JEK-lərin ömrü uzanır...

Tarix: 25.02.2016 / 02:13
Bölmə: İqtisadiyyat

Bir neçə ildir ki, ölkədə mənzil istismar sahələrinin (JEK) ləğv edilməsi və bu səlahiyyətlərin digər qurumlara, məsələn, bələdiyyələrə verilməsi gündəmdə olsa da, hələlik bu istiqamətdə heç bir addım atılmır. 2016-cı il büdcə layihəsinə dəyişikliklərin müzakirəsi zamanı deputat Fəzail Ağamalı yenidən bu məsələyə toxunaraq maraqlı məqamlara diqqət çəkib: "447 milyona mənzil kommunal təsərrüfatının saxlanmasına nə ehtiyac var?

Mənzillər özəlləşib, su, qaz, işıq və s. müstəqildir. Problem olanda başqa sahəyə yönəlir". O qeyd edib ki, bu qədər vəsaitlə mənzil kommunal təsərrüfatlarının saxlanmasına ehtiyac yoxdur.

Ekspertlər də bildirir ki, JEK-lərin ləğvi prosesi tezləşməlidir. Həmçinin, mövcud qanunvericilik də bunu tələb edir. Qeyd edək ki, mövcud Mənzil Məcəlləsi JEK-lərin fəaliyyətini tənzimləmir. Həmin Məcəlləyə görə, dövlət mənzil fondunu müvafiq dövlət qurumları, bələdiyyə mənzil fondunu bələdiyyələr idarə edir. Özəl mənzil fondu isə mülkiyyətçinin birbaşa özü və ya onun seçimi əsasında idarəedici təşkilat tərəfindən idarə olunur. Məcəllədə o da göstərilir ki, çoxmənzilli binanın sahə mülkiyyətçiləri binanın üç idarəetmə üsulundan birini seçməyə borcludur. Bunlar binanın sahə mülkiyyətçiləri tərəfindən bilavasitə idarə edilməsi, mənzil mülkiyyətçiləri müştərək cəmiyyəti və ya ixtisaslaşmış istehlak kooperativi tərəfindən idarə edilməsi, idarəedici təşkilat tərəfindən idarə edilməsindən ibarətdir. Göründüyü kimi, mənzil fondunun hər üç mülkiyyət formasında JEK-lərin xidməti barədə heç nə deyilmir.

Hazırda maraq dairəsində olan əsas məsələ də mənzil mülkiyyətçiləri müştərək cəmiyyətinin yaradılması və çoxmərtəbəli binaların onlar tərəfindən idarə olunmasıdır. Qeyd edək ki, İqtisadiyyat Nazirliyi tərəfindən Mənzil Məcəlləsindən irəli gələn məsələlərin və mənzil-kommunal sahəsində formalaşmaqda olan yeni münasibətlərin təbliği, çoxmənzilli binalarda yeni idarəetmə üsullarının tətbiqinin sürətləndirilməsi üçün məhz mənzil mülkiyyətçiləri müştərək cəmiyyətlərinin yaradılması istiqamətində müəyyən addımlar atılır. Bunun nəticəsində mənzil-kommunal sahəsində formalaşmaqda olan yeni münasibətlərə uyğun olaraq, 2015-ci ildə 9 mənzil mülkiyyətçiləri müştərək cəmiyyəti qeydiyyatdan keçib. Bununla da dövlət qeydiyyatına alınmış mənzil mülkiyyətçiləri müştərək cəmiyyətlərinin sayı 18-ə çatıb. Hazırda nazirlik tərəfindən Bakı, Sumqayıt, Xırdalan və Mingəçevir şəhərlərində yerləşən çoxmənzilli binalarda yeni idarəetmə üsullarının tətbiqi, yeni mənzil mülkiyyətçiləri müştərək cəmiyyətlərinin yaradılması ilə bağlı müvafiq təşkilati işlər həyata keçirilir. Lakin ekspertlər bunun problemin tam həllinə imkan verməyəcəyi qənaətindədir. Məsələnin qanunvericilik səviyyəsində birdəfəlik həlli vacib sayılır.

JEK-lərin səlahiyyətlərinin isə bələdiyyələrə verilməsi mümkün hesab olunur. Bir məsələni də xatırladaq ki, JEK-lərin funksiyalarının böyük bir hissəsi "ASAN xidmət"ə verilib. Söhbət, əsasən, sənədləşmə işlərindən gedir. Onu da qeyd edək ki, hazırda ölkədə 200-ə yaxın JEK var və bunlardan 150-si paytaxtda fəaliyyət göstərir. Onların tam ləğv edilməsi üçün həm də Nazirlər Kabineti müvafiq qərar verməlidir. O qərarın nə vaxt veriləcəyi isə dəqiq deyil. Dəqiq olan budur ki, JEK indi daha çox məhəllədaxili ərazini təmizləyir. Bu işin öhdəsindən isə, qeyd olunduğu kimi, bələdiyyələr də gələ bilər. O da faktdır ki, bu gün JEK-lərin fəaliyyəti qüsurludur və onlar öz işlərinin öhdəsindən gələ bilmir. Hətta hazırda bələdiyyələr JEK-lərin bəzi işlərini öz hesablarına həyata keçirirlər. Xüsusən abadlıq işləri, zibillərin daşınması, yaşıllaşdırma kimi bəzi işləri bələdiyyə həyata keçirir və görülən işlərin də effekti var. Ona görə təklif edilir ki, ən azından bu səlahiyyətlər qanunvericiliklə bələdiyyələrə verilsin. Eyni zamanda, JEK-lərə ayrılan vəsaitlər bələdiyyələrin hesabına köçürülməlidir ki, onlar daha yaxşı işləsinlər. Lakin bunun üçün mənzil-kommunal sektorundakı indiki qeyri-müəyyənliyə son qoyulmacı və bələdiyyələrin səlahiyyətləri artırılaraq onlara kommunal sektorda işləmək imkanının yaradılması zəruri şərt kimi çıxış edir.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...