Builki büdcəmizin 38 faizi sosial sahəyə yönəlib - hazırkı iqtisadi durumda rəqəmin mahiyyəti...

Tarix: 26.02.2016 / 02:16
Bölmə: İqtisadiyyat

Anar Rzayev: "Büdcənin strukturuna baxanda belə qənaətə gəlmək olar ki, büdcə sosial yönümlüyünü dəyişməyib"

"Ancaq eyni zamanda büdcə ölkənin qənaət rejiminə keçməsini göstərir"

Son bir ildə dünyada neftin qiymətinin kəskin düşməsi və qlobal iqtisadi proseslər Azərbaycan iqtisadiyyatından yan keçməyib. Bu, ölkənin valyuta daxilolmalarının kəskin azalmasına və tədiyyə balansında mənfi saldonun yaranmasına səbəb oldu.

Yaranmış vəziyyət dövlət büdcəsinə yenidən baxmaq zərurəti yaratdı və yeni layihədə neftin bir barrelinin qiyməti 25 dollara salındı. Ancaq bütün bu çətinliklərə rəğmən, sosial ayırmalara diqqət edildi. Fevralın 23-də Milli Məclisin növbəti plenar iclasında "Azərbaycan Respublikasının 2016-cı il dövlət büdcəsi haqqında" Qanunda dəyişikliklər edilməsi barədə qanun layihəsi müzakirə edilərək qəbul olunub.

Mövcud vəziyyəti nəzərə alaraq Prezident İlham Əliyev dövlət və icmal büdcələrinə yenidən baxılaraq düzəlişlərin edilməsi ilə bağlı hökumətə müvafiq tapşırıqlar verib. Manatın məzənnəsinin enməsi ilə bağlı, Prezidentin tapşırığına əsasən, əhalinin həssas sosial qruplarının müdafiəsinin gücləndirilməsi, pensiya və sosial müavinətlərin, ünvanlı sosial yardımın verilməsinə vəsait ayrılıb.

Qeyd olunan sosial tədbirlərin maliyyə təminatı üçün dəqiqləşdirilmiş dövlət büdcəsinin xərclərində əlavə olaraq 1290 milyon manat vəsait nəzərdə tutulub. Bununla da dövlət büdcəsində sosialyönümlü xərclərin xüsusi çəkisi 1,7 faiz-bənd artaraq 37,8 faiz təşkil edəcək.

Ümumilikdə, yenilənmiş büdcədə sosialyönümlü xərclərin artırılmasını ekspertlər necə dəyərləndirir?

Sözügedən məsələni şərh edən iqtisadçı-ekspert Anar Rzayevin fikrincə, yeni büdcə optimallaşdırılıb. O hesab edir ki, sosialyönümlü xərclərin artırılması müsbət haldır: "Yeni büdcə kifayət qədər optimallaşdırılmış büdcədir. Neftin qiyməti burada reallığı əks etdirəcək səviyyədədir. Belə ki, 25 dollar səviyyəsində göstərilib. Bu mənada düşünürəm ki, hökumət büdcəni yerinə yetirə biləcək. Büdcənin strukturuna baxanda belə qənaətə gəlmək olar ki, büdcə sosial yönümlüyünü dəyişməyib. Hesab edirəm ki, bu müsbət qiymətləndirilməlidir. Ancaq eyni zamanda da büdcə ölkənin qənaət rejiminə keçməsini göstərir. Fikrimcə, il ərzində neftin qiyməti bahalaşacaqsa, o zaman büdcəyə yenidən baxıb xərcləri artırmaq mümkündür. Layihədə büdcənin gəlirlər hissəsi 2 milyard 256 milyon manat və yaxud 15,5 faiz artırılaraq 16 milyard 822 milyon manata çatdırılıb. Xərclər hissəsi isə 2 milyard 231 milyon manat və yaxud 13,7 faiz artırılaraq 18 milyard 495 milyon manata çatdırılıb".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...