Putinin müşavirindən Azərbaycanın aqrar sektoruna çağırış...

Tarix: 03.03.2016 / 00:15
Bölmə: İqtisadiyyat

Azərbaycan Rusiyaya daha çox məhsul satacaq

Cari il ərzində Azərbaycandan Rusiyaya daha çox həcmdə kənd təsərrüfatı məhsullarının satılması gözlənir. Bunun əsas səbəblərindən biri aqrar sektorda məhsul istehsalının artması, həmçinin, Rusiyada həmin mallara artan tələbatdır. Moskvanın Ticarət və Xidmət Departamentinin rəhbəri Aleksey Nemeryuk da Azərbaycan məhsullarına tələbatın əhəmiyyətli dərəcədə artdığını bildirib.

O qeyd edir ki, Azərbaycan, İran və Mərakeş məhsulları Rusiya bazarında türk mallarını əvəz edəcək: "Mərakeş istehsalçıları üzərlərinə düşə biləcək həcmə hazır deyildilər, ona görə Yeni il qabağı naringinin qiyməti, demək olar ki, iki dəfə qaldırıldı. Vəziyyətdən istifadə olundu". Departament rəhbərinin sözlərinə görə, Azərbaycan bir sıra türk əyalətlərinin iqlim şəraitinə yaxın olması səbəbindən pomidor və xiyar tədarükünü təmin edə bildi, İrandan tədarükün isə daha intensiv rejimdə dəniz yolu ilə Mahaçqalaya edilməsi planlaşdırılır.

Bu il üçün Azərbaycandan Rusiyaya daha çox pomidor və xiyar tədarükü gözlənir. Xatırladaq ki, bir müddət əvvəl Rusiya prezidentinin iqtisadiyyat məsələləri üzrə müşaviri Sergey Qlazyev Azərbaycan brendlərinin bu ölkədə daha geniş təmsil edilməsinə çağırıb. Qlazyev Azərbaycan mallarının Rusiyada yaxşı tanındığını vurğulayıb: "Lakin meyvə və tərəvəzlər haqda danışsaq, o zaman bizim piştaxtalarımızda mənşəyi müəyyən edilməyən kənd təsərrüfatı məhsullarının geniş assortimentini görə bilərik. İndi rusiyalı istehlakçılar həmin pomidorlarda "Made in Azerbaijan" brendini görsə o saat biləcək ki, bu, Azərbaycanın məhsuludur, nəticədə ona tələbat artacaq".

Putinin müşavirinin sözlərinə görə, Azərbaycanın kənd təsərrüfatı məhsulları öz keyfiyyətinə görə tanındığı üçün onlara tələbat çoxdur: "Xalq tələbatı mallarından danışsaq, bu sahədə Rusiya bazarında tanınmaq lazımdır. Ona görə də brendləşmə bu istiqamətdə atılmış düzgün addımdır". Qlazyev qeyd edib ki, Azərbaycanın qarşısında ixraca yönəldilən məhsulları tamamilə udmağa qadir olan geniş bazar açılmaqdadır. Amma hazırda Rusiyanın narahatlığı ondan ibarətdir ki, Türkiyənin də kənd təsərrüfatı məhsulları Azərbaycandan keçməklə yenidən rus bazarlarına daxil ola bilər. Moskva birmənalı şəkildə bunun əleyhinədir. Hətta bu günlərdə Rusiyanın kənd təsərrüfatı məhsullarına nəzarət üzrə dövlət agentliyi "Rosselxoznadzor"

Azərbaycanı Moskvaya zərərli pomidor göndərməkdə ittiham edib. Amma sonradan məlum olub ki, "Rosselxoznadzor" bu pomidorların Türkiyə istehsalı olmasından şübhələnərək həmin məhsulu məhv edib. Bundan əvvəl də "Rosselxoznadzor" Azərbaycanın Türkiyə istehsalı olan pomidorları öz məhsulu adı altında Rusiya bazarına ixrac etməsindən şübhləndiklərini açıqlamışdı. Bu agentliyin rəhbəri bildirmişdi ki, yanvar ayında Türkiyə pomidorlarının Rusiya bazarına daxil olmasına qadağa qoyulmasının ardınca Azərbaycan Rusiyaya pomidor ixracını birdən birə 5 dəfə artırıb. Azərbaycanın Kənd Təsərrüfatı Nazirliyi isə bu şübhənin əsassız olduğunu bildirir. Nazir Heydər Əsədov bildirib ki, "Rosselxoznadzor"un nümayəndələri Azərbaycana gəlib pomidor istixanalarının bol məhsul verdiyini özləri də görə bilərlər. Ümumiyyətlə, Rusiyanın bəzi mətbuat orqanlarında Türkiyə istehsalı pomidorun Azərbaycan vasitəsilə şimala ixracı heç də həqiəqəti əks etdirmir. Belə ki, Rusiyanın Türkiyədən bir sıra ərzaq və kənd təsərrüfatı məhsullarının idxalını qadağan etməsindən sonrakı dövr ərzində Azərbaycana pomidor idxalının həcmi əvvəlki səviyyədə olub. 2015-ci ilin dekabr ayında 23,6 ton, 2016-cı ilin yanvar ayında isə cəmi 127,9 ton pomidor Rusiyaya göndərilib. İkincisi, Rusiyanın bir sıra ölkələrdən kənd təsərrüfatı və ərzaq məhsulları idxalını qadağan etməsindən sonra yaranan yeni bazar imkanlarını, təbii olaraq, uzun illər ərzində ənənəvi Rusiya bazarına məhsul ixrac edən azərbaycanlı sahibkarlar da dəyərləndirdilər. Xüsusilə Respublika Prezidenti İlham Əliyevin qeyri-neft məhsullarının ixracının stimullaşdırılması tədbirləri kənd təsərrüfatı məhsullarının ixrac potensialının artırılmasında ciddi dönüş yaradıb.

Eyni zamanda manatın devalvasiyası siyasəti Azərbaycanın kənd təsərrüfatı məhsulları üzrə istehsalın və ixracın həcminin artırılmasında önəmli rol oynayır. Məsələn, cari ilin yanvar ayında ölkədə tərəvəz istehsalı ötən ilin müvafiq dövrünə nəzərən 6,7 faiz çoxalıb. Məhz bu fonda Azərbaycandan Rusiyaya daha çox məhsul göndərilməsi nəzərdə tutulur.

Nahid SALAYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...