Bakıda 9 mikrorayonda söküntü layihəsi əmlak bazarını kökündən dəyişə bilər

Tarix: 24.02.2016 / 01:43
Bölmə: İqtisadiyyat

Rəşad Əliyev: "Sözügedən qərar tikinti sektorunda aktivliyin artmasına təsir göstərəcək"

"Bu, inşaat materialları istehsalı sektorunun inkişafı, yeni iş yerləri, vergi daxilolmaları və s. deməkdir"

Məlum olduğu kimi, ötən həftə fövqəladə hallar naziri Kəmaləddin Heydərov sahibkarlarla keçirdiyi görüşdə tikinti sektorunda canlanma yaratmaq üçün ciddi, əhatəli addımlar atılacağını bəyan edib. Nazirin sözlərinə görə, iş adamları heç bir məhdudiyyətlə üzləşməyəcək və neqativ hallar yaranarsa, dərhal aidiyyəti qurumlar vəziyyətə müdaxilə edəcək.

K.Heydərov daha sonra bildirib ki, Bakı şəhərində 9 mikrorayonda 5, 7 və 9 mərtəbəli binalar sökülərək yenidən tikiləcək. Bu sahədə sifariş alan şirkətlər üçün hər cür şərait yaradılacaq.

Görünən odur ki, paytaxt Bakıda növbəti söküntü dalğası gözlənir. Söküntü aparılacaq küçələr də artıq məlumdur. Bu küçələr paytaxtın mərkəzi hissəsində yerləşir. Buraya Vidadi, Dilarə Əliyeva, İstiqlaliyyət küçələri və başqa ərazilər daxildir. Paytaxtın mərkəzi hissəsinin müfəssəl planına əsasən, söküntü aparılacaq ərazilər məlum olub. Həmin planda söküntü işlərinin bir neçə mərhələdə həyata keçirilməsi nəzərdə tutulub. Növbəti mərhələdə "Sovetski" adlanan ərazinin yerdə qalan hissəsi söküləcək. Bundan əlavə, Şəmsi Bədəlbəyli küçəsinə bitişik küçələrdə söküləcək binalar müəyyənləşdirilir. Sökülən ərazilərdə hansı obyektlərin olacağı da böyük ölçüdə məlumdur. Şəhər sakinləri isə istifadəyə, demək olar ki, yararsız olan binaların sökülməsinin vacib olduğunu deyir.

Ümumilikdə, sözügedən məsələni dəyərləndirən ekspert Rəşad Əliyev hesab edir ki, tikinti şirkətlərindən məhdudiyyətsiz həcmdə söküntü və tikinti işləri haqda təkliflər qəbul ediləcək: "Təklifə əsasən tikinti şirkəti öz vəsaiti hesabına binanı sökür və yerində yenisini tikir. Tikinti şirkəti bu halda layihələndirməni elə aparmalıdır ki, həm orada yaşayan insanları evlə təmin etsin, həm bütün xərcləri çıxarsın, həm də sonda mənfəət əldə etsin. Bu isə mərtəbənin çox olması və torpaq sahəsinin optimal istifadəsi nəticəsində mümkün olacaq. Məsələn, 5 mərtəbəli binanın yerinə 16 mərtəbəli tikiləcək, yaxud 2 ədəd 5 mərtəbə əvəzinə 3 ədəd 16 mərtəbə tikiləcək və s. Burda layihələr müxtəlif ola bilər. Sözsüz ki, bu layihələr son nəticədə nəzərdən keçirilərək şəhərsalma və tikinti qaydalarına uyğunluğu yoxlanacaq. Çünki tikinti şirkətinə qalsa, orda boş yer saxlamaz. Nazir çıxışında vurğulayıb ki, dövlət qurumları həmin yeni binaları lazımi infrastrukturla təmin edəcək. Misal üçün, "Azərişıq" zəruri elektrik xətləri, "Azərsu" su xətləri və kanalizasiya xətləri ilə".

R.Əliyevin fikrincə, bu, tikinti sektorunda aktivliyin artmasına təsir göstərəcək: "Sözsüz ki, yeni sahələr yeni təklif (satışa çıxarılan yeni mənzillər) deməkdir. Bu isə vaxt tələb edir. Bir də nəzərə almaq lazımdır ki, köhnə binalar minlərlədir və bu iş, mərhələli olmaqla yanaşı, uzun illər tələb edəcək. Bu, inşaat materialları istehsalı sektorunun inkişafı, yeni iş yerləri, vergi daxilolmaları və s. deməkdir. Eyni zamanda, bunun sosial məqsədləri də var. Belə ki, sovet dövründə tikilən binalar köhnəlib, bununla yanaşı, onların rahatlığı da aşağı səviyyədədir. Həmçinin, nəzərə almaq lazımdır ki, həmin binalar köhnəldikdə risq qrupuna düşməyə başlayacaq. İlk baxışdan bu layihələr sadə görünə bilər. Ancaq burda ən başlıca problem satmaq və qazanc əldə etmək olacaq. Bazarda mövcud durum bu layihələrin cəlbediciliyini azaldır. Bu şəraitdə sözsüz ki, həmin mənzillərin satışının ipoteka kreditləşməsi vasitəsilə aparılması böyük yardım ola bilər. Bunun üçün isə maliyyə mənbələrinə ehtiyac var. Buna görə də bu istiqamətdə dövlətin dəstəyinə yenə ehtiyac olacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...