İran və Rusiyadan Azərbaycana turist axını dövrü gəlir...

Tarix: 01.04.2016 / 02:37
Bölmə: İqtisadiyyat

Son günlərin ən çox diqqət cəlb edən mövzularından biri də ölkəmizə gələn turistlərin sayında ciddi artımın qeydə alınmasıdır.

Qarşıdan turizm mövsümünün gəlməsi fonunda turistlərin sayında daha çox artım gözlənir. Azərbaycana bu dəfə Rusiya və İrandan turist axınının əvvəlki dövrlərlə müqayisədə daha yüksək olması gözlənir. Əslində, adları çəkilən ölkələrdən artıq Azərbaycana gələnlərin sayında sürətli artım müşahidə olunur. Məsələ ilə bağlı Rusiyanın "travel.ru" saytı yazır ki, Azərbaycan 2016-cı ildə MDB ölkələri arasında rus turistlərin istirahət etmək üçün ən çox seçdikləri ölkədir. Portal yazır ki, ötən il Azərbaycan 2 milyon turist qəbul edib ki, onların da 685 mini Rusiyadandır.

Rusiya mediası onu da vurğulayır ki, 2016-cı ilin aprelində Rusiyadan Azərbaycana uçuşların sayı ötən ilin analoji dövrü ilə müqayisədə 1,4%-dən 2,3%-ə qədər artacaq. Məlumata görə, uçuşların sayındakı artım aviabiletlərin qiymətlərinə də təsir edib. Belə ki, Rusiyadan Azərbaycana aviabiletlərin orta qiyməti 32% azalıb. Qonşu ölkələr olan Gürcüstan və Ermənistana olan aviabiletlərin orta qiyməti isə cəmi 12,5% azalıb. O da bildirilir ki, 2015-ci ilin apreli üçün Rusiyadan Azərbaycan istiqamətində olan aviabiletlərin qiyməti 12103 rubl və ya 200 dollar təşkil edib. 2016-cı ilin aprel ayında isə bu rəqəm 8 227 rubl və ya 120 dollar olacaq. Xatırladaq ki, Rusiyadan Almaniya, İsrail, İtaliya, Çexiya, İspaniya, Fransa, Avstriya, ABŞ, Ukrayna, Böyük Britaniya istiqaməti üçün nəzərdə tutulmuş aviabiletlərin qiymətində artım müşahidə edilib. Məhz bu da rusiyalı turistlərin ölkəmizə axınını şərtləndirən amillərdən sayılır.

Mədəniyyət və turizm nazirinin müavini Nazim Səmədov da qeyd edir ki, bu il Rusiyadan gələn turistlərin sayında artım olub: "Təbii ki, bunun da bir çox obyektiv və subyektiv səbəbləri olub. Biz obyektiv faktorlara əsaslanaraq öz işimizi təşkil edirik. Bildiyiniz kimi, Moskvada bizim rəsmi nümayəndəliyimiz də açılıb və onlar da bu prosesdə fəal şəkildə iştirak edirlər. İndidən artıq Rusiya vətəndaşlarının ölkəmizə axınından danışa bilərik. Əvvəllər ordan-burdan biznes məqsədilə Azərbaycana gələn var idisə, indi sırf səyahət xarakterli səfərlər çoxluq təşkil edir. Bu gün üçün Rusiyadan gələnlərin sayında da artım müşahidə olunur. Ötən ilin statistikasına nəzər salsaq, təxminən 30-40 faiz artım qeydə alınıb. Hər ayın sonu üçün aldığımız statistikaya baxdıqda isə görürük ki, həm say, həm də turizm sənayesindən əldə olunan məlumatlar ölkəmizə turizm marağının geniş olduğunu sübut edir. Biz onlar üçün artıq bahalı istiqamət deyilik. Burda da, təbii ki, subyektiv səbəblər var. Çünki bu gün dünyada hansı proseslərin cərəyan etdiyini hər kəs bilir. Misal olaraq, Rusiya-Türkiyə münasibətlərinin gərginləşməsi, eyni zamanda Avropa ilə təhlükəsizlik problemləri buna əyani sübutdur. Ona görə də çalışırıq ki, bu məsələdə yaranan imkanı lazımınca istifadə edə bilək. Çalışmalıyıq ki, ölkəyə turist axını davamlı olsun". Azərbaycan Turizm Assosiasiyasının rəhbəri Nahid Bağırov isə bildirir ki, Rusiyadan Azərbaycana turist axınının artması təkcə gərginləşən Rusiya-Türkiyə münasibətləri, eləcə də Türkiyə, Misir və Avropada qeyri-sabit vəziyyətlə əlaqədar deyil.: "Son vaxtlar Rusiya bazarında fəallaşmışıq, bu yaxınlarda Rusiyada Azərbaycan Mədəniyyət və Turizm Nazirliyinin rəsmi nümayəndəliyi açılıb və rusiyalı jurnalistlər bizə infotura gəldilər. Bütün bunlar Rusiyadan Azərbaycana turist axınının artmasına müsbət təsir edib".

Onun sözlərinə görə, manatın xarici valyutalara qarşı məzənnəsinin azalması da Azərbaycanın turizm istiqaməti qismində cəlbediciliyini artırıb: "Azərbaycanın restoran və hotellərində qiymətlər xarici valyutaya çevirəndə turistlər üçün daha məqbul olub. Əvvəllər hotellərdə qiymətlər ulduz sayından asılı olaraq 60-300 dollar arasında dəyişirdisə, hazırda qiymət diapazonu 30-150 dollar arasında dəyişir". O diqqətə çatdırıb ki, son vaxtlar MDB-nin digər ölkələrinin, Asiya dövlətlərinin də Azərbaycana marağı artır. Eləcə də İrandan Azərbaycana gələnlərin sayında dinamik artım qeydə alınır. Bu isə qeyri-neft sahəsinin bir hissəsi kimi turizmin Azərbaycana daha çox gəlir gətirməsini şərtləndirir.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...