"Halal otellər" şəbəkəsi Azərbaycanda...

Tarix: 12.03.2016 / 01:35
Bölmə: İqtisadiyyat

Bahadur Bilalov: "Dünyada "halal turizm" növünə tələbat ildən-ilə artmaqdadır"

"Otelin ulduzunun sayından asılı olmayaraq, ona "halal" adı verilərsə, dünyanın istənilən ölkəsində yaşayan müsəlmanlar istirahət üçün bura gələr"

"Halal turizm" - yeni, intensiv inkişaf edən turizm sahəsidir. Dünyada fərqli dini etiqadlar və inanclar var ki, bu dinlərin sahibləri min illər boyu birlikdə sülh və əmin-amanlıq içində yaşayıb. Bununla bərabər bu inancların hər biri həyatın fərqli sahəsində insanların davranışını yönləndirən özünəməxsus etik normaları ilə fərqlənir.

Təyin olunan bu etik normalar insanların günlük həyatında davranışları ilə bərabər, onların ictimai yerlərdə, o cümlədən tətil məkanlarında yaşayış və istirahət normalarını da müəyyən edib. Ümumbəşəri dəyərləri özündə ehtiva edən islam dini də müsəlmanların istirahət normalarını təyin edib. Halal turizm insanlara səviyyəli istirahət təklif edir. Günümüzdə öz dini-islami inancına görə tətil yaşamaq istəyən hər kəsə bu imkan yaradılıb. Müsəlman ölkələrinin, demək olar ki, əksəriyyətinin "halal turizm" sahəsi mövcuddur.

Qeyd edək ki, bu günlərdə Tailandda ölkənin əsasən müsəlman turistlər üçün nəzərdə tutulan ilk "halal otel"i istifadəyə verilib. "Al-Meroz" mehmanxanası Banqkokun müsəlmanların çoxluq təşkil etdiyi Ramxamxaenqe rayonu ərazisində yerləşir. Yeni oteldə 242 nömrə var və hələ ki, otelin müsəlman müştəriləri ümumi ziyarətçilərin təqribən 50 faizini təşkil edir.

Otel menecmenti tez bir zamanda Azərbaycan, Qazaxıstan və Özbəkistan kimi ölkələrdə səfər təqdimatları keçirməyi planlaşdırır.

Mehmanxanaya "halal sertifikatı" BƏƏ-nin "Gulf Halal Center" təşkilatı tərəfindən verilib.

Müsəlman ölkəsi olaraq Azərbaycanda da belə bir otel açıla bilər. Müsəlman turistləri cəlb etmək üçün ölkəmizdə "halal otel"in açılmasına ekspertlər necə yanaşır?

Turizm sahəsi üzrə ekspert Bahadur Bilalov "Bakı-Xəbər"ə açıqlamasında bildirdi ki, müsəlman ölkələrində "halal" və ya dini qaydalara riayət edən otellər mövcuddur: "Pakistanda olarkən belə bir hal müşahidə etdim. Deməli, orada olan otellərin, demək olar ki, əksəriyyəti sırf müsəlman turistlər üçün nəzərdə tutulub. O tipli otellərdə qiblənin istiqaməti göstərilir, hər bir otaqda Quran kitabı qoyulub. Dinə bağlı insanlar təbii ki, bu cür otellərə üz tutacaq".

Həmsöhbətimiz hesab edir ki, turist cəlb etmək üçün belə bir addımı atmaq olar. Otelin ulduzunun sayından asılı olmayaraq, ona "halal" adı verilərsə, dünyanın istənilən ölkəsində yaşayan müsəlmanlar istirahət üçün bura gələr.

B.Bilalovun sözlərinə görə, son illər dünya turizm sektoruna uğurla daxil olmağı bacaran bu alternativ turizm növünə tələbat da ildən-ilə artmaqdadır: "Təsadüfi deyil ki, ötən il dünya turizm bazarı orta hesabla 3,8 faiz böyüdüyü halda, islami turizm bazarı 4,8 faiz böyüyüb. Bu sahədə öz dinamik inkişaf tempinə görə Malayziya, Türkiyə, Səudiyyə Ərəbistanı, Sinqapur və digər ölkələr seçilir və müsəlman turistlərin ən çox seçdiyi məkanlara çevrilib".

Həmsöhbətimiz bildirdi ki, dünya təcrübəsi göstərir ki, hər bir insanın özünəməxsus istirahətetmə düşüncəsi var: "Bu biznes inkişaf etdikcə sahibkarlar da qazanacaq. Çünki bu turizm potensialı bizdə var. Bu potensialdan istifadə edərək həmin şəraiti sahibkarlar yaratmalıdır. Belə olan təqdirdə vətəndaşların axını baş verəcək. Hətta bizdə "halal turizm"in xidmətlərini tələb edən vətəndaşlar çoxluq təşkil edir. Yəni bu gün ölkəmizdə "halal turizm" kontingenti kifayət qədərdir.

Amma turizm obyektləri konkret olaraq istiqamətləşmə etməlidir. Çünki bu gün bəzi otellər qonaq qəbulu ilə yanaşı, aviabilet satışlarını da həyata keçirir. Amma dünya təcrübəsinə əsasən, "halal turizm"in inkişafı üçün turizm mərkəzləri konkret istiqamətlənməlidir".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...