Azərbaycanın turizm potensialı BMT-nin də diqqətini çəkdi...

Tarix: 08.03.2016 / 02:37
Bölmə: İqtisadiyyat

Fərman Novruzlu: "BMT-ni bu məsələdə maddi-mədəni irsə turizm marağı daha çox cəlb edir"

"Azərbaycan istənilən aspektdən turizmin inkişafı üçün cəlbedicidir"

Azərbaycan Respublikasının Prezidenti İlham Əliyev martın 5-də BMT-nin Dünya Turizm Təşkilatının baş katibi Taleb Rifainin başçılıq etdiyi nümayəndə heyətini qəbul edib.

Dünya Turizm Təşkilatının baş katibi Taleb Rifai ölkəmizə ötən səfərlərini və həmin səfərlər çərçivəsində Prezident İlham Əliyevlə görüşlərini xatırlayıb, bu görüşlər zamanı müzakirə olunan bir çox məsələlər, o cümlədən vizaların verilməsi, aşağı büdcəli uçuşların həyata keçirilməsi ilə bağlı işlərin Azərbaycan Respublikası Prezidentinin rəhbərliyi ilə uğurla həyata keçirilməsini məmnunluqla qeyd edib. Qonaq hər səfərində şəhərimizin gözəlliyinin onda xoş təəssürat yaratdığını deyib.

BMT-nin Dünya Turizm Təşkilatının baş katibi Taleb Rifai ilə keçirdikləri görüşləri məmnunluqla xatırlayan dövlətimizin başçısı Azərbaycanda turizmin inkişafına göstərdiyi dəstəyə görə ona minnətdarlığını bildirib, qonağın verdiyi məsləhətlərin bu baxımdan önəmini qeyd edib.

Görüşdə Azərbaycanda turizm xidmətlərinin genişləndirilməsi, turizmin iqtisadiyyatın digər sahələri ilə əlaqələndirilməsi, ölkəmizdə turizm infrastrukturunun daha da inkişaf etdirilməsi ilə bağlı məsələlər ətrafında fikir mübadiləsi aparılıb.

Qeyd edək ki, son vaxtlar beynəlxalq aləmin Azərbaycanın turizm potensialına marağı artıb. Məhz bunun nəticəsi idi ki, Mədəniyyət və Turizm Nazirliyinin Azərbaycanın turizm imkanlarının Rusiyada tanıdılması, təbliğat və təşviqat kampaniyasının aparılması məqsədilə Azərbaycanın Rusiyada turizm nümayəndəliyinin fəaliyyətə başlamasına dair qərar qəbul olunub. Bu məqsədlə Mədəniyyət və Turizm Nazirliyi ilə Moskva şəhərində fəaliyyət göstərən "Tur A Vent" şirkəti arasında müqavilə imzalanıb.

Müqaviləyə uyğun olaraq, şirkət tərəfindən 2017-ci ilin fevral ayınadək marketinq planı hazırlanıb və nazirlik tərəfindən təsdiq edilib.

Bu nümayəndəliyin fəaliyyəti nəticəsində, Azərbaycan turizminin marketinq strategiyasına uyğun olaraq, prioritet ölkələrdən hesab olunan Rusiyada təbliğat işinin gücləndirilməsi olduqca vacibdir və nümayəndəliyin əsas fəaliyyəti bundan ibarət olacaq.

2016-cı il 24 fevral tarixində Moskva şəhərində turizm nümayəndəliyinin rəsmi açılışı da olub. Tədbirdə Azərbaycan Respublikası Mədəniyyət və Turizm Nazirliyinin rəsmi nümayəndə heyəti ilə yanaşı, Azərbaycanın Rusiyadakı səfiri Polad Bülbüloğlu, Rusiyada yaşayan Azərbaycan diasporunun fəalları, Azərbaycan və Rusiya turizm şirkətləri və mehmanxanalarının, həmçinin hər iki ölkənin KİV nümayəndələri iştirak edib.

Beynəlxalq aləmin Azərbaycanın turizm potensialına göstərdiyi diqqət nə ilə bağlıdır?

Turizm üzrə mütəxəssis Fərman Novruzlu qəzetimizə açıqlamasında bildirdi ki, Azərbaycanda turizm daim prioritet sahələrdən olub. Bu sahənin inkişaf etdirilməsi üçün ölkəmizin əlverişli coğrafi mövqeyi, gözəl təbiəti yaxşı imkanlar yaradır. Xüsusilə də dünyadakı iqtisadi böhranın mövcud olduğu indiki zamanda turizm sahəsi yeni iş yerlərinin yaradılması, ölkəyə maliyyə axınının təmin edilməsi və digər məsələlər baxımından əhəmiyyətlidir. Bu, məsələnin Azərbaycana olan xeyridir. Təbii ki, Azərbaycandakı turizm potensialı beynəlxalq aləmin, xüsusilə də BMT kimi mötəbər təşkilatın diqqət mərkəzindədir. Bunun bir çox səbəbləri var. Azərbaycan Şərq və Qərb sivilizasiyalarının qovuşduğu bir məkandır. Çox qədim tarixi irsə malikdir. Burada nadir sayılan tarixi abidələr mövcuddur. Ölkəmiz eyni zamanda tolerantlıq məkanı kimi də turistləri cəlb edir. Azərbaycanda dəniz və gözəl iqlim var ki, bunlar da turizmin cəlbində əsas vasitədir. Bizim ölkənin turizm infrastrukturu da yaxşı inkişaf edib. Yaxşı istirahət mərkəzləri və otellərimiz var. BMT-ni bu məsələdə maddi-mədəni irsə turizm marağı daha çox cəlb edir. Azərbaycan istənilən aspektdən turizmin inkişafı üçün cəlbedicidir. Hesab edirik ki, bundan sonrakı dönəmlərdə Azərbaycanda turizm sürətlə inkişaf edəcək".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...