Yayda Azərbaycana inanılmaz turist axını...

Tarix: 31.03.2016 / 02:26
Bölmə: İqtisadiyyat

Oqtay Haqverdiyev: "Müşahidələr göstərir ki, qarşıdakı mövsümdə ölkəyə turist axını bir qədər də artacaq"

"Azərbaycan xarici turistləri cəlb etmək üçün əlavə tədbirlər görməlidir"

Bu il Novruz bayramı ilə əlaqədar tətil günlərində bölgələrə gələn turistlərin sayı rekord həddə çatıb. Belə ki, tətil müddətində şimal-qərb bölgəsinə gələnlərin sayında əvvəlki illərlə müqayisədə artım qeydə alınıb. Bunların da böyük əksəriyyəti yerli turistlər olub.

Yerli turist sayının çoxluğunda manatın devalvasiyası əsas rol oynayıb. Dolların kursunun yuxarı olması xarici turistlərin də ölkəyə gəlişinə müsbət təsir edib.

Elə bayram günlərində bölgədə Rusiya, Türkiyə, Pakistan, Səudiyyə Ərəbistanı və İran kimi ölkələrin vətəndaşlarına rast gəlmək olardı. Ümumilikdə isə şimal-qərb bölgəsində ən çox turist Qəbələ rayonunda olub. Təqribən 16 min qonaq rayonu ziyarət edib. Turist axınına görə ikinci yeri Şəki tutur. 10 mindən çox turistin ziyarət etdiyi qədim diyarda qonaqlar üçün yaradılan şərait onların zövqünü oxşayıb. Qeyri-rəsmi məlumata görə, bayram günlərində şimal-qərb bölgəsi təqribən 35 min turisti qonaq edib.

Bu bayram cənub bölgəsinə də xeyli turist gəlib. Xüsusən də Lerik rayonuna.

Həmçinin, "Atəşgah" məbədini ziyarət edənlərin sayı artıb. Tarixi tikilinin qonaqları arasında, Şərq ölkələri ilə yanaşı, Avropa, Kanada, Amerika Birləşmiş Ştatlarından gələn turistlər də üstünlük təşkil edir. Paytaxta gələn qonaqlar Bakının gəzməli-görməli yerləri, ən çox da tarixi abidələri ilə tanış olur.

Ölkənin tanınması baxımından xarici turistlərin gəlməsi daha məqsədəuyğundur. Nəzərə alsaq ki, qarşıdan turizm mövsümü gəlir, bu baxımdan qiymətləri yenidən gözdən keçirmək labüddür. Novruz bayramında ölkəyə turist axınının artmasını nəzərə alsaq, qarşıdakı yay mövsümündə Azərbaycana gələn turistlərin sayının çoxalacağını gözləmək olarmı?

Məsələyə münasibət bildirən iqtisadçı-ekspert Oqtay Haqverdiyevin fikrincə, müşahidələr göstərir ki, qarşıdakı mövsümdə ölkəyə turist axını bir qədər də artacaq: "Bunu bir sıra faktorlar şərtləndirir. Məsələ ondadır ki, Azərbaycanda turizm sektoru ilbəil inkişaf edir. Ölkədə turistlərin gəzməsi üçün çoxsaylı mənzərəli yer var. Digər tərəfdən, ölkənin bir sıra bölgələrində turistlər üçün yaxşı infrastruktur yaradılıb. Belə ki, turist cəlb etmək üçün sözügedən amil vacib faktorlardan biri hesab olunur. Yeni-yeni müasir otellər tikilir. Onu da nəzərə almaq lazımdır ki, İran üzərindən sanksiyaların götürülməsi qonşu ölkənin iqtisadiyyatında ciddi canlanmaya səbəb olub. Bunlardan biri də ölkəyə, o cümlədən ölkədən turist axınının güclənməsidir. Eyni zamanda, Türkiyə ilə Rusiya arasında münasibətlərdə yaşanan gərginlik qarşıdakı mövsümdə rus turistlərinin Azərbaycana üstünlük verəcəyini deməyə əsas verir. Düzdür, bu o demək deyil ki, Türkiyəyə üz tutan Rusiya turistlərinin hamısı Azərbaycana gələcək. Ancaq, hər halda, Azərbaycana gələcək Rusiya turistlərinin sayı artacaq. Bütün bunlarla yanaşı, Azərbaycan xarici turistləri cəlb etmək üçün əlavə tədbirlər görməlidir".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...