Natiq Cəfərli: "Ötən il açıqlanan rəqəmlərə görə, 8,9 milyarda yaxın xarici borc var idi"
Məlumatlara görə, Azərbaycanın xarici dövlət borcu 6 faiz azalıb. Ölkəmizin xarici dövlət borcu illik müqayisədə 448,7 mln. dollar və ya 6,0 % azalaraq 2017-ci il aprelin 1-nə 7,0 mlrd. ABŞ dollarına bərabər olub. Bu barədə 2017-ci il dövlət büdcəsinə dəyişiklik haqqında qanun layihəsinə istinadən xəbər verilir.
"Ölkədə həyata keçirilən iqtisadi islahatların dəstəklənməsi və ayrı-ayrı prioritet layihələrin maliyyələşdirilməsi məqsədilə 2017-ci il 1 aprel tarixinə beynəlxalq maliyyə-bank qurumları və digər kredit təşkilatları ilə 11,1 mlrd. ABŞ dolları məbləğində kredit sazişləri imzalanıb. Bu sazişlər əsasında istifadə olunmuş kreditlər üzrə Azərbaycanın xarici dövlət borcunun ümumi məbləği borclu təşkilatların təqdim etdiyi məlumatlara əsasən 7 mlrd. ABŞ dolları olub".
İmzalanmış sazişlər üzrə istifadə edilən kreditlərə görə xarici dövlət borcu ümumdaxili məhsulun 18,1 %-ni təşkil edib, adambaşına düşən xarici dövlət borcu isə 713,5 dollar olub. 2017-ci il aprelin 1-nə xarici borc üzrə alınan kreditlərin 7,5 %-i Beynəlxalq Valyuta Fondunun Xüsusi Borcalma Hüquqları (SDR), 76,7 %-i ABŞ dolları, 11,8 %-i avro, 2,4 %-i Yaponiya yeni, 1,6 %-i isə digər valyutaların payına düşüb.
Ölkəyə cəlb edilən kreditlərin 32,1 %-ni sabit dərəcə ilə olan kreditlər, 67,9 %-ni isə dəyişkən dərəcə ilə olan kreditlər təşkil edib. Xarici dövlət borcunun 57,3 %-i 10 ilə qədər olan müddətdə, 38,8 %-i 10-20 il müddətində, 3,9 %-i isə 20 ildən yuxarı olan müddətdə kreditorlara qaytarılmalıdır.
Xarici dövlət borcunun 6 faiz azalması barədə fikir bildirən iqtisadçı-ekspert Natiq Cəfərli "Bakı-Xəbər"ə açıqlamasında qeyd etdi ki, ötən illə müqayisədə xarici borc artıb: "Ötən il açıqlanan rəqəmlərə görə, 8,9 milyarda yaxın xarici borc var idi. Bu il isə 11 milyard 100 milyon xarici borc var".
İqtisadçının sözlərinə görə, xarici borcun 6 faiz azalması
kreditin istifadə olunan məbləğinə aid olunur. Bizdə kreditin istifadə olunan məbləği açıqlanır: "Borc müqaviləsi bağlanırsa, o borc veriləcək. Xərclənən kredit əsas götürülür. Bu isə doğru yanaşma deyil".
Həmsöhbətimizin sözlərinə görə, dövlət büdcəsi 9,6 milyard dollar olduğu halda, ümumi borc müqavilələrinin həcmi 11,1 milyarddır. Hətta dövlət büdcəsindən artıq borc öhdəliyi var.
Günel CƏLİLOVA
����������������������anguage:AZ-LATIN;mso-fareast-language: RU'>Məhəmmədəli QƏRİBLİ
