Xəzərdə birgə Azərbaycan-İran neft-qaz əməkdaşlığının yeni mərhələsi açılır...

Tarix: 26.02.2016 / 02:40
Bölmə: İqtisadiyyat

İlham Şaban: "Tehran ARDNŞ mütəxəssislərinin və servis şirkətlərinin əldə etdiyi təcrübədən faydalanmaq istəyir"

"Azərbaycanın isə İranda hər hansı bir yataqda iştirakçı olması mümkündür"

Azərbaycan və İran prezidentlərinin görüşündə bir çox sahələr üzrə mühüm razılaşmalar əldə edilib. Hər iki ölkə başçısı gələcək perspektivlər barədə də söz açıb. İlham Əliyev birgə keçirilən mətbuat konfransında bəyan edib ki, neft-qaz sektorunda çox gözəl perspektivlər var: "İran Azərbaycanın neft-qaz yataqlarına investisiyalar qoyur.

Biz gələcək əməkdaşlıq haqqında çox gözəl fikir mübadiləsi apardıq. Xəzər dənizində yerləşən neft-qaz yataqlarının birgə işlənməsi məsələsi də müzakirə olundu və yaxşı nəticələr gözlənir. Xəzər dənizi bizim ümumi sərvətimizdir. Xəzər dənizi bundan sonra da əməkdaşlıq, təhlükəsizlik və sülh dənizi olmalıdır.

Energetika sahəsində çox gözəl işlər görülür və gözəl perspektivlər vardır. Bu sahədəki əməkdaşlıq ancaq İran-Azərbaycan əməkdaşlığı ilə məhdudlaşmır. Qonşu ölkələr də bu layihəyə qoşula bilərlər və belə olan halda bu, gözəl transmilli, regional layihəyə çevriləcəkdir.

Qarşılıqlı sərmayə qoyuluşu üçün çox gözəl imkanlar var. Hər iki ölkədə hazırda çox ciddi iqtisadi islahatlar aparılır, biznes mühiti yaxşılaşır. Belə olan halda, qarşılıqlı sərmayə qoyuluşu üçün yeni imkanlar yaranacaqdır. Maliyyə, bank, sığorta, turizm, əczaçılıq sektorlarında da gələcək fəaliyyət üçün gözəl imkanlar var.

Prezident Ruhani qeyd etdi ki, artıq biz üçtərəfli formatlarda da fəal iştirak edirik və getdikcə bu formatların coğrafiyası genişlənəcəkdir. Bu bizim regional əməkdaşlığa birgə verdiyimiz dəyərli töhfədir. Bu hər iki ölkənin niyyətini göstərir".

Bu sahədəki əməkdaşlığın Azərbaycana hansı faydası ola bilər?

Ekspert İlham Şabanın fikrincə, Azərbaycan Dövlət Neft Şirkəti ilə (ARDNŞ) İranın müvafiq neft strukturlarının rəhbərləri arasında son iki ildə bir neçə görüşlər baş tutub: "2014-cü ildən sonra hər iki ölkənin enerji sahəsində əlaqələri intensivləşib. Bu münasibətlər çərvivəsində birgə əməkdaşlığa dair memorandum da imzalanıb. Cənub qonşumuz Azərbaycanla enerji sahəsində əməkdaşlıqda maraqlıdır. Eyni zamanda ölkəmiz də bu əməkdaşlığa meyl edir. Hər ikisi neft, qaz ölkəsidir".

Müsahibimizin sözlərinə görə, Azərbaycan xarici investorları ölkəmizə dəvət edərək onların təcrübəsindən yararlanıb:

"Məhz bu baxımdan dünyanın mütərəqqi texnologiyası ilə müasir infrastrukturlar yaratmışıq və Xəzərin ən dərin qatlarından dünya bazarlarına neft və qaz hasil edirik. Ancaq İran bunu hələ indi gerçəkləşdirmək niyyətindədir. 2015-ci il noyabrın 28-də İranda böyük konfrans keçirildi. Tədbirdə qeyd olundu ki, xarici şirkətlərlə əməkdaşlıq etmək lazımdır. Ora ARDNŞ də dəvət almışdı. Bir sözlə, İranın Azərbaycandan öyrənmək istəyi və ölkəmizin təcrübəsindən faydalanmaq niyyəti var. Cənub qonşumuz uzun müddət qapalı qaldı. Azərbaycan isə son 20 ildə bu sahədə uğurlu yol keçdi. Bu yol İrana bir örnəkdir. Ona görə də Tehran ARDNŞ mütəxəssislərinin və servis şirkətlərinin əldə etdiyi təcrübədən faydalanmaq istəyir. Fikir verin, Azərbaycanda təxminən 7 min metrə yaxın qazma işləri aparılır. İranda isə qazma işlərinin səviyyəsi aşağıdır. İran istəyir ki, Azərbaycan mütəxəssisləri və şirkətləri onlar üçün servis işləri görsün. Faktiki olaraq İran "Şahdəniz" yatağında hasilatla məşğul olur. Cənub qonşumuz 1996-cı ildən o layihənin iştirakçısıdır. Ancaq passiv iştirakçısıdır. Azərbaycanın isə İranda hər hansı bir yataqda iştirakçı olması mümkündür. Ancaq bunun üçün vəsait tələb olunur. Neft qiymətlərinin aşağı olduğu bir dövrdə hasilata böyük məbləğdə sərmayə qoymaq risqlidir. Bunu nəzərə almaq lazımdır".

İ.Şaban onu da əlavə edib ki, 10 ildən artıqdır Naxçıvanın qazla təmin edilməsində İranın xidmətlərindən istifadə edirik: "Yəni biz kvota əməliyyatlarını çoxdan həyata keçirmişik. Hər şey konvensiya üzərində qurulub. Konvensiya baxımından bizə əl verən hər bir məsələ gerçəkləşəcək".

Məhəmmədəli QƏRİBLİ

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...