Dünya Bankından Azərbaycanda dollar kreditləri ilə bağlı çox ilginc təklif...

Tarix: 17.03.2016 / 01:07
Bölmə: İqtisadiyyat

Rəsul Cahangirli: "Hazırkı şəraitdə məsuliyyətin bölünməsi ən optimal çıxış yoludur"

"Biz istəyiriksə problem tezliklə öz həllini tapsın, o zaman bu yolla problemin həllini sürətləndirməliyik"

Azərbaycanda dollar kreditləri ilə bağlı məsuliyyət kreditləşmə prosesində iştirak edən bütün tərəflər arasında bərabər bölüşdürülməlidir. Milli valyutanın devalvasiyasının bu sahəyə yetirdiyi zərər kreditləşmənin iştirakçısı olan üç tərəf - kreditor (bank və s.), kredit alan və dövlət arasında bərabər paylanmalıdır.

Bunu açıqlamasında Dünya Bankının Azərbaycandakı Nümayəndəliyinin rəhbəri Larisa Leşçenko deyib. Onun sözlərinə görə, bu prosesdə kredit götürən də mütləq qaydada məsuliyyətin bir hissəsini öz üzərinə götürməlidir: "Çünki məzənnənin uzun müddət sabit olmasının yaratdığı əminliyə baxmayaraq, vətəndaşlar uzunmüddətli gəlir profillərinə diqqətlə yanaşmalı və mümkün risqləri nəzərə almalı idilər. Banklara gəldikdə isə, onlar son illər yüksək faiz dərəcələrindən faydalanıb və indi də öz müştərilərinə güzəşt etməyi nəzərdən keçirə bilər".

Dövlətin də dollar krediti sahiblərinə yardım etməsinin zəruriliyi DB-nin Bakı ofisinin rəhbəri tərəfindən xüsusi vurğulanıb.

Bütövlükdə, səslənən təklif hazırkı dönəmdə aktualdır. Çünki manatın birinci devalvasiyasından sonra banklarda dollar krediti olan şəxslər ümumilikdə 1.7 milyard manat ziyana düşdülər. Bu rəqəm ikinci devalvasiyadan sonra bir qədər də artdı. Xüsusilə ikinci devalvasiyadan sonra bu özünü daha qabarıq göstərməyə başladı. O səbəbdən müxtəlif təkliflər səslənməyə başladı. Bir ara bildirildi ki, dekabrın 21-də baş verən devalvasiyadan sonra 10 min dollara qədər borcu olan şəxslər borcunu əvvəlki kursla qaytaracaq. Amma bir müddət sonra bildirildi ki, güzəştlər yalnız 5 min dollara qədər borcu olan şəxslərə tətbiq ediləcək. Sonra nədənsə bu məsələdə bir süstlük yarandı. Yəni hansısa real təkliflər paketi ortaya qoyulmadı. Düzdür, müstəqil ekspertlər tərəfindən müxtəlif təkliflər səsləndirilir, amma rəsmi səviyyədə hansısa qərar qəbul olunmayıb. İstənilən halda, hər üç tərəfin məsuliyyəti öz üzərinə götürməsi optimal variant sayıla bilərmi?

Məsələyə münasibət bildirən ekspert Rəsul Cahangirlinin sözlərinə görə, hazırkı şəraitdə bu ən optimal variant sayıla bilər: "Çünki vəziyyət elə kritikdir ki, tərəflərdən yalnız birinin məsuliyyəti öz üzərinə götürməsi məqsədəuyğun deyil. O baxımdan hazırkı şəraitdə məsuliyyətin bölünməsi ən optimal çıxış yoludur. Hesab edirəm ki, bu minvalla problemi həll etmək olar. Banklara kredit borcu olan vətəndaşlarla bağlı yaranan problemin məsuliyyətini üç tərəf çəkməlidir. Müştəri, bank və dövlət birgə şəkildə problemin həllinə çalışmalıdır və ödənilməli borcu müvafiq olaraq bölməlidir. Bu ən ədalətli çıxış yolu sayıla bilər.

Bu qərardan müştəri də razı qalacaq. Çünki dövlətin və bankın da bu məsələyə qarışdığını görəcək. Biz istəyiriksə problem tezliklə öz həllini tapsın, o zaman bu yolla problemin həllini sürətləndirməliyik. Buna uyğun həll mexanizmi ortaya qoyulmalıdır. Nəticədə kredit problemi olan insanların bununla bağlı narahatlığı azalacaq. Bu, iqtisadi aktivliyə də müsbət təsir edə bilər".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...