Gips və sement istehsalında tənəzzül prosesini necə dayandırmaq olar?

Tarix: 26.02.2016 / 02:18
Bölmə: İqtisadiyyat

Pərviz Heydərov: "Tikinti materialları istehsalının azalması onlara tələbatın enməsilə bağlıdır"

"İstehsalda heç bir problem olmadığından, ilk növbədə satış canlanmalıdır"

2016-cı ilin yanvar ayında Azərbaycanda tikinti materiallarının istehsal həcmi 8,8 mln. manat təşkil edib ki, bu da 2015-ci ilin yanvar ayının göstəricisindən 53,6% azdır.

Statistik məlumatlara əsasən, hesabat dövründə respublikada 101,2 min ton sement (azalma 46,9%), 12,9 min ton tikinti gipsi (azalma 22,6%), 1,2 min kubmetr beton konstruksiya (azalma 29,4%), 21,9 min ton asfalt (artım 2,4%) istehsal olunub. Bundan başqa, cari ilin yanvar ayında 144,9 min ton işlənmiş mərmər, əhəng daşı, alebastr və onlardan hazırlanmış məmulatlar (azalma 85,5%), 12,5 min kubmetr tikinti kərpici (azalma 28,8%), 43,6 min ton hazır beton qarışığı (azalma 52,9%) istehsal edilib.

Ümumən sözügedən tikiniti materialları tikintidə geniş istifadə olunur. Neftin qiymətinin aşağı düşməsi ilə əlaqədar bir sıra layihələrin təxirə salınması, məzənnə dəyişikliyi tikinti materiallarına tələbin azalmasına gətirib çıxarıb. Bu da, öz növbəsində, istehsalın azalması ilə nəticələnib.

Maraqlıdır, ekspertlər baş verənləri necə dəyərləndirir?

Məsələyə münasibət bildirən iqtisadçı-ekspert Pərviz Heydərovun fikrincə, tikinti materialları istehsalının azalması onlara tələbatın bilavasitə enməsilə bağlıdır: "Belə ki, bu sahədə bazarda alıcı qüvvəsinin aktivliyi zəifləyib. Əslində qeyd olunan tendensiya bütün sahələrə aiddir. Tikinti materialları satışı bazarın mühüm seqmentlərindən birini təşkil etdiyi üçün özünü burada da göstərib. Ümumiyyətlə, iqtisadiyyatda böhran yaranmağa başlayanda özünü birinci növbədə tikinti sektorunda göstərir. Əksinə, iqtisadi aktivlik yüksək olduqda isə tikinti genişlənir, onların sayı çoxalır. Ona görə də hökumətlər iqtisadiyyatı böhrandan çıxarmaq üçün əksər hallarda, ilk növbədə, tikintini stimullaşdırmağa çalışır. Fikrimcə, istehsalda heç bir problem olmadığından, ilk növbədə satış canlanmalıdır. Qiymətlərin ucuzlaşmasının həddi var. Bu tendensiya isə artıq kifayət qədər gedib. İstehsalın azalması prosesi uzun müddət davam edərsə, bu, işsizliyin artmasına gətirib çıxaracaq.

Lakin müşahidələr deməyə əsas verir ki, tendensiya artıq hökumətin diqqət mərkəzindədir. Dövlət də hazırda iqtisadiyyatda ölkədən kənar proseslərlə əlaqədar təşəkkül tapmış və sürətlə genişlənməyə meylli olan durğunluqla mübarizə məqsədilə müvafiq tədbirlər görür. Məlum olduğu kimi, ipoteka sahəsində ayrıca qurum yaradıldı, həmçinin kreditləşdirməyə əlavə olaraq 200 milyon manat ayrılması məsələsi də gündəmdədir. Hesab edirəm ki, bütün bu işlər keyfiyyətlə həyata keçirilərsə, ölkədə tikinti sektoru yenidən canlanacaq. Nəticədə tikinti materiallarına tələbat artacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...