Aprelin sonunadək manatın bahalaşmasının iqtisadi əsasları...

Tarix: 19.03.2016 / 02:25
Bölmə: İqtisadiyyat

Samir Əliyev: "Manatın məzənnəsinin aprelin sonlarında artacağını proqnozlaşdırmaq çətindir"

"Neft bahalaşmaqda davam edərsə, 50 dolları keçərsə, bu, manata əlavə dəstək verəcək"

Məlum olduğu kimi, ABŞ-ın Federal Ehtiyat Sistemi (FES) əsas faiz dərəcəsini dəyişmədən 0,25-0,50% səviyyəsində saxlayıb. ABŞ Mərkəzi Bankı bunu qlobal iqtisadiyyatda mövcud olan risqlərlə izah edib.

FES-in iclasından sonra keçirdiyi mətbuat konfransında Canet Yellen qeyd edib ki, FES ABŞ iqtisadiyyatı ilə bağlı proqnozunu dekabr ayındakı 2,4%-dən 2,2%-dək azaldıb. Bu qərardan sonra dollar sürətlə ucuzlaşmağa başlayıb. Paralel olaraq neft də bahalaşır. FES-in qərarının Azərbaycana təsirinə gəldikdə isə, gözlənir ki, bu, milli valyutanın məzənnəsinin bir az da güclənməsinə gətirib çıxaracaq. Çünki son günlər manat dollar qarşısında bahalaşmaqda davam edir.

Dünyanın ən çox işlənən iki əsas valyutası olaraq tanınan dollar və avronun məzənnəsinin bundan sonra hansı istiqamətdə dəyişəcəyi getdikcə daha çox maraq doğurur. Belə görünür ki, həm ABŞ, həm də Avropa iqtisadi fəallığı dəstəkləmək üçün dövriyyəyə daha çox vəsait buraxmağı düşünürlər. Bu isə həmin valyutaların məzənnəsinin aşağı düşməsinə gətirib çıxarmaq iqtidarındadır. Qeyd edək ki, ABŞ və Avropa mərkəzi banklarının əlində böyük həcmdə vəsait cəmləşib. Həmin pulların iqtisadiyyatın canlandırılması üçün dövriyyəyə daxil edilməsi gözlənir.

Bütün bunların fonunda belə fikirlər səslənir ki, aprelin sonunadək manat dollar qarşısında bir qədər də bahalaşacaq. Belə fikirlərin səslənməsi nə ilə bağlıdır?

Sözügedən məsələni dəyərləndirən iqtisadçı-ekspert Samir Əliyev buna bir qədər fərqli prizmadan yanaşdı. Onun fikrincə, bu ərəfədə hökumət manatı dəstəkləmək üçün addımlar atmalıdır: "FED-in dünənki qərarı da manata təsir edəcək təzyiqlərin azalması deməkdir. Apreldə növbəti iclas olacaq. Proqnozlar onu göstərir ki, apreldəki iclasda da uçot dərəcəsinin qaldırılması gözlənilmir. Aprelə qədər vaxt var. Amerika iqtisadiyyatında müsbətə doğru dəyişiklik olarsa, apreldə uçot dərəcəsi qaldırıla bilər. Manatın iyun ayına qədər "nəfəs alma" zamanı var. Həmin ərəfədə də hökumət manatı dəstəkləmək üçün addımlar atmalıdır. Manatın məzənnəsinin aprelin sonlarında artacağını proqnozlaşdırmaq çətindir. Manatın məzənnəsinə həm daxili, həm də xarici amillər təsir edir.

Xarici amillər neftlə bağlıdır. FED (Federal Ehtiyat Sistemi) uçot dərəcəsini qaldırmadı. Əgər əksinə proses baş versəydi, uçot dərəcəsi qaldırılsaydı, dollar bahalaşacaqdı. Bu da neftin daha da ucuzlaşmasına şərait yaradacaqdı. Neftin qiymətinin aşağı olması manat üçün təzyiqdir.

Manata olan xarici təzyiq bir müddətdir stabilləşib. Yəni kəskin azalma yoxdur. Neftin qiymətində artım müşahidə olunur, ancaq bu rəqəm manatın möhkəmlənməsinə kifayət etmir.

Manata təsir edən daxili amillər daha çoxdur. Daxili amil ondan ibarətdir ki, ölkədə dollara ehtiyac var. Bu ehtiyacı Mərkəzi Bank və Neft Fondu hərraclar vasitəsilə müəyyən qədər təmin edir.

Yaxın zamanda manatın bahalaşacağını proqnozlaşdırmaq çox çətindir. Neft bahalaşmaqda davam edərsə, 50 dolları keçərsə, bu, manata əlavə dəstək verəcək".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...