NATO sammitindən sonra Sarkisyanın etiraflarının əsl səbəb(lər)i...

Tarix: 08.09.2014 / 12:25
Bölmə: İqtisadiyyat

Ermənistan prezidenti rəhbəri olduğu Respublika Partiyasının Şurasının iclasını keçirib və Azərbaycana qarşı təbliğat-informasiya mübarizəsini gücləndirməyə çağırıb. Sarkisyan partiyasının üzvlərini "beynəlxalq əlaqələrini gücləndirməyə və bu əlaqələrdən düşmənlə mübarizədə istifadə etməyə" çağırıb.
Sarkisyana görə, şübhəsiz ki, rəsmi səviyyədə təmaslar və iş vacibdir. Lakin istənilən qeyri-formal təmaslardan "həqiqətləri beynəlxalq ictimaiyyətə çatdırmaq üçün" istifadə edilməlidir.
"Bizim düşmənlərimizin imkanları artır, onların işi fəallaşır, bu situasiyada bizim passivlik göstərmək haqqımız yoxdur" deyə Sarkisyan bildirib. Ermənistan prezidenti daha sonra deyib: "Son döyüşlərdə təmas xəttində nə qədər azərbaycanlının həlak olduğu hamıya məlumdur. Lakin onlar bütün dünyaya yayırlar ki, erməni tərəfinə yaxşı dərs veriblər. Hamıya şahmatçılarımızın nailiyyətləri məlumdur. Bununla belə, Azərbaycan Prezidenti əmin edir ki, onlar bizi bu idman növündə qabaqlayıblar. Ancaq Azərbaycan yığması ancaq Avropa çempionu adını qazana bilib".
S.Sarkisyan daha sonra Minsk Qrupu formatının erməni tərəfinə çox sərfəli olduğunu etiraf edib. Onun sözlərinə görə, erməni tərəfi Qarabağ nizamlanmasını ATƏT-in Minsk Qrupu çərçivəsində saxlamağa nail olmalıdır. "Hansı ki, biz bu formatda əhəmiyyətli nailiyyətlər əldə edə bilmişik" deyə o əlavə edib. S.Sarkisyana görə, erməni tərəfi Minsk Qrupundakı "uğurlarını" digər strukturlarda da yaymağa nail olmalıdır.
S.Sarkisyanın partiyasının rəhbərliyini toplayaraq Azərbaycana təbliğat müharibəsində uduzduqlarını etiraf edən çıxış etməsi NATO-nun Uelsdə keçirilmiş sammitindən dərhal sonra baş verib. Bütün bu fikirləri Azərbaycanın uğurlu xarici və informasiya siyasəti yürütməsinin məhz Sarkisyanın dili ilə etirafı sayıla bilərmi?
Azərbaycan Milli İstiqlal Partiyasının sədr müavini Elşən Mustafayev "Bakı-Xəbər"ə açıqlamasında bildirdi ki, son illər informasiya savaşında Azərbaycanın Ermənistanı yeterincə üstələməsi danılmaz bir faktdır: "İstər müxtəlif beynəlxalq təşkilatların Qarabağ münaqişəsi ilə bağlı qəbul etdiyi ədalətli qətnamələr, istərsə də Azərbaycanın mütəmadi olaraq xarici ölkələrdə təşkil etdiyi uğurlu tədbirlər və aksiyalar bunu bir daha təsdiq edir. Hərbi potensialda da üstünlük günü-gündən artır və arada olan fərq daha da böyüyür. Bütün bunları Sarkisyan və komandası yaxşı görürdülər.Amma etiraf etməyə cəsarətləri çatmırdı, ona görə ki, Qarabağ münaqişəsi dalğasında hakimiyyətə gəlmiş Sarkisyan klanı bu etirafdan sonra hakimiyyətlərinin ciddi laxlayacağından qorxurdular. Amma bu gün vəziyyət o həddə çatıb ki, onlar bunu etiraf etməyə məcbur olublar. Yuxarıda dediyim sahələrdə uğursuzluqları o qədər qabarıq şəkildə görünür ki, artıq gizlətməyin özü böyük təhlükəyə çevrilə bilər.Onlar hiss etməyə başlayıblar ki, Ermənistana beynəlxalq səviyyədə artıq ciddi baxmırlar. Hətta Putin belə, iki ölkə arasında müxtəlif sahələrdə olan müttəfiqliyə baxmayaraq, Ermənistanla məsafə saxlamağa üstünlük verir. Xatırlayırsınızsa, Rusiya Krımı anneksiya edəndən sonra Ermənistan bu addımı dəstəklədi və referendumun nəticələrini tanıdı Amma bir neçə gün öncə Uelsdə Ukraynanın ərazi bütövlüyünü tanıyan qətnaməyə imza atdı. Belə vəziyyətlərdə yalnız rəzil günə qalmış dövlət başçıları ola bilər. İndi isə qorxduğu odur ki, həqiqi hərbi əməliyyatlar başlayacağı halda Ermənistanın məğlubiyyəti qaçılmaz ola bilər.
Bu gün isə bütün uğursuzluqları öz üzərindən ataraq məsuliyyəti bütövlükdə siyasi partiyaların və ictimai təşkilatların, hətta diasporun üzərinə yıxması gözlənilən uğursuzluqlardan özünü sığorta etmək üçündür".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...