda olan bir şəxsin açıqlamasına təsadüfi yanaşmaq olmaz.
Xatırladaq ki, oxşar açıqlama ilə Rusiyanın baş naziri Dmitri Medvedyev də çıxış edib. O, ölkə mətbuatına açıqlamasında bildirib ki, Rusiya 2008-ci ilin şokunu yaşayır. Hökumət başçısı kimi Dmitri Medvedyev onda bu qənaətin yarandığını etiraf edib: "İqtisadiyyatın inkişafı, insanların yaşayışı üçün çətin şərait var. Dövlətin rəhbərlərindən biri kimi, məndə belə hiss var ki, biz 2008-ci ildəki xarici şokların vəziyyətini yaşayırıq",-deyə Medvedyev söyləyib.
Rusiyanın bu təzyiqlərdən sonra siyasətini dəyişəcəyini ehtimal etmək olarmı?
Politoloq Zərdüşt Əlizadənin sözlərinə görə, Rusiyanın köklü şəkildə siyasətini dəyişəcəyini ehtimal etmək düzgün olmaz. Politoloq hesab edir ki, Rusiyanın baş naziri Dmitri Medvedyevin ölkə iqtisadiyyatının geriləməsi haqda səsləndirdiyi fikirlər heç də Rusiyanın tam kapitulyasiya olunmasından xəbər vermir":Bu vəziyyət Putin-Medvedyev cütlüyünün səmərəsiz fəaliyyəti ilə bağlı yaranıb. Çünki Rusiya iqtisadiyyatında nəhəng korrupsiya var. Rusiyada məmurlar, hakim zümrə oğurluqla məşğuldur. Bundan başqa, iqtisadiyyatda insiharlaşma yüksək səviyyədədir. Ölkənin təbii sərvətlərinin gətirdiyi nəhəng pullar hamısı xarici banklara qoyulur. Yəni elmə, sənayeyə, yeni-yeni istehsal sahələrinin yaradılmasına yatırım yoxdur. Buna görə də Rusiya iqtisadiyyatı ildən-ilə zəifləyə-zəifləyə gedir. İndi onun artım səviyyəsi, demək olar ki, acınacaqlı vəziyyətdədir.
Qərbin sanksiyaları isə onsuz da ağır vəziyyətdə olan Rusiya iqtisadiyyatına daha pis təsir edəcək. Lakin Rusiya iqtisadi sanksiyalara görə siyasətini dəyişməyəcək".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...