Macarıstan-Azərbaycan qeyri-neft əməkdaşlığı yeni mərhələyə çıxır

Tarix: 08.03.2016 / 01:54
Bölmə: İqtisadiyyat

Zakir Əhmədov: "Azərbaycanla Macarıstan arasında qeyri-neft sektorunun birgə inkişaf perspektivi böyükdür"

"İki ölkə arasında birgə dərman istehsalı gözlənir"

Məlum olduğu kimi, Macarıstanın baş naziri Viktor Orban böyük nümayəndə heyəti ilə martın 6-da Azərbaycanda səfərdə oldu. V.Orban əvvəlcə Azərbaycan Prezidenti İlham Əliyevlə təkbətək görüşdü. Daha sonra görüş nümayəndə heyətlərinin iştirakı ilə davam etdi. Görüşdə ikitərəfli münasibətlərin müxtəlif sahələr, o cümlədən siyasi, iqtisadi və digər sahələrdə uğurlu inkişafından danışıldı.

Bununla yanaşı, Orban Azərbaycanı Macarıstanın strateji tərəfdaşı adlandırdı. İlham Əliyev isə, öz növbəsində, Avropa İttifaqı çərçivəsində öz ölkəsinin maraqlarını qoruduğuna görə Macarıstanın baş nazirinin gördüyü işləri dəstəklədi. Görünən odur ki, rəsmi Bakı Şərqi Avropa ölkələri içərisində Macarıstanla əməkdaşlığı genişləndirməkdə maraqlıdır. Danışıqlar o qədər səmimi atmosferdə keçdi ki, hətta hər iki ölkənin nazirləri arasında futbol yarışı da keçirildi. V.Orban hər il dövlət başçıları səviyyəsində görüşməyi təklif etdi. Bu, iki ölkə arasında siyasi, iqtisadi və ticarət əlaqələrinin genişləndirilməsi baxımından vacib şərtdir.

Macarıstan baş nazirinin Bakıya səfərinin konkret nəticələri də var. V.Orbanı Bakıda müşayiət edən Macarıstanın xarici işlər və ticarət naziri Piter Siyarto bildirdi ki, iki ölkə arasında iqtisadi-ticari əlaqələri genişləndirmək məqsədilə Macarıstanın "Eximbank"ı tərəfindən biznes əlaqələrinin inkişafı üçün 200 milyon dollar həcmində kredit xətti açılıb. Bu kredit xətti iqtisadiyyatın 5 sahəsi üzrə fəaliyyət göstərən şirkətlərə təqdim olunacaq. Digər tərəfdən, P.Siyartonun sözlərinə görə, İran üzərindən sanksiyaların aradan qaldırılmasından sonra bu ölkədə biznes mühiti daha əlverişlidir. Ona görə də Macarıstan və Azərbaycan şirkətlərinin İranda birgə fəaliyyəti imkanları müzakirə edildi. Bu cür əməkdaşlıq formulu hər 3 ölkənin xeyrinədir.

Ümumən iki ölkə rəsmiləri arasında keçirilən görüşlər zamanı bir sıra ikitərəfli müqavilələr imzalandı. Bütövlükdə, Azərbaycanla Macarıstan arasında qeyri-neft sektoru üzrə əməkdaşlıq perspektivlərini ekspertlər necə dəyərləndirir?

Məsələyə münasibət bildirən ekspert Zakir Əhmədovun fikrincə, iki ölkə arasında əldə olunan bir sıra razılaşmalar məhz qeyri-neft sektorunun inkişafını özündə ehtiva edir: "Məsələ ondadır ki, əldə olunan razılaşmaya əsasən, Macarıstanın "WizzAir" avişirkəti yenidən Budapeşt-Bakı-Budapeşt marşrutu üzrə uçuşlar həyata keçirəcək. Belə ki, bir müddət əvvəl həmin reys bağlanmışdı. Sözügedən şirkətin təklif etdiyi paketlər daha sərfəlidir. Qeyri-neft sektoruna aid olan sahələrdən biri də iki ölkə arasında birgə dərman istehsalı təşəbbüsüdür. Şərqi Avropa ölkələri arasında Macarıstanın dərman istehsalı ilə məşğul olan şirkətləri fərqlənir. O üzdən, iki ölkə birgə dərman istehsal etmək istəyir. Nəzərə almaq lazımdır ki, hazırda Azərbaycana Macarıstanda istehsal olunan 135 adda dərman idxal edilir. İki ölkə arasında razılaşmadan sonra həmin dərmanlar Azərbaycanda istehsal oluna bilər. Həmçinin, iki ölkə arasında kənd təsərrüfatı sahəsində də əməkdaşlıq imkanları genişdir. Azərbaycan öz kənd təsərrüfatı məhsullarını Avropa bazarına çıxarmaq istəyir. Həm keyfiyyətli məhsulların yetişdirilməsi, həm də onların Avropa bazarına çatdırılmasında Macarıstan Azərbaycana zəruri məsləhətlər verə bilər. O baxımdan, Azərbaycanla Macarıstan arasında qeyri-neft sektorunun birgə inkişaf perspektivi böyükdür".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...