Bankların ipoteka krediti siyasətindən narazılıq artır

Tarix: 02.04.2016 / 01:26
Bölmə: İqtisadiyyat

Daşınmaz əmlak bazarında son dövrlər müəyyən aktivlik müşahidə olunsa da, ekspertlər bunun hələ cüzi xarakter daşıdığını bildirir. Hesab olunur ki, bazarda fəallıq dərəcəsini artırmaq üçün bura yönəldilən vəsaitin həcminin artırılmasına ciddi ehtiyac var. İndiki halda isə yalnız ipoteka kreditləşməsi hesabına bazara daha çox həcmdə vəsait yönləndirilməsi mümkün sayılır.

Amma təəssüf ki, bəzi banklar ipoteka krediti almaq üçün ailənin hər bir üzvünə düşən yaşayış minimumunun məbləğini artırıb. Bundan başqa, bəzi banklar güzəştli ipoteka üzrə ilkin ödənişi artırıb. Belə ki, "Muğanbank" ilkin ödənişin həcmini 15-dən 40 faizədək, Azərbaycan Beynəlxalq Bankı isə 15 faizdən 30 faizədək artırıb.

İqtisadçı Vüqar Bayramovun sözlərinə görə, əksər banklar ipoteka kreditlərində 40 faiz ilkin ödəniş və kreditə müraciət edilən zaman bir nəfər üçün 200 manat yaşayış minumumu hesablayır. Bu o deməkdir ki, 50 min manatlıq ev almaq istəyən vətəndaşımız ən azı 20 min manat ilkin ödəniş etməlidir: "Əminəm ki, dünyanın heç bir ölkəsində kreditin təxminən yarısı qədər ilkin ödəniş nəinki tələb edilmir, heç banklar bu haqda düşünmür. Eyni zamanda, Azərbaycan prezidenti tərəfindən 2016-cı il üçün ölkə üzrə orta yaşayış minumumunun 136 manat müəyyənləşdirilməsinə baxmayaraq, bankların əksəriyyəti heç bir iqtisadi əsaslandırma olmadan bir nəfərə 200 manat xərc hesablayır. Bu o deməkdir ki, 4 nəfərlik ailədə sadəcə 800 manat yaşayış xərci hesablanır və aylıq ödəniş də 400 manat olarsa, o zaman ən azı 1300 manat əmək haqqı olmalıdır ki, heç də böyük məbləğli olmayan kreditə müraciət edə bilsin. Bu, ölkə üzrə orta aylıq əmək haqqı məbləğindən təxminən 3 dəfə çox maaş tələbidir. Bu eyni zamanda o deməkdir ki, banklar ipoteka kreditini bundan sonra yalnız varlılara verəcəklər: bir neçə mənzili olan varlıların isə ipoteka kreditinə heç ehtiyacı yoxdur".

Bütün bunlar fonunda vurğulanır ki, bankların ipoteka siyasətinə müdaxilə olmalı, onlar vətəndaşın mənafeyinə cavab verən hala gətirilməlidir. Həmçinin, dövlət vəsaiti hesabına verilən kreditlərin məbləğinin artırlması da vacib sayılır. Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov isə qeyd edir ki, yaxın vaxtlarda ipoteka kreditləri yeni şərtlərlə təklif edilə bilər.

O, kommersiya banklarının faiz dərəcələrini dəyişməsinə münasibət bildirərkən sözügedən prosesdən xəbərdar olduğunu və məsələni Milli Məclisdə qaldıracağını bildirib: "İpoteka kreditləri ilə bağlı Gənclər və İdman Nazirliyinə təkliflər vermişik. Şərtlər yüngülləşdirilməlidir. Aprelin 5-də plenar iclasda bu məsələyə bir daha toxunacam. Hazırda ilk tələbim ondan ibarətdir ki, İqtisadi siyasət komitəsi bank rəhbərləri ilə bir araya gəlməli və ipoteka faizləri ilə bağlı məsələni ciddi şəkildə müzakirə etməliyik. Çünki əhali narahatdır. Bunu daxil olan müraciətlər də göstərir. Qarşıdakı aylarda belə bir görüşün keçirilmə ehtimalı istisna edilmir. Bu barədə artıq ötən plenar iclasda komitə sədrinə və parlament rəhbərliyinə bildirmişəm. Görüşlə bağlı hələ dəqiq məlumat olmasa da, bunda təkid edəcəyik. Xüsusən də faizlərin aşağı salınması diqqətdə saxlanacaq. Bu indiki məqamda çox önəmlidir".

Beləliklə, istisna olunmur ki, bankların ipoteka kreditləşəməsi ilə bağlı şərtlərinin dəyişdirilməsi istiqamətində müəyyən dəyişikliklər olsun. Əks halda belə vəziyyət bankların özünə də sərf etmir. Çünki ipoteka şərtlərinin ağırlaşması fonunda banklar lazımi qədər kredit verə bilmir və bu onların qazancını azaldır. Daha bir maraqlı proses isə odur ki, son 1 ildə daşınmaz əmlak bir çox alıcılar üçün risqdən qaçma alətinə çevrilib. Bu dövrdə bank sektorundakı mövcud vəziyyət əmanətlərdəki pul vəsaitlərinin daşınmaz əmlak bazarına axmasına səbəb olub. Təkcə yanvar ayında, Mərkəzi Bankın məlumatına əsasən, əmanətlərin həcmi 9 milyard 473,9 milyon manatdan 8 milyard 643,3 milyon manata enib. Bu qədər vəsait, yəni 830,6 manatın əsas hissəsi isə daşınmaz əmlak bazarına axıb. Qarşıdakı aylarda da banklardan daşınmaz əmlak bazarına daha çox vəsait axması proqnozlaşdırılır.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...