Turistlərin Azərbaycanda təhlükəsizliyinə ayrıca qanuni təminat...

Tarix: 01.04.2016 / 02:22
Bölmə: İqtisadiyyat

Ənvər Fərəcov: "Turistlərin təhlükəsizliyinin qanunla tənzimlənməsi və bu işdə dövlətin rolunun artırılması müsbət haldır"

"Azərbaycanda turizmin sürətli inkişafını qarşıya məqsəd qoyuruqsa..."

"Azərbaycanda turistlərin təhlükəsizliyi, eyni zamanda xaricdə səfərdə olan Azərbaycan vətəndaşlarının təhlükəsizliyi, turizm sahəsində zəmanət, turizm sahəsində istehlakçıların sığortalanması məsələləri qanunla tənzimlənəcək".

Bunu Mədəniyyət və Turizm Nazirliyinin Turizm şöbəsinin Planlaşdırma və inkişaf sektorunun müdiri Mahir Qəhrəmanov Milli Məclisin Əmək və sosial siyasət komitəsinin iclasında "Turizm haqqında" yeni qanun layihəsinin ilkin variantının müzakirəsi zamanı deyib.

Turistlərin təhlükəsizliyi məsələsinin çox vacib olduğunu deyən M.Qəhrəmanov bildirib ki, yeni layihəyə Azərbaycan vətəndaşları xaricdə olarkən, yaxud ölkənin müxtəlif ərazilərində turist səfərləri zamanı problemli halların aradan qaldırılması ilə bağlı turistlərin təhlükəsizliyinin təmini, sığortalanması məsələləri öz əksini tapıb.

Nazirlik rəsmisi onu da deyib ki, əsas məsələlərdən biri turistlərin təhlükəsizliyini təmin edən turist marşrutlarının yaradılması, onların pasportlaşdırılmasıdır: "Azərbaycanda mövcud olan qeyri-maddi və maddi abidələr bizə imkan verir ki, ölkəmizi kifayət qədər cəlbedici turizm məkanına çevirmək üçün turist marşrutu yaradaq".

Hazırlanan yeni qanunvericilikdən belə məlum olur ki, turistlərin təhlükəsizliyini dövlət təmin edəcək. Ümumən turistlərin təhlükəsizliyi ilə bağlı məqamların layihədə əks olunmasını ekspertlər necə dəyərləndirir?

Sözügedən məsələ ilə bağlı fikirlərini "Bakı-Xəbər"lə bölüşən ekspert Ənvər Fərəcovun sözlərinə görə, prinsipcə, bu kimi məsələlərin dövlət tərəfindən tənzimlənməsi doğru addımdır: "Bu nəinki Azərbaycanda, dünyanın bir sıra digər ölkələrində də belədir. Digər tərəfdən, son illər dünyada müşahidə olunan terror aktları bu məsələnin aktuallığını artırır. Məsələ ondadır ki, bəzən turistlər də baş verən terror aktlarının qurbanı olur. Elə də olur ki, terrorçular birbaşa turistləri hədəf seçir. Belə ki, dəfələrlə belə hallar baş verib. O baxımdan turistlərin təhlükəsizliyinin qanunla tənzimlənməsi və bu işdə dövlətin rolunun artırılması müsbət haldır. Azərbaycanda turizmin sürətli inkişafını qarşıya məqsəd qoyuruqsa, o baxımdan təhlükəsizliklə bağlı məqamların "Turizm haqqında" yeni qanun layihəsində öz əksini tapması müsbət haldır. Bir şeyi də nəzərə almaq lazımdır ki, təhlükəsizlik deyəndə təkcə ölkəyə gələn turistlərdən söhbət getmir. Burada həm də xaricdə səfərdə olan Azərbaycan vətəndaşlarının təhlükəsizliyi məsələsi də öz əksini tapıb. Belə ki, ölkə vətəndaşları turist qismində digər dövlətlərə gedib-gəlir. Düşünürəm ki, bütün bu məqamlar qanunvericilikdə daha mükəmməl səviyyədə öz əksini tapacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...