Əmək qabiliyyətini 15 yaşdan götürsək...

Tarix: 01.04.2016 / 01:46
Bölmə: İqtisadiyyat

Mayis Əliyev: "Azərbaycanda əmək qabiliyyətinin 15 yaşdan etibarən hesablanması təklif olunur"

"Əlilliyi olan adam əmək qabiliyyətinə malikdirsə, aidiyyəti qurumlar tərəfindən müvafiq işlə təmin olunmalıdır"

Azərbaycanda əmək qabiliyyəti 15 yaşdan etibarən hesablanacaq. Belə ki, Milli Məclisin Əmək və sosial siyasət komitəsinin dünən keçirilən iclasında "Sosial sığorta haqqında" Qanuna təklif edilən dəyişiklik layihəsi müzakirəyə çıxarılıb.

Layihə barədə məlumat verən komitə sədri Hadı Rəcəbli bildirib ki, Prezidentin parlamentə təqdim etdiyi layihəyə əsasən, qanunun 14-cü maddəsinə əlavə edilən "Qeyd"də göstərilir ki, "Bu maddənin üçüncü hissəsinin ikinci bəndinin məqsədləri üçün əmək qabiliyyətli şəxslər dedikdə I və II qrup əlillər, həmçinin sağlamlıq imkanları məhdud uşaqlar istisna olmaqla, 15 yaşından "Əmək pensiyaları haqqında" Qanunun 7-ci maddəsi ilə müəyyən edilmiş yaş həddinədək olan şəxslər başa düşülür".

Komitə sədri H.Rəcəbli çıxışı zamanı əlavə edib ki, gələcəkdə bu məsələnin üzərində yenidən çalışmaq lazımdır: "Çünki bu gün Azərbaycanda elə II qrup əlilləri var ki, onların əmək qabiliyyəti imkanları var. Digər qanunda müddəa var ki, əlillərdən 25 nəfərdən biri işlə təmin olunmalıdır. Ona görə də bu kimi məsələdə müəyyən uyğunsuzluq yaranmış olur.

Bu məsələyə yenidən qayıtmaq lazımdır. Çünki qismən əmək qabiliyyətli olan II qrup əlillərə bəzən iş yeri verilir. İndiki halda isə I və II qruplar əmək qabiliyyətli deyil. Bunu da hazırkı qanunvericiliyə ehtiva edirik".

Dəyişiklik layihəsi Milli Məclisin plenar iclasına tövsiyə olunub.

Sosial Hüquqların Araşdırılması İctimai Birliyinin sədri Mayis Əliyev bizimlə söhbətində qeyd etdi ki, əmək qabiliyyətinə malik olan əlillərin işlə təmin olunması əsas problemdir: "II qrup əlillərin, demək olar ki, əksəriyyəti əmək qabiliyyətinə malikdir. Onlar müəyyən işlərdə çalışa bilər. Əmək qabiliyyətinə malik olan əlillərin işlə təmin olunması gündəmə gətirilməlidir".

Həmsöhbətimiz bildirdi ki, əlillərin əmək qabiliyyətinə malik olub-olmaması yoxlanmalıdır: "I və ya II qrup əlilliyi olan adam əmək qabiliyyətinə malikdirsə, aidiyyəti qurum tərəfindən müvafiq işlə təmin olunmalıdır"

Birlik sədrinin sözlərinə görə, Azərbaycanda əmək qabiliyyətinin 15 yaşdan etibarən hesablanması təklif olunur: "Əmək Məcəlləsinə əsasən, əmək qabiliyyəti onsuz da 15 yaşdan etibarən hesablanırdı. Yeni hazırlanan qanunvericilikdə bunu necə və hansı kriteriyalarla müəyyən edəcəkləri bəlli deyil".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...