Mərkəzi Bankın səlahiyyətlərinin Palataya verilməsi nə deməkdir?

Tarix: 05.03.2016 / 02:01
Bölmə: İqtisadiyyat

Samir Əliyev: "Qarşılıqlı nəzarət baxımından yeni palatanın yaradılmasını müsbət addım hesab edirəm"

"Hüquqi formasının necə olmasından asılı olmayaraq, MB funksiyasında olan qurumlar pul-kredit siyasətini həyata keçirir"

Məlum olduğu kimi, Azərbaycan Mərkəzi Bankının səlahiyyətlərinin bir qismi alınaraq yeni yaradılmış Maliyyə Bazarlarına Nəzarət Palatasına verilir. Bununla bağlı Milli Məclisin Hüquq siyasəti və dövlət quruculuğu komitəsinin dünən keçirilən iclasında Mülki Məcəlləyə dəyişiklik edilib.

Dəyişikliyə əsasən, Məcəllənin 986-3.2.2. maddəsində (bank təminatı olmadığından, çekin tamamilə və ya qismən ödənilmədiyini çekin özündə qeyd etməli və ləngimədən onu çek sahibinə göndərməli, bu barədə belə çekləri imzalamış çek verənlərin reyestrini tərtib edən Azərbaycan Mərkəzi Bankına dərhal bildiriş göndərməlidir) "Azərbaycan Respublikasının Mərkəzi Bankına" sözləri "maliyyə bazarlarına nəzarət orqanı" sözləri ilə əvəz edilir.

Bildirilib ki, bununla da bu səlahiyyət yeni yaradılmış Maliyyə Bazarlarına Nəzarət Palatasına verilir.

Dəyişiklikdə, bundan başqa, yeni quruma "Qiymətli kağızların (investisiya fond payı istisna olmaqla) müvafiq icra hakimiyyəti orqanı tərəfindən dövlət qeydiyyatına alınması" səlahiyyətinin verilməsi də əksini tapıb.

Məcəllədə edilən digər dəyişikliyə əsasən də qiymətli kağızlarla bağlı bütün səlahiyyətlər Maliyyə Bazarlarına Nəzarət Palatasına verilir. Sənəd Milli Məclisin plenar iclasına tövsiyə olunub.

Bütövlükdə, ekspertlərin son dəyişikliklərə münasibəti necədir?

Məsələyə münasibət bildirən iqtisadçı-ekspert Samir Əliyevin fikrincə, Mərkəzi Bankın statusunda dəyişiklik edilməsi onun dövlət funksiyasını itirməsi anlamına gəlməməlidir: "Mərkəzi Bank, əvvəlki kimi, fəaliyyətini davam etdirəcək. Bu addımlar əslində ölkə Prezidenti tərəfindən Maliyyə Bazarlarına Nəzarət Palatasının yaradılması haqqında verilən sərəncama əsasən atılır. Palata Qiymətli Kağızlar Komitəsinin bazasında yaradılıb. Yeni dəyişikliyə əsasən, Mərkəzi Bankın və Maliyyə Nazirliyinin bəzi səlahiyyətləri həmin palataya veriləcək. Maliyyə Bazarlarına Nəzarət Palatasının əsas funksiyası nəzarət, tənzimləyici və lisenziyalaşma olacaq. Yəni banklara lisenziyanı bundan sonra yeni qurum verəcək. Eyni zamanda, bankların fəaliyyəti üçün normativlərin hazırlanmasında da palata iştirak edəcək və bankların bağlanması məsələsi də artıq bu qurumun nəzarətindədir. MB isə bundan sonra sırf pul-kredit siyasəti ilə məşğul olacaq. Bu o deməkdir ki, MB nəzarət fəaliyyətini həyata keçirməyəcək. Qarşılıqlı nəzarət baxımından yeni palatanın yaradılmasını müsbət addım hesab edirəm. Digər tərəfdən, MB-nin müxtəlif hüquqi təşkilat formaları var. Bəzi ölkələrdə MB tam özəl mülkiyyətə malikdir. Məsələn, Amerikada Federal Ehtiyat Fondu Mərkəzi Bankın funksiyasını yerinə yetirir, o, özəl mülkiyyətə malikdir. Avstriyada isə 50 faiz dövlətə, 50 faiz isə yerdə qalan banklar və müxtəlif şirkətlərə məxsusdur. Hüquqi formasının necə olmasından asılı olmayaraq, MB funksiyasında olan qurumlar pul-kredit siyasətini həyata keçirir. Yəni bu funksiyada ölkədə pul-kredit siyasətini həyata keçirən bir qurumdur. Bu, dövlət funksiyalarıdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...