Azərbaycan banklarına sonuncu beynəlxalq reytinq təyinatı çox mübahisəli qarşılandı...

Tarix: 11.03.2016 / 01:55
Bölmə: İqtisadiyyat

Günel Fərhadqızı: "Ölkənin reytinqi ilə ayrı-ayrı bankların reytinqini qarışdırmaq olmaz"

"Fitch"in hesabatının bir hissəsini obyektiv saysaq da, ümumən ölkənin reytinqini aşağı salmaqla bağlı əsaslandırmasını düzgün saymıram"

"Fitch" beynəlxalq reytinq agentliyi "Azərbaycan Beynəlxalq Bankı" (ABB) və "Paşa Bank" ASC-nin uzunmüddətli emitentin defolt reytinqini (İDRs) müvafiq olaraq "BB" və "BB-" səviyyəsində təsdiq edib. Bununla yanaşı, agentlik "Accessbank"ın uzunmüddətli emitentin defolt reytinqi isə "BBB-"dan "BB+"a endirilib.

"Fitch" hər üç bankın reytinqi üzrə proqnozu "neqativ" olaraq açıqlayıb. Agentlik adıçəkilən bankların reytinq dərəcəsini Azərbaycanın suveren reytinqini əsas tutaraq qiymətləndirdiyini bildirib. Qeyd edək ki, "Fitch" 2016-cı il fevralın 26-da Azərbaycanın suveren reytinqini "BB+"ə endirib.

ABB-nin reytinqinin "BB" səviyyəsində təsdiq edilməsi hökumətin banka lazımi dəstək göstərməsini əks etdirir. Belə ki, hökumətin ABB-yə 3 mlrd. manat maliyyə yardımı 2016-cı ilin yanvarında başa çatıb. Səhmdarların isə nizamnamə kapitalını 500 mln. manat artırmağı planlaşdırdığı bildirilib və bundan sonra Maliyyə Nazirliyinin bankdakı payının 51,1%-dən 80%-dək yüksələcəyi ehtimal edilir.

"Accessbank"ın reytinqinin "BBB-"dən "BB+"a, dəstək reytinqinin isə "2"dən "3"ə azaldılmasını agentlik Azərbaycanın suveren reytinqinə uyğunlaşdırdığını, bankın valyuta risqlərinin artdığını, beynəlxalq maliyyə institutları tərəfindən dəstəyin nə dərəcədə veriləcəyi əsasında bankın gələcək reytinqinin formalaşacağını qeyd edib.

"Paşa Bank"ın kredit reytinqini "BB-" səviyyəsində təsdiq edən "Fitch" bildirib ki, bank sistem əhəmiyyətli və "Kapital Bank" ASC ilə yaxın əlaqələrdə olduğu üçün hökumət tərəfindən dəstəklənməsi ehtimal edilir. Bankın 2015-ci ilin ilk yarısının yekunlarına görə ölkə üzrə məcmu bank depozitlərinin 8,1%-nə, kreditlərin isə 3,2%-nə sahib olduğu qeyd edilib.

Qeyd edək ki, nüfuzlu maliyyə qurumunun reytinq göstəricisində dövlətin dəstəyi ilə bağlı göstərdiyi meyarda bir qədər ziddiyyətli məqamlar var. Çünki bundan əvvəlki tövsiyələrində sözügedən qurum indiki iradının tamamilə fərqli aspektini söyləyirdi. Yəni konkret olaraq bankların dövlətdən asılılığını minimuma endirməyə tövsiyə edirdi. "Fitch"in bu ziddiyyətli açıqlaması nə ilə bağlıdır?

İqtisadçı Günel Fərhadqızı qəzetimizə açıqlamasında bildirdi ki, bəzi maliyyə qurumları doğrudan da özləri-özlərini təkzib edir: "Ölkənin reytinqi ilə ayrı-ayrı bankların reytinqini qarışdırmaq olmaz. Banklara münasibət tamamilə fərqli olmalıdır. Çox maraqlıdır ki, əsaslanmada dövlətin banklara verdiyi dəstəyin zəifliyi qeyd edilir. Əvvəl isə bankların dövlətdən müəyyən mənada asılılığı xatırlanırdı. Əslində isə Azərbaycanda banklara böyük dəstək verilir. Yəni söhbət hökumətin verdiyi dəstəkdən gedir. Bir faktı da nəzərə almaq lazımdır ki, indiki vəziyyətdə banklara güvənin artırılması ön planda durur. Çünki bir ilin içində iki dəfə manatın devalvasiyaya uğraması həm banklara olan inamı azaltdı, həm də verilən kreditlərin geri qaytarılmasını yubadır. Etiraf etmək lazımdır ki, banklara belə durumda kömək lazımdır. Azərbaycan dövləti bu qayğını göstərir və göstərəcək də. Bu baxımdan da "Fitch"in hesabatının bir hissəsini obyektiv saysaq da, ümumən ölkənin reytinqini aşağı salmaqla bağlı əsaslandırmasını düzgün saymıram".

Məhəmmədəli QƏRİBLİ

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...