Dollar kreditlərini həmişəlik dayandırmaq olmazmı?

Tarix: 09.04.2016 / 01:46
Bölmə: İqtisadiyyat

Fikrət Yusifov: "Bank-maliyyə sistemini dollar xəstəliyindən qurtarmağın yeganə yolu xarici valyuta ilə kredit verilməsini qadağan etməkdir"

"Nəzarət Palatasının Direktorlar Şurası xarici valyuta ilə istehlak kreditinin verilməsini çəkinmədən birdəfəlik dayandırmalıdır"

Məlum olduğu kimi, Azərbaycanda xarici valyuta ilə kreditlərin verilməsi bir ay müddətinə dayandırılıb. Bu barədə aprelin 4-də Maliyyə Bazarlarına Nəzarət Palatasının (MBNP) Direktorlar Şurasının keçirilən iclasında qərar qəbul edilib.

Bildirilib ki, xarici valyutada istehlak kreditlərinin verilməsi sahəsində dərin və hərtərəfli təhlillərin aparılması, istehlakçıların hüquqlarının müdafiəsinin və maliyyə sabitliyinin təmin olunması üçün 1 ay ərzində tənzimləyici çərçivələrin müəyyən edilməsinə dair qərar qəbul edilib.

Bununla əlaqədar qərara alınıb ki, banklar tərəfindən əhaliyə xarici valyutada istehlak kreditlərinin verilməsi aprelin 5-dən etibarən 1 ay müddətinə dayandırılsın və bu haqda müvafiq göstərişlər kredit təşkilatlarına göndərilsin. Palata bu müddətin uzadılması hüququnu özündə saxlayır.

Banklar tərəfindən əhaliyə kredit verilişinin bir aylığına dayandırılması bəzi məsələləri müzakirə predmetinə çevirdi. Öncə xarici valyuta ilə kredit verilişinin bir aylıq belə dayandırılmasının bank sektoruna necə təsir edəcəyi müzakirə olunur.

Bəzi ekspertlər tərəfindən təklif olunur ki, xarici valyuta ilə kredit verilməsi bir aylıq deyil, ümumiyyətlə, birdəfəlik dayandırılsın. Dollarla kredit verilməsinin birdəfəlik dayandırılması mümkündürmü? Belə bir hal baş verərsə, bu, bank sahəsinə necə təsir edəcək?

"Ekonomiks" Beynəlxalq İqtisadi Araşdırmalar Birliyinin sədri, iqtisadi elmlər doktoru, professor Fikrət Yusifov "Bakı-Xəbər"ə açıqlamasında qeyd etdi ki, aprelin 4-də Nəzarət Palatasının Direktorlar Şurasının qərarı ilə banklar tərəfindən əhaliyə xarici valyutada istehlak kreditləri verilməsinin bir ay müddətinə dayandırılması düzgün addımdır: "Bu çox doğru bir qərardır. Biz onu alqışlayırıq. Bu, xarici valyutada bankların vətəndaşlara zorla sırıdığı kreditlərin qarşısına sədd çəkən ilk qətiyyətli addımdır. Hesab edirik ki, çəkinmədən bu qərarı birdəfəlik də qəbul etmək olardı. Sadəcə olaraq burada banklara xarici valyutada gəliri olan hüquqi və fiziki şəxslərə xarici valyutada kreditlər verməyi qadağan etmək lazım deyildi. Kimin xarici valyuta ilə qazancı varsa, qoy o gedib xarici valyutada krediti ala bilsin. Maliyyə Bazarlarına Nəzarət Palatasının Direktorlar Şurasına tövsiyə edirik ki, bir ayın tamamında bu qərarın bundan sonra heç vaxt dəyişməyəcəyi barəsində yeni bir qərar qəbul etsin. Çəkinməsinlər. Bu, ölkə Konstitusiyasının da tələbidir. Ölkənin bank-maliyyə sistemini dollar xəstəliyindən qurtarmağın yeganə yolu bu tip qətiyyətli qərarların qəbulundan və icrasından keçir. Direktorlar Şurası eyni qaydada əmanətlərin də xarici valyutada qəbulu barəsində qətiyyətli addımlar atmalıdır. Unutmaq olmaz ki, bu məsələdə tərəzinin iki gözü var. Banklarda xarici valyutada kreditlər verilməsi və xarici valyutada əmanətlər qəbulu arasında tarazlıq yaratmaq üçün tərəzinin hər iki gözü yüklənməlidir. Daha doğrusu, xarici valyutada kreditlərin verilməsinə qadağa qoyulursa, deməli, əmanətlərin də xarici valyutada qəbuluna məhdudiyyət qoyulmalıdır. İnanırıq ki, Maliyyə Bazarlarına Nəzarət Palatası yaxın günlərdə bu istiqamətdə də aidiyyəti addımlar atacaq".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...