MM-in deputatı banklara kreditlərlə bağlı çox optimal tövsiyə verdi

Tarix: 17.03.2016 / 02:32
Bölmə: İqtisadiyyat

Oqtay Haqverdiyev: "Dollarla krediti olanlarla bağlı məsuliyyət üç yerə bölünməlidir"

"Xarici valyuta ilə kredit götürənlər banka borclarının əsas hissəsini ödəsələr, vəziyyət daha yaxşı olar"

2015-ci ildə manatın xarici valyutaya nisbətən məzənnəsinin aşağı düşməsi dollarla kredit götürənlərin sosial durumunu çətinləşdirdi. Dollarla kredit götürənlər məlum devalvasiyadan sonra aylıq ödənişlərini yeni məzənnə ilə ödədilər.

Nəticədə dollarla kredit götürənlər aylıq ödənişi etməkdə çətinlik çəkdilər. Hətta bəzi kredit götürənlər ödəniş edə bilmir. Belə olan halda, problemli kreditlərin həcmi artır.

Ekspertlər və millət vəkilləri tərəfindən dollarla kredit götürənlərin sosial durumunun yüngülləşdirilməsi istiqamətində müxtəlif fikirlər səslənir.

Millət vəkili Fərəc Quliyev parlamentin ötən iclasında bildirib ki, ötən il kredit götürənlərin hüquqlarının qorunması ilə bağlı, demək olar ki, heç bir addım atılmayıb: "Halbuki, bunun üçün bütün imkanlar var idi. Manatın 48%-lik devalvasiyası Mərkəzi Bankın sərəncamında olan rəsmi valyutanın həcminin manat ekvivalentində artmasına səbəb olub. Həmin vəsaitdən kredit götürənlərin hüquqlarının qorunmasına sərf oluna bilərdi, amma sərf olunmadı. 21 fevral devalvasiyasından öncə dollarda kredit götürənlərin borc öhdəliyi iki dəfə artıb. Bu o deməkdir ki, bir il əvvəl 10 min dollar kredit götürən şəxs faizlərlə birlikdə banklara 20 min 800 manat ödəməlidir. Bu, manat ifadəsində borcun 2 dəfədən çox artması deməkdir. Devalvasiya nəticəsində əhaliyə dəyən ziyanı kompensasiya etmək üçün hökumət heç bir addım atmadı. İndi də bu addımların atılması gözlənilmir. Bu isə banklara sərf edir. Fikrimcə, proseslərin bu cür davam etməsi doğru deyil, narazılığı aradan qaldırmaq üçün tədbirlər görülməlidir. Mən təklif edirəm ki, əhaliyə kömək məqsədilə birinci mərhələdə əsas borclar, sonra faizlər, daha sonra isə cərimələr ödənilsin".

Kreditlərin əsas məbləğinin ödənilməsi ilə bağlı fikir bildirən iqtisadçı-ekspert Oqtay Haqverdiyev bizimlə söhbətində qeyd etdi ki, dollarla kredit götürənlərin maddi durumu ağırlaşıb: "Bununla bağlı bəzi təkliflər səslənir. Başa düşürük ki, hər kəs xalqı düşünür. Amma onu da unutmaq lazım deyil ki, devalvasiyanın yaradıcısı hökumət deyil. Neftin qiymətinin düşməsi və dünyada baş verən iqtisadi proseslər bizim ölkəyə də təsir etdi. Bu ziyanı hər kəs yaşayır".

İqtisadçı təklif edir ki, dollarla krediti olanlarla bağlı məsuliyyət üç yerə bölünməlidir: "Məsuliyyətin bir hissəsini kredit götürən daşımalıdır, digər hissəsini bank, yerdə qalanı isə hökumətin üzərinə düşür. Kredit götürən bilmirdi ki, bir ildən sonra böhran yaranacaq və o ziyana düşəcək. Kredit götürənin günahı yoxdur ki, o, bir il öncə 1000 manat götürdüyü krediti 2000 manat dəyərində geri qaytarsın. Bu ədalətsizlikdir.

Belə bir fikir də səslənir ki, banklar krediti bağışlamalıdır. O zaman banklar müflis olacaq".

İqtisadçının fikrincə, xarici valyuta ilə kredit götürənlər banka borclarının əsas hissəsini ödəsələr, vəziyyət daha yaxşı olar.

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...