Maşın bazarında daha böyük ucuzlaşma başlayır...

Tarix: 12.03.2016 / 02:21
Bölmə: İqtisadiyyat

Avtomobil bazarında son vəziyyət burada hələ də aktivlyin aşağı həddə olduğunu göstərir. Belə vəziyyət isə maşınların qiymətinin azalması ilə müşayiət olunur. Ümumiyyətlə, bazarda avtomobillərə tələbatın azalması ötən ilin əvvəlindən başlanıb. O zaman avtomobillərin kreditlə satışına qarşı Mərkəzi Bank tərəfindən sərt tələblər qoyuldu və avtomobil kreditləri dayandırıldı.

"Avro-4" standartlarının tətbiqi isə ölkəyə ucuz avtomobillərin gətirilməsinə problem yaratdı. Bunun ardınca devalvasiya və neftin qiymətinin aşağı düşməsi də bazara təsir etdi.

Hazırda satıcılar alıcı sayının çox az olmasından narazılıq edir.

Bazarda daha bir maraqlı məqam isə odur ki, əvvəl avtomobillərin kreditlə satışına maraq yox idisə və banklar buna getmirdisə, indi kreditlə satış təklifləri çoxalıb. Bazardakı durğunluğu bu yolla aradan qaldırmağa çalışan satıcılar 25-30%-lik ilkin ödənişlə kreditləşmə təklif edirlər. Proqnozlara görə, işlənmiş avtomobillərin qiymətləri düşməkdə davam edəcək. Çünki öz maşınını satmaq istəyən çoxdur, alıcılar isə azalıb. Bunun nəticəsində ötən ay ikinci əl avtomobil bazarında yenidən ucuzlaşma baş verib. Avtomobil ekspertləri bildiriblər ki, yanvar ayı ilə müqayisədə fevralda qiymətlər yenidən ucuzlaşmaqda davam edib. Alıcı azlığı qiymətləri 10 % də aşağı salıb. Digər tərəfdən, manatın ucuzlaşmasından sonra gəlirləri azalan əhalinin avtomobilə münasibəti də dəyişib. İri mühərrikli, ehtiyat hissələri baha olan, çox yanacaq işlədən avtomobilləri, demək olar ki, alan yoxdur. Məsələn, 2006-cı ilin "Lexus LX350" modeli 21-22 min manata satılırdısa, hazırda bu avtomobil 13-14 min manata təlif edilsə də, alan yoxdur. Nəticədə 2004-cü il model "Lexus LX 330" avtomobili bir ay ərzində 14 min manatdan 11 min manata kimi ucuzlaşıb. İri mühərrikli modellər sırasında "Mitsubishi"lərin də qiymətləri enməkdə davam edir. Məsələn, 2015-ci il model 3.8L mühərrikli "Mitsubishi Pajero" 38 500 dollardan 35 min dollara qədər ucuzlaşıb. Avtomobillərin ucuzlaşması, bazarla yanaşı, elektron satışlarda da müşahidə edilir. Belə ki, avtomobil elanı saytlarında da qiymətlərdə ucuzlaşma gözə dəyir. Alsat.az saytının rəhbəri Vaqif Hüseynov "fins" portalına bildirib ki, hər gün 500-dən çox avtomobil elanı yerləşdirilsə də, alıcı tapılmır. Nəticədə "Lexus"dan "Nissana" qədər bütün avtomobillər fevral ayında ucuzlaşmaqda davam edib. Məsələn, yanvar ayında 2011-2013-cü il model "Hyundai ix35" modeli 15 min dollara satılırdısa, hazırda son qiymət 8 min dollar təşkil edib. "Nissan" modelləri isə 4 min manata kimi ucuzlaşıb. Satıcılar bildirir ki, hazırda daha çox alınan avtomobillər 5-15 min manatlıq "Mercedes"lər,"VAZ" və köhnə"Opel"lərdir. Bu da həmin avtomobillərin və ehtiyat hissələrinin ucuz başa gəlməsi, daha davamlı olması ilə bağlıdır. Avtomobil ekspertləri bildirir ki, qiymətlərdə ucuzlaşma son deyil. Belə ki, mart ayında dolların yenidən bahalaşmağa başlaması və Novruz bayramı ilə əlaqədar bazar uçuruma doğru irəliləməkdə davam edəcək. Ekspertlər hesab edir ki, belə vəziyyətdə insanlar daha ehtiyyatlı davranmağa çalışır. Yəni avtomobil almaq istəyənlər əl saxlayır, pulu dollara çevirməyə başlayırlar. Nəticə etibarı ilə, qeyd olunduğu kimi, avtomobillərin ucuzlaşması davam edir. Mütəxəssislərin fikrincə, avtomobillərin ucuzlaşması dünyada maliyyə böhranı başa çatana qədər davam edəcək. Bu müddətdə dünyanın avtomobil istehsalçıları istehsalı kəskin azaldacaq. Yalnız böhranın təsirləri başa çatandan sonra avtomobil təklifinin aşağı düşməsi ucuzlaşmanı dayandıra bilər. Bu, nəticədə yerli bazara da öz təsirini göstərəcək.

Bundan başqa, manatın ucuzlaşması avtomobillərin qiymətləri ilə yanaşı, onların ehtiyat hissələrinin və təmir xərclərinin də artmasına təsir göstərir. Bütün bunlar isə avtomobil satışında durğunluqla müşayiət olunur. Ekspertlər qeyd edir ki, hazırda yaşanan durğunluq avtomobilləri daha da ucuzlaşdıra bilər. Əsas gözləntilər isə odur ki, avtobazarın daralması və eyni zamanda idxalın azalması tendensiyası davam edəcək. İlin sonuna qədər və hətta 2017-ci ildə avtomobil bazarında durğunluq daha da dərinləşə bilər. Lakin ucuzlaşmadan sonra maşın bazarında aktivliyin yenidən arta biləcəyi istisna olunmur. Bu səbəbdən ekspertlər maşın alışı üçün indi daha əlverişli məqamın olduğunu bildirir.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...